Lúskraðu bara á náunganum, það er allt í lagi!

Þarna eru 7 stúlkur á aldrinum 17-18 ára á móti einni 15 ára stúlku. Það er búið að segja það af lækni, að það hefði ekki mátt miklu muna að hún hefði hlotið varanlega örkumlun af eða jafnvel látist.

Eru þetta sem sagt skilaboðin. Þú getur lamið og lúskrað á fólki, haldið því í gíslingu, verið með hótanir, fjárkúgun og það er sem sagt allt í lagi.

Ef að þessi stúlka mun nokkurn tímann jafna sig fullkomlega þá verður það kraftaverk. Hún á sem betur fer góða fjölskyldu sem að mun styðja hana í gegnum þessi ósköp.

Ég vil senda stúlkunni og aðstandendum hennar mínar bestu kveðjur.

Fá vægan dóm þrátt fyrir hrottalega líkamsárás

Athugasemdir

[Ertan (IP-tala skráð) 2.5.2009 kl. 11:33]

Það er einfaldlega ekki búið að dæma í þessu máli, svo þessi fullyrðing Moggans er marklaus.

[Þórkatla Snæbjörnsdóttir (IP-tala skráð) 2.5.2009 kl. 11:41]

Það koma ekki fram neinar fullyrðingar í þessari frétt. Hins vegar er alveg augljóst í hvaða farveg þetta mál á að fara.

[Margrét (IP-tala skráð) 2.5.2009 kl. 11:56]

Ljótt er ef stúlkurnar fá ekki harðan dóm. Ef svo fer að  fréttin sé rétt, þá skapar það ekki það fordæmi sem við viljum sjá. Hvaða foreldri sem þarf að sjá á eftir unglingunum sínum til mennta en á ekki kost á að fylgja þeim getur verið rólegt þegar að svona óargalýður fær að vaða uppi, sjálfum sé til ævarandi skammar og uppalendum (vonandi ) til óbætanlegrar sorgar.

[Sigrún Óskars, 2.5.2009 kl. 14:44]

Við erum ekkert bættari þótt stelpurnar fari í fangelsi - þau þykja ekki mannbætandi. En það þarf að stoppa þessar stelpur, ekki bara klappa þeim á bakið og segja "ekki gera þetta aftur". Það er auðvitað eitthvað að - þetta er skipulagður glæpur, sem er mjög alvarlegt og auk þess margar eldri á móti einni yngri. Þessar stelpur þurfa einhverja "massiva" meðferð og það strax.

[Þórkatla Snæbjörnsdóttir (IP-tala skráð) 2.5.2009 kl. 15:32]

Sigrún, ég er alveg sammála þér. Það þarf að grípa inn í strax. Þetta er það alvarlegur atburður.