Biðlaunagreiðslur til fyrrverandi (og núverandi?) ráðherra. Hneyksli.

Mér finnst þetta skrítin fréttamennska. Af þessari frétt mætti skilja að tólf ráðherrar í núverandi ríkisstjórn séu einnig á biðlaunum sem fyrrverandi ráðherrar í fyrrverandi ríkisstjórn. Ég skil ekki alveg þessa fréttamennsku. Er þá Jóhanna Sig. sem sagt á biðlaunum sem fyrrverandi ráðherra og síðan á forsætisráðherralaunum?

Það er talað um biðlaunagreiðslur til fyrrverandi (og núverandi?) ráðherra upp á 54 milljónir á mánuði. Ef að þeir eru aðeins 10 sem að eru á biðlaunarétti, fær hver um sig 5.4 milljónir á mánuði. Ef að þeir eru mun fleiri, horfir dæmið að sjálfsögðu svolítið öðruvísi við.

 Það kemur fram í fréttinni að laun ráðherra slagi nú hátt í milljón á mánuði, en undanfarna daga hefur verið talað um 850 000 kr. á mánuði. Laun forsætisráðherra eru núna komin í tæpa 1.1 milljón á mánuði en voru 935 000 kr. fyrir nokkrum dögum síðan.

Ásta Ragnheiður Jóhannesdóttir er nú á biðlaunum sem ráðherra og einnig þingmaður og forseti Alþingis.

Síðan erum við einnig að borga fyrrverandi ráðherrum Sjálfstæðisflokks og Samfylkingar í þarsíðustu ríkisstjórn væna summu.

Af hverju er þessu ekki mótmælt á Austurvelli nú? Almúginn á sem sagt að taka á sig byrðarnar á meðan þingmenn og ráðherrar velta sér í milljónum króna, per mann á mánuði. Hvar eru mótmælendur nú?

22 á ráðherralaunum

Athugasemdir

[Evreka (IP-tala skráð) 15.5.2009 kl. 09:02]

Þú hefur eitthvað lesið vitlaust. Forsætisráðherra er ekki á biðlaunum, heldur "aðeins" á strípuðum ráðherralaunum.

Þarna eru taldir upp átta fyrrverandi ráðherrar á sex mánaða biðlaunum. Við þá bætast svo þær tvær sem voru að ganga úr ríkisstjórn.

Sem sagt, tíu fyrrverandi ráðherrar á biðlaunum plús tólf ráðherrar í núverandi ríkisstjórn, það gera 22 á launum.

Það er því enginn núverandi ráðherra á biðlaunum, einsog þú heldur fram.

Þetta eru nú alveg nógu mörg ráðherralaun, en samt óþarfi að gera málið enn svartara en það er ;)

[Þórkatla Snæbjörnsdóttir (IP-tala skráð) 15.5.2009 kl. 09:10]

Í fréttinni er sagt að það fari 54 milljónir á mánuði í biðlaunagreiðslu. Ef það eru bara þessir 10 sem að þú nefnir, þá fær hver um sig um 5.4 milljónir á mánuði, hm.

Nei, Evreka ég las fréttina alveg rétt. Það er kannski blaðamannsins að koma henni þannig frá sér að ekki verði misskilngur úr. En samt sem áður, samkvæmt fréttinni eru 22 á biðlaunum. Vonandi leiðréttir fréttamaðurinn þetta, ef að þetta er vitleysa.

[Helgi Sigurðsson (IP-tala skráð) 15.5.2009 kl. 23:33]

Biðlaun ráðherra eru bara eins og með þegar launþegi þarf að hætta starfi og fær greidd laun út uppsagnatímabilið. þeir sem þiggja biðlaun og eru áfram þingmenn fá mismuninn greiddan. Ásta Ragnheiður hefði þar með ekki fengið nein biðlaun þar sem laun forseta alþingis eru þau sömu og ráðherra. Þannig finnst mér það ekki frétt, og ekki rétt að segja að ásta hafi afsalað sér biðlaunum þar sem það er ekki rétt. Hún á ekki rétt á þeim.