Fífl - dirfska Breta og Íslendinga.

Þessi frétt er með þvílíkum endemum að það er leitun að öðru eins. Hætt við símafund og heimför samninganefndar frestað. Gefið í skyn að Bretar vilji ræða málin áfram.

Bretum og íslenskum stjórnvöldum er greinilega ekki vel við að það er framundan þjóðaratkvæðagreiðsla á Íslandi um Icesave. Reynt að koma í veg fyrir það með nokkurs konar málþófi. Forseta vorum, eða þannig, hefur sem sagt tekist að hræða líftóruna úr Bretum. Spurningin er hins vegar sú hversu lengi við ætlum að láta hafa okkur að fíflum og vera yfirhöfuð að ræða við þessa menn, það er atkvæðagreiðsla framundan að öllum líkindum.

Svo er það mín skoðun að það sé Breta að fara fram á að fá að koma til Íslands og ræða þessi mál, úr því að þeir vilja það á annað borð, þetta eru þeirra kröfur. Enn og aftur látum við hafa okkur að fíflum.

 Hvað kostar svo dvölin fyrir samninganefndina þarna úti? Mig langar að fá að vita það.

Bretar vilja ræða málin áfram

Nei eða já, af eða á......

Mikill óskaplega mikill dulúð er í kringum þessar svokölluðu viðræður. Það má ekki gefa upp hvernig viðræðurnar hafi gengið eða hvort að það verði frekari viðræður á næstunni. Kannski íslenska samninganefndin hafi séð sitt óvænna og ekki þorað að gefa tommu eftir vegna kosninganna sem að verða á laugardaginn. Skyldi það vera raunin, já eða hvað?

Ekki formlegir fundir á næstunni

Námskeið um skaðræðssjúkdóminn vefjagigt.

Aukin umræða um vefjagigt er áhugaverð fyrir manneskju sem að hefur þjáðst af þessum sjúkdómi í tæp 3 ár. Skilningurinn úti í þjóðfélaginu er lítill sem enginn og oftar en ekki hef ég fengið þann stimpil á mig að ég væri letingi, manneskja sem að er búin að þræla sér út allt sitt líf 51 árs gömul.

Það er einmittt í mínum aldursflokki sem að sjúkdómurinn er hvað algengastur og einkum meðal kvenna eða um 90%. Í ágætri grein sem að ég las fyrir nokkru var talað um að þessi sjúkdómur væri hormónatengdur. Meiri hluta þeirra sem að fá hann eru konur á breytingarskeiði. Það virðist nú vera aukin vakning í samfélaginu um þennan sjúkdóm og ég fagna því.

Ég vil benda á eftirfarandi slóðir til frekari upplýsinga:

http://www.vefjagigt.is/greinalisti.php?id_teg=0

http://www.gigt.is/frettir/nr/304

Vonandi fer viðhorf til vefjagigtarsjúklinga eitthvað að breytast.

Furðuleg fyrirbæri.......

Stendur ekki til að þjóðin fái að kjósa um Icesave á laugardaginn? Hvaða bull og vitleysa er þetta eiginlega?

Íslenska samninganefndin þýtur af stað til að tala við skíthrædda breska samninganefnd. Þetta er alveg furðuleg tragekómedía.

Funda mögulega á morgun

Á rikisstjórnin að lifa eða fólkið í landinu?

Með eindreginni afstöðu gegn Icesave á laugardaginn, getum við fellt þessa skattaríkisstjórn, sem að virðist vilja gera allt nema að hjálpa þeim sem að minnst mega sín. Sýnum okkar eindregna vilja í verki og kjósum gegn Icesave á laugardaginn.

 Okkar er valið gott fólk, hvernig væri að hætta að láta vaða yfir sig.

74% gegn Icesave-lögum

Engin mótmæli gegn síhækkandi bensínverði - athyglisvert......

Hvers vegna í ósköpunum mótmælir þessu enginn? Það yrði gert í öllum löndum heimsins nema á Íslandi. Þetta er liður í skattastefnu ríkisstjónar í síauknum skattaálögum á landsmenn. Í flestum löndum myndu menn minnka notkun einkabílsins verulega, en ó nei ekki hér á Fróni. Við látum þetta bara ganga yfir okkur.

Væru ekki mótmæli á Austurvelli nú með látum eins og voru í ársbyrjun 2009 ef að Sjálfstæðisflokkurinn væri við völd? Einhvernveginn grunar mig það. Já og Hörður Torfa bara horfinn. Af hverju stendur hann ekki nú fyrir mótmælum sívaxandi skattastefnu núverandi ríkisstjórnar?

 Meira en helmingur bensínverðs rennur beint í ríkiskassann, ekkert bull um heimsmarkaðsverð. Verð á bensíni hér er með því hæsta í heiminum. Nei það er verið að nota þessa peninga til þess að að borga skuldir fjárglæframanna. Já svona er komið aftan að fólki. Verð á bensíni í USA er helmingi lægra en hér á Íslandi nota bene.

 

Bensínlítrinn á 199,20 krónur

Thatcher - Jóhanna (ekki af Örk)

Hvernig væri að þjóðin fengi að kjósa um hvort að hún vill yfirhöfuð nokkrar aðildarviðræður að ESB. En það er bara þannig að þjóðaratkvæðagreiðsla er ekki í anda Samfylkingar eða VG. Þetta er hreinn og klár viðbjóður þessi framkoma Jóhönnu.

 Hún er ekki lengur "heilög Jóhanna", hún er "Thatcher Jóhanna", er með einræðistilburði með Steingrím í eftirdragi sem að reynir aðeins að malda í móinn með því að segjast frekar vilja tala við Norðmenn. Ætli Jóhanna hlusti nú mikið á það. Hótar þá bara stjórnarslitum.

Svo er þetta nú meira ruglið að Icesave-deilan við Breta og Hollendinga muni ekki hindra ESB aðild Íslands. Auðvitað mun hún gera það. En svona lygar eiga ekki lengur við í þessu máli. Það er komið nóg af þeim. Ég vil enga ESB aðild algerlega óháð þrýstingi frá AGS eða öðrum. Sú aðild myndi kosta okkar miklar fórnir i auðlindum Íslands, það sér hver heilvita maður.

Þessi ríksstjórn er með þeim ótrúlegustu í Íslandssögunni.

Já oft reynist flagð undir fögru skinni ef fagurt skinn skyldi kalllast. Þetta er hreinn og klár viðbjóður þar sem að verið er að koma aftan að lítilli þjóð, hún á að borga Icesavereikninga og skúrkarnir eiga að sleppa.

Aðildarviðræður taki 1-2 ár

Grafalvarlegur skrípaleikur fyrir íslenska þjóð.

Það virðist vera kominn upp stórpólitískur ágreiningur í ríkisstjórn Íslands í einu mikilvægasti máli er varðar framtíð íslenskrar þjóðar. Hver höndin uppi á móti annarri. Hvenær í ósköpunum ætlar þessi fáránlega ríkisstjórn eiginlega að segja af sér?

 Já ég leyfi mér að segja fáranleg, því að hún er ekki starfhæf og er ekki sammála um nokkurn skapaðan hlut á örlagatímum íslenskrar þjóðar.

VG segir eitt og Samfylking annað, á þetta að heita ríkisstjórn Íslands? Nei þetta er orðinn grafalvarlegur skrípaleikur fyrir íslenska þjóð.

Samfylkingin lítur til ESB en VG til Noregs

Ómerkilegur söluvarningur.

Þetta er þvílíkt sjónarspil að það er hreint ótrúlegt. Það er verið að reyna að friða almenning og segja fólki að Jón Ásgeir og co hafi samvisku og ætli nú að vera ærlegir og setja Haga í söluferli. Það er vitað mál að enginn mun kaupa þetta fyrirtæki og því munu feðgarnir fá Haga fyrir slikk líkt og Björgólfsfeðgar fengu Landsbankann á sínum tíma.

Virkilega ómerkilegt trix hjá þeim Bónusfeðgum og ótrúlegt að þeir haldi að almenningur muni "kaupa" svona ómerkilegan "söluvarning".

Er ekki Jón Ásgeir annars dæmdur maður, vill einhver láta bendla sig við það? Aldrei svo sem að vita. Mórallinnn í íslensku viðskiptalífi er með þvílíkum endemum að það virðist bókstaflega allt vera hægt í þeim efnum.

Óvissu um framtíð Haga eytt

Auðlindirnar, skjaldborgin og svikin.

Það er nokkuð ljóst að öllu skal til fórnað til að við komumst inn í ESB. Ég var á tímibili fylgsimaður þeirrar stefnu en finnst nú að fórnarkostnaðurinn sé of mikill.

 Krafan um Icesavemálið og krafa AGS í því sambandi, eru á þann veg að mér líst ekki á. Við eigum að taka á okkur taumlausar skuldabyrðar til þess að komast inn í ESB.

Og Jóhanna, viltu ekki koma oftar fram í sjónvarpi og kynna fyrir okkur hvað ESB  mun kosta okkar, t.d. í sambandi við auðlindirnar okkar. Eru þær til sölu? Og reyndu ekki að ljúga að okkur í þetta sinnið. Einhvernveginn blasir það við mér að auðlindirnar okkar munu ekki fá að vera í friði. Þú lofaðir að slá skjaldborg um heimilin en sveikst okkur þar. Á að svíkja okkur líka í þessu máli?

Ræða aðild Íslands í febrúar