Ráðuneytin voru 10, urðu 12, verða 9? Voru einhverntímann 14. Er einhver að botna þetta?

Tilvísun í samhangandi frétt- niðurlag. Hvurs lags fréttamennska er þetta eiginlega? Voru ekki ráðuneytin 10 hér á Íslandi í fyrradag. Hvurs lags endemis vitleysa er þetta eiginlega.?!!: 

".......samanburði við önnur lönd eru ráðuneyti á Íslandi fremur fá. Lengst af voru ráðuneyti formlega 14 talsins og Hagstofan talin sérstakt ráðuneyti. Síðar fækkaði þeim í 12 og nú er stefnt að fækkun þeirra í níu."

Er einhver að botna vitleysuna í þessari fréttamennsku?

Boða róttæka uppstokkun ráðuneyta

Athugasemdir

[Gulli (IP-tala skráð) 11.5.2009 kl. 12:32]

Ráðherrarnir voru 10, ráðuneytin 12. Tveir ráðherrar fóru væntanlega með tvö ráðuneyti samtímis. 

[Þórkatla Snæbjörnsdóttir (IP-tala skráð) 11.5.2009 kl. 12:38]

Gulli, innan gæsalappanna stendur að ráðuneytin hafi verið einu sinni 14, síðan 12 og svo verði þeim fækkað niður í 9. Innan gæsalappa stendur hvergi að ráðuneytin hafa verið 10 um nokkurt skeið. Alltaf verið að reyna að slá ryki í augun á kjósendum.

[Þórkatla Snæbjörnsdóttir (IP-tala skráð) 11.5.2009 kl. 12:43]

Við erum hér að tala um fjölda ráðuneytanna sjálfra, fjölgun ráðherra með tilheyrandi kostnaði, ráðherrarnirnir, ráðuneytisstjórarnir, skrifstofustjórnarnir......o.s.frv. Fyrir utan það að fréttin er afskaplega furðulega skrifuð þarna undir lokin, þá bitnar kostnaðurinn á landsmönnum. Ég hélt að það væri nú nóg samt.

[Elfur Logadóttir, 11.5.2009 kl. 15:07]

Fjöldi ráðuneytanna hefur verið 12 frá áramótum 2007/2008. Frá 1. febrúar sl. voru ráðherrarnir 10, en ráðuneytin samt 12, eins og Gulli segir réttilega, þá fóru tveir ráðherrar með tvö ráðuneyti hvor. Það er engin fjölgun að eiga sér stað með þeim tilkostnaði sem þú nefnir hérna fyrir ofan.

[Þórkatla Snæbjörnsdóttir (IP-tala skráð) 11.5.2009 kl. 16:30]

Var þá ráðherra sem að var með 2 eða 3 ráðuneyti, með 2- 3 skrifstofustjóra, 2-3 ráðuneytisstjóra, 2-3 aðstoðarmenn o.s.frv.? Fékk ráðherra með 2-3 ráðuneyti þá borgað tvöfalt eða þrefalt, úr því að þú segir Elfur að það sé engin fjölgun að eiga sér stað með auknum tilkkostnaði?

[Elfur Logadóttir, 11.5.2009 kl. 18:41]

Þórkatla. Já ráðherrarnir tveir sem fóru með tvö ráðuneyti voru með 2 aðstoðarmenn, einn fyrir hvort ráðuneyti, 2 ráðuneytisstjóra, 2 skrifstofur og það allt saman. Enda erum við bara að tala um að í 99 daga hafi þeir farið með tvö ráðuneyti. Fram til þess tíma voru 12 ráðherrar með allt þetta skipulag tilbúið og í notkun.

Eina spurningin sem ég svara neitandi er launin. Ráðherrarnir tveir sem fóru með tvö ráðuneyti veit ég ekki til þess að hafi fengið greitt tvöfalt. (Össur með iðnaðar annars vegar og utanríkis hins vegar, og Steingrímur með fjármála annars vegar og sjávarútvegs- og landbúnaðar hins vegar).

Þú getur þá reiknað ríkinu sparnað sem nemur ca 2x300 þús á mánuði þessa 99 daga (rúma 3mán) - nema reyndar veit ég ekki til þess að Sjálfstæðisráðherrarnir hafi afsalað sér biðlaunum, þannnig að sparnaðurinn var kannski enginn í raun.

[Þórkatla Snæbjörnsdóttir (IP-tala skráð) 11.5.2009 kl. 20:31]

Munu Samfylkingar- og Vinstri græn sem sagt afsala sér biðlaunum, af meðaumkun við okkur smælingjana, ef að til þess kemur að þessi ríkisstjórn springur? Ja t.d. út af máli sem að er kennt við ESB.

Ég er ekki Sjálfstæðismanneskja, tek afstöðu til málefna, en verð að segja allir flokkarnir hafa valdið mér gífarlegum vonbrigðum.

Tók þessa 2 flokka virkilega 2 vikur að komast að þeirri niðurstöðu að vera ósammála um ESB og svo á sumarþing að bjarga málinu? Plástur á blæðandi magasár í ríkisfjármálunum, heimilunum er ekki bara að blæða út, bráðum verður slökkt á súrefnisgjöfinni, ef að það er ekki búið að því nú þegar.