Kommúnískur aumingjaskapur eða íhaldið?

Þetta er með skondnari fréttum síðustu vikna. Þjóðaratkvæðagreiðslan skiptir sem sagt engu máli, eða hvað? Ekkert verið að tala um að lýðræðisleg vinnubrögð skulu höfð í heiðri. Einhverntímann hefði Steingrímur karlinn heimtað slíkt, en auðvitað ekki þegar að hann er kominn í feitt embætti, þá hlýðir hann frú Jóhönnu.

Það er mottóið hér á Íslandi að almenningur skuli aldrei hafa síðasta orðið í nokkrum sköpuðum hlut. Nei þetta er víst vitleysa í mér. Við kusum yfir okkur þessa ömurlegu ríkisstjórn eftir þessa svokölluðu uppreisn á Austurvelli gegn íhaldinu. Já hvort er betra kommúnískur aumingjaskapur sem að Steingrímur J. er í forsvari fyrir eða íhaldið, já ég bara spyr?

Viðræður geta haldið áfram

Athugasemdir

[Már (IP-tala skráð) 3.3.2010 kl. 23:35]

Allir fjórflokkarnir eru óhæfir til að stýra landi og þjóð.

Ég á mér draum um að Ísland verði fyrsta landið þar sem fólkið fær beint að taka þátt öllum stórum ákvörðunum.

Opið beint lýðræði fjöldans væri stærsti lýðræðissigur mannkyns nú til dags. Á tímum þar sem fjármagnsöflinn vilja eignast heiminn

og gefa ekkert fyrir rétt fólksins.

Þessi þjóðaratkvæðagreiðsla er ein sú stærsta í lýðræðisögunni. Ekki bara á Íslandi heldur í heiminum. Heimurinn fylgist með. verum fyrirmynd og

gefum öðrum kúguðum almenningi von.

[Þórkatla Snæbjörnsdóttir (IP-tala skráð) 3.3.2010 kl. 23:43]

Már, ég er að miklu leyti sammála þér. Það er vitað mál að heimsbyggðin fylgist með komandi kosningum ef af þeim verður, en það er bara ekki víst að svo verði. Með málþófi í Bretlandi er nokkuð ljóst að það er tilgangurinn að reyna að blása komandi kosningar af. Já fjórflokkalýðræðið er búið að vera, það er nokkuð ljóst en ég hef ekki trú á því að það verði breyting á því á næstunni.