Hin breiðu spjótin tíðkast nú. Skattaskjólin í "skjóli" og skilanefndarmenn moka inn.

Heimildirnar hennar Jóhönnu Sig. frá Seðlabanka Íslands virðast vera eitthvað málum blandnar. Hvað skyldi enn vanta mikið inn í gagnagrunninn þar, svo að hægt sé að taka mark á honum?

En þar sem að það er hagstætt fyrir Jóhönnu núna að taka þenna gagnagrunn góðan og gildan, þá gerir hún það að sjálfsögðu. Einhvern veginn verður hún að afsaka þá útkomu sem að mun verða í viðræðunum við Samtök atvinnulífsins og ASÍ.

Almenningur mun ekki fá neitt í vasann þar, sem að skiptir máli. Skuldir heimilanna eru nefnilega ekki eins miklar og talið var(1) og ríkissjóður er enn verr staddur en ætlað var (2). Þetta sögðu Jóhanna Sig.(1) og Steingímur Joð (2), Georg Bjarnfreðarson okkar Íslendinga, í Ríkissjónvarpinu í gærkvöldi.

Já, þau tíðkast nú hin breiðu spjót ríkisstjórnarinnar, gagnvart almenningi í þessu landi. Það á ekkert að fara inn í skattaskjólin Tortola og Caymaneyjar, þó svo að leyfi hafi fengist fyrir því.

Fjárglæframönnum er hér enn hlíft. Það á ekkert að breytast.

Á meðan eru hér fjöldi manna á svokölluðum "skilanefndarmannalaunum" sem að eru víst svona "2007" laun, 2-3 millur á mánuði, þeir senda víst bara inn reikning fyrir "unna vinnu".

Horfði einhver á þáttinn um Evu Joly í gærkvöldi? Og já hvar er Eva Joly, á hún ekkert að fá að gera hér á þessu skeri?

Vandi lántakenda fer vaxandi

Hvar ertu Jóhanna?

Haft var eftir Jóhönnu Sig. í fréttum RÚV í kvöld, að staða heimilanna væri ekki eins slæm og talið hafði verið. Var hún þar að svara Sigmundi Davíð Gunnlaugsson um niðurfellingu hluta skulda heimilanna. Hvað varð um alla skjaldborgina?

Steingrímur J. kemur svo í Kastljósi og segir að þetta verði allt miklu erfiðara fyrir ríkissjóð en búist hafði verið við.

Hvernig hefði verið að bregðast fyrr við og frysta allar eigur útrásarglæpamannanna? Nei það stóð víst aldrei til, var það nokkuð?

Hvenær hækkun á tekjuskatti kemur, kemur okkur ekkert við. Jóhanna stígur víst upp í pontu einn daginn og tilkynnir okkur almúganum þetta.

Hin "alltumvefjandi móðir" allra landsmanna er illilega farin að minna mikið á þá valdhafa, sem að hún hefur gagnrýnt mest.

En við almúginn getum víst sjálfum okkur um kennt, við kusum þetta yfir okkur, bjuggumst bara ekki við að við yrðum plötuð, aftur.

En núna stendur hin ósýnilega Jóhanna Sig. á hliðarlínunni, á meðan að Össur fer mikinn á Möltu, Jóhanna vill nefnilega ekki fara til útlanda, því þar tala menn flókna ensku.

Dalai Lama varð útundan hjá blessaðri Jóhönnu, á meðan að þúsundir Íslendinga biðu í röðum eftir því að fá að hlusta á þennan trúarleiðtoga Tíbeta.

Mig langar að spyrja þig: Hvar ertu Jóhanna?

Horfur um efnahagsbata verri

Móðgun við Dalai Lama og Tíbeta.

Ríkisstjórnin okkar þorir greinilega ekki að styggja "vini" okkar Kínverja. Þjóðarleiðtogar okkar láta sem sagt kúga sig til hlýðni vegna hættu á "leiðindum" í viðskiptasamböndum.

Enginn af okkar ráðherrum ætlar að taka í hönd Dalai Lama og votta honum virðingu sína.

Hann mun á morgun taka þátt í friðarstund í Hallgrímskirkju í boði biskups Íslands.

Katrín Jakobsdóttir menntamálaráðherra ætlar síðan að hlusta á fyrirlestur hans á þriðjudaginn.

Ekki náðist í Össur né Jóhönnu í dag, þrátt fyrir ítrekaðar tilraunir fréttastofa fjölmiðlanna.

 

Dalai Lama í heimsókn

Eiður Smári: Ekkert Barcelona lengur!

Ég hreinlega skil ekki hvað hann er búinn að vera lengi hjá Barcelona. Miðað við sína hæfileika, hefur hann lítið sem ekkert fengið að njóta sín. Að sjálfsögðu á hann að fara aftur til Bretlands.

Eiður: Held að ég stefni aftur til Englands

Hanna Birna og útgáfutónleikarnir.

Í nótt sem leið, bloggaði ég um ferð mína í Íslensku óperuna í gærkvöldi. Endaði færslan á því að bíllinn minn lokaðist inni í bílageymslukjallara Reykjavíkurborgar við Hverfisgötu og Inga systir mín kom mér til minna heima s.l. nótt.

Í morgun hringdi ég í 118 sem að sögðu mér að bílageymsla þessi yrði lokuð í dag en bentu mér samt á ákveðið vaktnúmer hjá Reykjavíkurborg, þar gæti ég ef til vill fengið frekari upplýsingar. Þangað hringdi ég og þar var fullyrt að allt væri opið, ekkert vandamál.

Aftur hafði ég samband við systur mína, tjáði henni vandræði mín og hún brást vel við. Þegar að við mættum á svæðið um 12:40, var enginn mættur á svæðið, en á skilti stóð að á sunnudögum ætti að opna kl. 12:30.

Á staðinn voru mættir 4 útlendingar sem að höfðu lent í sama vandamáli og ég. Þeir skildu ekki neitt í neinu og voru hneykslaðir:" There is no announcement here, it's crazy!" Ég reyndi ekki neitt að afsaka þetta tillitsleysi, til þess var ég allt of reið sjálf.

En, allt er gott sem að endar vel. Eftir að hafa talað aftur við vaktsíma Reykjaíkurborgar kom í ljós að búið var að koma þjónustukerfi Reykjavíkurborgar í gang, (einn útlendinganna hringdi líka) og búið var að gefa grænt ljós á, að leyfa okkur sexmenningunum að taka út bílana okkar. Leigubílstjóri birtist og reddaði okkur, með öll tilskilin leyfi að sjálfsögðu.´

Ég heyrði á útlendingunum að þeir voru hissa að sjá þennan leigubílstjóra redda okkur, en voru engu að síður gífurlega fegnir, líkt og ég og sonur minn.

Hin óborganlega skemmtun Ljótu hálfvitanna endaði sem sagt vel ..... að lokum. 

Gestatónlistarmenn krydduðu kvöldið hjá Ljótu hálfvitunum gífurlega, þar var kvennakór, fiðluleikari, Guðrún okkar Gunnars. og blásturshljóðfærahópur.

Ég má til með að nefna það hér að einn úr hópi "hálfvitanna" Snæbjörn Ragnarsson, er nú tilnefndur til tveggja Grímuverðlauna í flokknum Barnasýning ársins, sem að afhent verða 16. júní. Gangi þér vel Snæbjörn. http://www.griman.is

En á Hvítasunnudegi tókst mér og óþekktum útlendingi að vekja upp stjórnkerfi Reykjavíkurborgar. Ætli Hanna Birna hafi ekki fengið símtal í dag?

Ljótu hálfvitarnir: Kærar þakkir fyrir mig!

Fór í Íslensku óperuna í kvöld og hlustaði á Ljótu hálfvitana okkar Íslendinga með sína útgáfutónleika. Við sonur minn fórum ásamt fleirum og komum heim rúmlega 1:00.

Bíllinn minn lokaðist nefnilega inni í bílastæðakjallara sem að var lokað á miðnætti. Fer með strætó á morgun og sæki hann. Systir mín elskuleg miskunnaði sig yfir okkur og keyrðu okkur í Fjörðinn.

 Maður skemmti sér konunglega og var þarna í samfelldu hlátursstuði í nær 3 klst. Við mæðginin erum búin að vera tala um tónleikan síðan við komum heim, þvílík frábær skemmtun.

Frábærir músíkantar, söngvarar og síðan var glettnin og húmorinn alltaf við völd eins og ætíð er hjá þessum félögum.

Fjöldi skemmtilegra gestahljóðfæra- og söngvara mættu einnig, en ég ætla að blogga um það á morgun.

Er orðin svo syfjuð núna og þarf síðan að sækja bílinn minn um hádegi, Ljótu hálfvitarnir: Takk fyrir mig /okkur.

Ljótu hálfvitarnir okkar Íslendinga í Íslensku óperunni.

Væri ekki upplagt að skella sér á útgáfutónleika Ljótu hálfvitanna á morgun í Íslensku óperunni kl 21:00? Hér er dæmi úr Kastljóssþætti 26. maí. Diskurinn þeirra var gefinn út í dag. Þeir eru óborganlegir.

Einn, tveir og þrír!

http://dagskra.ruv.is/sjonvarpid/4431392/2009/05/26/3/

Hvar ætli bensínið sé ódýrast nú í Hafnarfirðinum?

Ég man að fyrir u.þ.b 2 mánuðum síðan var ég að kaupa bensín á cirka 134 kr. lítrinn. Fer alltaf á ódýrustu staðina. Síðustu vikurnar hefur verð á bensíni stigið upp á við og var orðið um 162-3 kr í síðustu viku. Samt sagði enginn neitt. Ekki ég heldur.

 En að maður skuli nú þurfa að horfa upp á 180 kr. lítrann. Maður fær sjokk. Hef sem betur fer ekki þurft að taka bensín í dag, þannig að ég veit ekki hvar það er ódýrast nú. Gæti einhver frætt mig um það? Bý í Hafnarfirðinum.

Bensínið aldrei dýrara

Austurvöllur fyrr (ja svona í febrúar-mars), og nú.

Var að vafra um netið og fann þá þetta af tilviljun.

Vill einhver segja mér hvað hefur breyst? Er fólk orðið svo vonlaust að það treystir sér ekki lengur í mótmæli eða er það eitthvað annað?

Hvar eru hin svokölluðu óflokkspólitísku samtök eins og þau kalla sig, (eða kölluðu sig) Raddir fólksins, nú niðurkomin?

 

Austurvöllur 14. mars:

Mótmælafundur á Austurvelli 14. mars kl. 15:00.
Frystum eignir auðmanna, afnemum verðtryggingu og færum kvótann aftur til þjóðarinnar.

Laugardagur 14 mars 2009 – Austurvöllur

Mars 12th, 2009

No comments

Samtökin Raddir fólksins, undir yfirskriftinni Breiðfylking gegn ástandinu, standa fyrir útifundi á Austurvelli laugardaginn 14. mars. Þetta er 23. vika útifundanna og 29. fundurinn á Austurvelli.

Raddir fólksins eru óflokkspólitísk samtök sem byggja á sjálfsprottnu og ólaunuðu framtaki Íslendinga sem blöskrar aðför bankastjórna, fjárglæpamanna og stjórnmálamanna að sjálfstæði þjóðarinnar.

Kröfur samtakanna eru skýrar:

1. Frystum eignir fjárglæpamanna
2. Afnemum verðtrygginguna
3. Færum kvótann aftur til þjóðarinnar

Ræðufólk dagsins er:

• Hjálmar Sveinsson, útvarpsmaður
• Aðalheiður Ámundadóttir, laganemi

Fundarstjóri: Gunnar Sigurðsson

ritstjorn Útifundir

#22 - Laugardagur 7. mars

Mars 10th, 2009

No comments

Samtökin Raddir fólksins standa fyrir útifundi á Austurvelli laugardaginn 7. mars 2009. Þetta er 22. vika útifundanna og 28 mótmælafundurinn á Austurvelli undir yfirskriftinni Breiðfylking gegn ástandinu.

Kröfur samtakanna eru skýrar:

1. Frystum eignir fjárglæpamanna
2. Afnemum verðtrygginguna
3. Færum kvótann aftur til þjóðarinnar

Raddir fólksins eru óflokkspólitísk samtök sem byggja á sjálfsprottnu og ólaunuðu framtaki þjóðhollra Íslendinga sem blöskrar aðför bankastjórna, fjárglæpamanna og stjórnmálamanna að sjálfstæði þjóðarinnar.

Af gefnu tilefni frábiðjum við okkur að vera bendluð við það ólýðræðislega flokksræði sem ræður ríkjum á Alþingi. Framtíð landsins byggist á því að þjóðin hreinsi til á þingi og í stjórnkerfinu. Flokkakerfið hefur brugðist og nú verður að skrifa nýja stjórnarskrá með breyttum pólitískum leikreglum.

Í undanfara síðustu stjórnarskipta fóru talsmenn Radda fólksins á fund forseta Íslands með kröfu um utanþingsstjórn. Í kjölfarið fengu Íslendingar ríkisstjórn þar sem tveir af tíu ráðherrum, viðskiptaráðherra og dómsmálaráðherra, eru fulltrúar hugmynda samtakanna. Þessir umræddu ráðherrar eru óumdeildir mannkostamenn með mikla þekkingu á sínum málaflokkum.
<!--[endif]-->

Ræður:

• Carlos Ferrer, guðfræðingur og kennari

• Ragnheiður Gestsdóttir, rithöfundur

Fundarstjóri: Hörður Torfason

ritstjorn Útifundir

#21 - Laugardagur 28. febrúar

Febrúar 27th, 2009

No comments

Samtökin Raddir fólksins standa fyrir 27. mótmælafundinum á Austurvelli laugardaginn 28. febrúar n.k. kl. 15:00. Yfirskrift fundarins er Breiðfylking gegn ástandinu og kröfurnar eru skýrar:

1. Frystum eignir “útrásarvíkinganna”
2. Afnemum verðtrygginguna
3. Færum kvótann aftur til þjóðarinnar

Talsmenn Radda fólksins áttu fund með dóms- og kirkjumálaráðherra, Rögnu Árnadóttur, miðvikudaginn 25. febrúar sl. Tilefni fundarins var að kynna kröfu hreyfingarinnar, um frystingu eigna “útrásarvíkinganna”, fyrir ráðherra.

Á fundinum fóru fram ítarleg og hreinskiptin skoðanaskipti um málið. Ráðherra tók fram að sérstakur saksóknari hefði lagaúrræði til að frysta eignir “útrásarvíkinganna” og vilji væri fyrir hendi hjá ráðuneytinu að afgreiða tilskylda rannsóknarvinnu fljótt og vel.

Ræður:

• Valgeir Skagfjörð, leikari og leikstjóri
• Heiða Björk Heiðarsdóttir.

Fundarstjóri: Hörður Torfason

 

Bensínverð og engar atvinnuleysisbætur fyrr en þriðjudaginn 2. júní.

Nú verðum við bifreiðaeigendur að taka höndum saman og leggja bílnum eða keyra sem allra allra minnst. Ég kaupi bensín ýmist hjá OB bensíni hjá Fjarðarkaupum eða Atlantsolíu hjá Kaplakrika.

Maður er að borga 162-163 kr fyrir lítrann á þessum stöðum sem að eru ódýrastir. Borgar sig ekki bara orðið fyrir hjón með eitt barn, að það sé ein fyrirvinna og spara sér þannig akstur til og frá vinnu, plús greiðslu fyrir barnið á leikskóla? Það er nú orðið helv... hart, fólk sem að sér nú þegar ekki út úr ógöngunum.

Enn og aftur eru barnafjölskyldur aðalfórnarlömbin í niðurskurðinum. Finna þessir háu herra virkilega enga hvöt til þess að taka til í sínum ranni?

Hvar er Hörður Torfa nú og spjöldin "vanhæf ríkisstjórn"? Það er sem sagt allt í lagi að fólk svelti svo framarlega að það sé í boði Samfylkingar og VG?

 RÚV og Stöð 2: Það sveltur fólk í þessu landi. Hvers vegna eruð þið hætt að tala um það?

Já og nota bene, það munu engar atvinnuleysisbætur verða greiddar út fyrr en þriðjudaginn 2. júní vegna Hvítasunnuhelgar bara svo að það sé á hreinu. Atvinnulausir þurfa sem sagt ekkert að borða þangað til.

Álögur á eldsneyti og áfengi hækka