Söknuður af Daða en velkominn Gunnleifur.

Það verður söknuður af Daða enda svo stór hluti af FH liðinu undanfarin 14 ár.  Verið fyrirliði liðsins á stundum og landsliðsmaður, þó svo að það hafi gerst allt of seint að það gerðist.

Þakka þér Daði, fyrir frábæra frammistöðu fyrir FH liðið undanfarin ár. Þú áttir við mikil meiðsli að stríða á þarsíðustu leiktíð en vonandi ertu ekki búinn að segja þitt síðasta í íslenskum fótbolta. Þú ert of góður til þess.

En velkominn Gunnleifur Gunnleifsson.

Og vonandi kemur Guðmundur Sævarsson sprækur til leiks á nýrri leiktíð eftir erfið meiðsli. Tryggvi Guðmunds, ekki voga þér að yfirgefa Íslandsmeistarana! Ertu nokkuð að spá í það?

Gunnleifur til liðs við FH

Atli Viðar landsliðsmaður betri en enginn. Til hamingju FH.

Atli Viðar Björnsson stendur sig vel eins og fyrri daginn. Létu ekki tap gegn KR slá sig út af laginu og unnu leikinn með stæl. Fátt virðist geta komið í veg fyrir að FH verði Íslandsmeistarar, þó svo að Heimir Guðjóns sé alltaf hógværðin uppmáluð þegar að talið berst að því.

En til hamingju FH!

Stórsigur FH-inga í Grafarvogi

Eru FH-ingar að spila sitt versta tímabil? Magnús Gylfason viltu ekki leiðrétta þig aðeins?

FH tapaði fyrir KR- ingum í kvöld sem að voru að spila vel. Svolítið skrítið að heyra Magnús Gylfason segja að KR-ingar væru að spila sitt besta tímabil, á meðan að FH-ingar væru að spila sitt versta tímabil. FH-ingar hafa verið að spila skemmtilegasta fótboltann í allt sumar.

Bíðið við, eru það FH-ingar eða KR-ingar sem að eru með 10 stiga forskot í Pepsídeildinni? Magnús Gylfason viltu nú ekki aðeins leiðrétta þig fyrir Pepsí-mörkin í kvöld?

Langþráður sigur KR-inga á FH

Fer hraðspólun Pepsímarkanna í kennslumyndband KSÍ? FH -Breiðablik.

Það leynir sér ekki að það er kominn pirringur í ýmsa knattspyrnuaðdáendur hér á Íslandi. Fylgismenn Íslandsmeistara FH eru að sjálfsögðu ánægðir með sitt lið.

Það er samt sem áður svolítið skringileg afstaða sem að maður heyrir hér og þar er, að það sé meira og minna FH-ingum að kenna að mótið skuli vera svona leiðinlegt, það sé engin spenna lengur.

Það er alveg nýtt fyrir mér að þeir sem að skari fram úr á einhverju sviði, eigi að vera sökudólgurunn vegna hæfnisleysi annarra.

Einn af þeim sem að hefur fallið í þessa gryfju er Magnús Gylfason sem að er einn meðlima þáttarins Pepsímarkanna á Stöð 2 Sport.

Ég horfi reglulega á þennan þátt enda forfallin knattspyrnuáhugakona. Það er leiðinlegt að sjá hvernig Magnús fellur í þessa gryfju. Í sama þætti fyrir um 2 vikum síðan svaraði Tómas Ingi, Magnúsi á þann hátt að FH væri að spila skemmtilegan fótbolta og það væri nú ekki síst það sem að skipti máli.

Mér finnst Tómas Ingi alltaf koma vel fyrir og sakna hans þegar að hann er ekki.

Steininn tók svo úr í gærkvöldi í Pepsímörkum, þegar að valið var úr atvik og/eða sókn umferðarinnar sem að var ein sókn FH-inganna.

Magnús taldi að þessí sókn væri kennslubókardæmi um hvernig sókn ætti að vera, en Tómas sagði að þeir félagar "hefðu valið að hraðspóla hana" Mig langar að vita hver valdi þarna hraðspólun, Magnús eða Tómas Ingi?

Frábær sókn sem að ég hefði svo sannarlega kosið að sjá sýnt hægt, frekar en hratt.

Fer hraðspólunin sem sagt í kennslumyndband KSÍ?

Þessi þáttur er endursýndur á Stöð 2 Sport 22:55 í kvöld.

 

Umfjöllun: FH nálgast titilinn eftir sigur á Blikum

Guðlaugur Valgeirsson    Sunnudagur, 26. júlí 2009   

FH unnu í dag Breiðablik með tveimur mörkum gegn einu. Atli Guðnason var valinn maður leiksins en hann lagði upp bæði mörk liðsins og var mjög hættulegur. FH núna í 1 sæti með 37 stig en Blikar nálgast fallsæti óðfluga með 15 stig í 8 sæti.

FH og Breiðablik mættust í dag í Krikanum í ekkert sérstöku veðri, rigning og leiðindi. Fyrir leik voru FH í efsta sæti með 34 stig eftir 13 leiki á meðan Blikar voru í 8 sæti með 15 stig, en Blikar höfðu fengið á sig 8 mörk í seinustu 2 leikjum. Í lið FH-inga vantaði nokkra leikmenn meðal annars Guðmund Sævarsson, Hjört Loga Valgarðsson og Pétur Viðarsson. Í lið Blika vantaði helst Arnar Grétarsson. Guðni Páll Kristjánsson var að spila sinn fyrsta byrjunarliðsleik í efstu deild karla hér á landi en hann byrjaði einnig inná gegn Aktobe í Kasakstan.

Fyrsta færið í leiknum kom á 3 mínútu og það fengu FH-ingar, boltinn barst fyrir markið þar sem Atli Guðnason tók hann viðstöðulaust innanfótar rétt yfir markið. Á 10 mínútu fengu FH-ingar aukaspyrnu, Matthías Vilhjálmsson tók spyrnuna, en boltinn fór yfir vegginn sem og markið. FH komust yfir á 13 mínútu, frábær sending frá Atla Guðna inn fyrir vörnina á Matthías Guðmundsson sem setti hann í fjærhornið framhjá Ingvar Kale í marki Blika, 1-0 fyrir FH. FH fengu mjög gott færi á 22 mínútu, Tryggvi Guðmundsson tók aukaspyrnu rétt fyrir utan teig, gaf boltann fyrir þar sem Tommy Nielsen skaut boltanum viðstöðulaust, rétt yfir markið. Á 25 mínútu voru Blikar við það að sleppa í gegn en Guðni Páll Kristjánsson, nýliðinn í hægri bakverðinum stoppaði það með frábærri tæklingu. Aðeins 30 sekúndum síðar voru FH-ingar næstum því búnir að bæta við marki,þeir tættu í sig vörnina, Atli Guðna og Björn Daníel og að lokum kom Atli með sendingu fyrir en Matthías Guðmundsson náði ekki til knattarins.

 Á 27 mínútu keyrði Björn Daníel Sverrisson upp vinstri kantinn, gaf á Atla Guðna sem átti skot rétt framhjá en boltinn fór í varnarmann Blika. Fyrsta færi Blika kom á 30 mínútu þegar Olgeir Sigurgeirsson fékk of mikið pláss fyrir framan mark FH og lét vaða en Daði Lárusson varði vel. Á 37 mínútu fengu Blikar besta færi sitt til þessa, Kristinn Steindórsson fékk boltann við vítateigshornið og átti laust skot en erfitt sem Daði gerði vel í að verja. Á 41 mínútu klikkaði Alfreð Finnbogason algjöru dauðafæri eftir góða sendingu frá Kristni Steindórssyni. 44 mínúta og það lá mark í loftinu, Kristinn Steindórsson með enn eina sendinguna fyrir og Guðmundur Pétursson nær skoti á markið en Daði ver. Aðeins mínútu síðar, aftur sofandaháttur í vörn FH-inga sem endaði með því að Guðmundur Pétursson átti gott skot en Daði varði eins og fyrr vel í markinu. Fyrri hálfleiknum lauk svo með skoti frá FH, en Matthías Vilhjálmsson átti skot í varnarmann Blika og Ingvar Kale í markinu þurfti að taka á stóra sínum til að verja þennan bolta. FH voru betri í fyrri hálfleik en þeir voru þó heppnir að fá ekki á sig mark, því Blikar sóttu stíft að marki þeirra seinustu 10 mínúturnar en Daði Lárusson var frábær í markinu.

Seinni Hálfleikur

Blikar fengu fyrsta færið í seinni hálfleik og skoruðu úr því færi á 47 mínútu, Guðmundur Pétursson vann boltann eftir tæklingu gaf boltinn fyrir þar sem Alfreð Finnbogason var einn á auðum sjó og skoraði af miklu öryggi, 1-1 og Blikar byrja betur í seinni hálfleik. Á 52 mínútu komust FH aftur yfir, Davíð Þór Viðarsson fékk boltann rétt fyrir utan teig, gaf á Atla Guðna sem gaf inn í teig þar sem Tryggvi Guðmundsson tók boltann í fyrsta og skoraði, 2-1 fyrir FH. Á 71 mínútu skoruðu Blikar næstum því sjálfsmark, Matthías Vilhjálmsson gaf boltann fyrir af kantinum og Kári Ársælsson fyrirliði Blika skallaði í stöng sinna manna. Á 75 mínútu fengu FH aukaspyrnu sem Tryggvi Guðmunds tók, hún var stórhættuleg á nærstöngina en Ingvar Kale varði vel í markinu. Dennis Siim kom inná á 78 mínútu, en þetta var jafnframt fyrsti deildarleikur hans í sumar, hann meiddist í lengjubikarnum gegn Fylki. Árni Kristinn Gunnarsson fékk síðan rautt spjald í uppbótartíma.

Leiknum lauk með sigri FH sem eru nú komnir í 37 stig og eru með 13 stiga forskot á KR í allavega einn sólarhring. Næsti leikur FH í bikarnum í Keflavík á fimmtudaginn, hvetjum alla til að mæta. ÁFRAM FH! 

Dómari: Valgeir Valgeirsson - Fínn
Áhorfendur: 867
Maður Leiksins: Atli Guðnason
Veður: leiðinlegt, rigning á köflum og kalt. Völlurinn mjög blautur og mikið um tæklingar.

Byrjunarlið FH: Daði Lárusson, Guðni Páll Kristjánsson, Tommy Nielsen, Sverrir Garðarsson, Björn Daníel Sverrisson, Davíð Þór Viðarsson, Matthías Vilhjálmsson, Tryggvi Guðmundsson (Viktor Örn Guðmundsson 87'), Matthías Guðmundsson (Atli Viðar Björnsson 70'), Alexander Söderlund (Dennis Siim 78'), Atli Guðnason.

Byrjunarlið Breiðablik: Ingvar Þór Kale, Arnór Sveinn Aðalsteinsson, Kári Ársælsson, Guðmann Þórisson, Árni Kristinn Gunnarsson, Olgeir Sigurgeirsson (Haukur Baldvinsson 56'), Finnur Orri Margeirsson, Guðmundur Kristjánsson, Kristinn Steindórsson (Andri Rafn Yeoman 79'), Guðmundur Pétursson, Alfreð Finnbogason.

Flott lið, flottur þjálfari - til hamingju FH!

Meiðsli hafa hrjáð FH-liðið undanfarið, t.d. hefur Guðmundur Sævarsson verið fjarri góðu gamni að undanförnu og það er greinilegt að liðið saknar hans.

Leikurinn í kvöld var köflóttur hjá FH liðinu en það var í heildina að spila vel.

Tryggvi Guðmundsson jaxlinn sjálfur, sýnir alltaf úr hverju hann er gerður og það er alltaf jafn gaman að horfa á hann spila. Hver er að tala um aldur?

Daði Lárusson flottur í markinu og stóð fyrir sínu.

Mér finnst líka skipta miklu máli hvað þjálfari liðsins Heimir Guðjónsson tekur fagmannlega á öllum málum innan liðsins, hvort sem að það eru sigrar eða ósigrar.

FH situr nú á toppi deildarinnar með 37 stig.

Til hamingju FH!

 

FH styrkti enn stöðu sína á toppnum

Fyrst pínu vængbrotnir en uppskáru verðskuldaðan sigur einum færri, til hamingju FH!

Það má segja að þessi leikur hafi verið mikill meiðslaleikur og Heimir þurfti að nýta allar sínar skiptingar í fyrri hálfleik og í byrjun seinni hálfleiks. Vonum bara að meiðslin séu ekki alvarleg. Léku síðan einum færri síðasta hálftímann.

FH- ingar voru greinilega pínulitlið vængbrotnir til að byrja með án Guðmundar Sævarssonar, en sóttu í sig veðrið í seinni hálfleik og uppskáru verðskuldaðan sigur.

Til hamingju FH!

Matthías Vilhjálmsson hetja FH-inga

FH- ingar skemmta sumum - öðrum ekki. Til hamingju FH!

Ég horfði á Pepsimörkin á Stöð 2 Sport í gærkvöldi. Magnús Gylfa gat vissulega ekki annað en verið ánægður með spilamennsku FH-liðsins en fannst þeir vera komnir of langt fram úr keppinautunum.

Aftur á móti sagði Tómas Ingi að FH liðið væri lið sem að biði upp á skemmtun í sínum fótbolta, nokkuð sem að hann hefði ekki séð lengi. Ég er sammála honum. Feikilega skemmtileg spilamennska FH- inga þar sem að þeir leika við hvern sinn fingur.

Við FH-ingar vonum auðvitað að munurinn aukist enn frekar. FH- ingar nú með 9 stiga forystu á toppi deildarinnar þegar að mótið er hálfnað. Markastaða FH í Pepsí-deild 32-6,  og svo er það bikarleikur á móti ÍBV á sunnudaginn en þar á eftir leikur FH í Pepsí-deild þann 9. júlí á móti Fylki.

Sem sagt nóg að gera........

 

FH kjöldró Valsmenn

Tryggvi, Hannes, Matti Vill og allir hinir. Til hamingju FH!

Ótrúlegt lið FH. Langbest spilandi lið deildarinnar og ljóst að Heimir Guðjóns þjálfari hefur gert FH að einu langbesta liði landsins, sem að var þó gott fyrir. Leiktæknin og leikgleðin skín af þessum strákum og það er alltaf einhver "action" í gangi hjá þessu liði.

Í fyrri hálfleik var Hannes markvörður Fram, maður leiksins og varði ein 6 - 7 dauðafæri frá FH - ingum. Gamla kempan Tryggvi Guðmunds fékk tækifæri eftir langa setu á bekknum og negldi þetta 2 - 0 fyrir FH með aðstoð Matta Vill í seinna skiptið.

Til hamingju FH!

Tvö mörk Tryggva í sigri FH

5 stiga forysta - til hamingju FH!

FH- ingar tróna nú á toppi Pepsi-deildarinnar með 5 stiga forystu, en Stjarnan á leik til góða á móti Breiðablik á morgun.

Matthías Vilhjálmsson valinn maður leiksins og Atlarnir tveir í FH að gera góða hluti.

Til hamingju FH!

Öruggur sigur FH á Þrótti

Til hamingju FH-ingar!

FH-ingar eru nú að ná tveggja stiga forystu í Pepsideild karla. Eru nú að vinna Grindavík.

Grindavík - FH: 0 - 3

Til hamingju FH-ingar!

Sanngjarn sigur FH-inga