Fyrirgefning syndanna........?

Eftir allar þær upplýsingar sem að við höfum fengið eftir bankahrun, hélt maður að það kæmi að þeim tímapunkti að maður hætti að vera hissa. En Agli Helgasyni í Silfrinu, tekst svo sannarlega að halda okkur við efnið.

Sunnudag eftir sunnudag kemur til hans fólk sem upplýsir okkur um ástand mála og hvernig eigi að bregðast við. Þátturinn í dag skar sig úr og maður hreinlega situr og stendur agndofa yfir viðbjóðnum og ekki síst fjárans feluleiknum sem að átt hefur sér stað.

Í viðtali við  Evu Joly í Silfrinu í dag segir hún að okkur beri skylda til að fara ofan í alla þætti efnahagshrunsins ef að við ætlum að lifa þetta af sem þjóð. Þeir sem að hafa hingað til nefnt þetta á nafn hafa verið sakaðir um ofstæki og persónulegar árásir. Hverjir leggja í það hér að draga fullyrðingar þessarar virtu manneskju í efa?

Egill Helgason á skilið miklar þakkir fyrir hans framlag síðustu mánuði.

Hvernig stendur á því að á sama tíma og fjárglæframenn, þjófar og landráðamenna settu heila þjóð á hausinn, er starfsemi Efnahagsbrotadeildar lögreglunnar, skorin niður um tugi prósenta? Þar átti Björn Bjarnason hlut að máli.

Hefur einhver eitthvað að fela......?

 

Athugasemdir

[Toni (IP-tala skráð) 8.3.2009 kl. 21:42]

Þetta var frábært viðtal og þessi kona lúmskt mögnuð. Það er vonandi að hún komi á tengslum milli okkar og reyndra aðila sem geta leitt rannsóknina á glæpnum sem svo mörgum virðist hulin.