Fátæktarbaslið blasir við okkur að öllu óbreyttu

Það var kominn tími til að maður fengi að heyra sannleikann sem að blasir við þjóðinni ef að ekkert verður að gert. Það hafa sumir hæðst að þeim mótmælendum sem að eru þrausegir og halda áfram mótmælum, nú við Seðlabankann. Sumir segja að stór hluti þjóðarinnar sé með Davíð Oddsson á heilanum og eigi að finna sér eitthvað þarfara að gera, en að mótmæla setu þessa manns í Seðlabankanum.

En núna í Kastljósinu blasir blákaldur sannleikurinn við: Viðtal við 2 hagfræðinga Gylfa Zoega og Jón Daníelsson sem að hafa tekið saman skýrslu um orsök bankahrunsins. Allt of miklir peningar í umferð sem að ekki voru notaðar til að setja út í atvinnulífið. Lán tekið til að taka lán og o.s.frv.

Það sem er athyglisvert í viðtali við þessa hagfræðinga er það sem að Jón Daníelsson segir að það sé ekkert mál með verðbólguna, í kreppuástandi hjaðni verðbólga yfirleitt. Ástæðan fyrir því að AGS vilji ekki lækka stýrivexti hér á landi, sé sú að AGS treysti ekki þeim sem að eru við völd hér á landi.

Nefndi meira að segja að það geti endað þannig, að við stöndum í þeim sporum að vera fátæk, fámenn eyja norður í Atlantshafi. Fólk er þegar byrjað að flýja land, þetta er bara byrjunin. Með setu sinni í Seðlabankanum er Davíð að fresta því að Ísland geti endurheimt traust sitt erlendis, verða aftur þjóð á meðal þjóða.  Hverjar verða afleiðingarnar?

Það er hlegið að Davíð Oddssyni erlendis og gert grín að okkur sem þjóð. Einstaka þjóð vorkennir okkur...........

Athugasemdir

[Jón Aðalsteinn Jónsson, 9.2.2009 kl. 21:16]

Það stóð heldur ekki á því hjá blessuðum manninum að koma því að að best væri okkur borgið undir pilsfaldi Evrópu madömunar. Held að þessir teir ráði ekki stóra sannleika frekar en aðrir þarna er á ferðinni þeirra skoðun Ráðlegg þér að líta á vef Fjármálaráðuneytisins og skoða þar en þar kemur fram að skuldastaða okkar er ekki eins slæm og margir vilja vera láta. Það virðist henta að berja það í fólk að ástandið sé verra en það er kannski svo að  betra sé að koma hjörðinni í bandalagið