Hjálpið börnunum hennar Hjördísar Svan!

Við sem að látum okkur barnaverndarmál varða, söfnumst saman fyrir framan velferðarráðuneytið á morgun 13.júlí kl. 14.00. En munum að þetta er ekki forræðisdeila, heldur er áherslan á það að koma börnunum hennar Hjördísar Svan Aðalheiðardóttur úr höndum ofbeldismanns. Barnaverndaryfirvöld Íslands sviku börnin. Guðbjartur Hannesson gat komið í veg fyrir þetta en gerði það ekki. Börnin þrá ekkert heitar en að komast aftur heim til móður sinnar í öruggt skjól. Mætum fyrir framan velferðarráðuneytið á morgun kl. 14.00 og mótmælum slíkri meðferð á börnum!

Ömurlegt yfirklór forsætisráðherra. Tölvupóstar staðfesta lygarnar.

Þetta er afskaplega pínlegt yfirklór. Tölvupóstar Más fjalla beinlínis um launakjör hans og vísa til fyrri samtala Más við Jóhönnu. Þetta er ömurlegt hjá Jóhönnu. Skyldi hún komast hún upp með þessar lygar? Þessi manneskja á að koma sér burt.


mbl.is „Ræddi ekki launamálin“
Tilkynna um óviðeigandi tengingu við frétt

Hættu Jóhanna!

Jæja, þá vitum við allt um lygarnar hennar Jóhönnu. Forsætisráðherranum er ekki stætt lengur. Lýgur að þjóð og þingi. Samskipti hennar við Má hafa verið staðfest.  Ekkert þýðir að tala um árás í þessu samhengi. Sannleikurinn hefur bara verið afhjúpaður.

Þetta kemur mér í sjálfu sér ekkert á óvart. Manneskjan sem að lofaði "skjaldborg um heimilin" ......,   þar laug hún. Nú staðfestist ein lygin í viðbót. Það er nefnilega grafalvarlegur hlutur að ljúga að þingi og þjóð.


mbl.is Már og Jóhanna ræddu launin
Tilkynna um óviðeigandi tengingu við frétt

Að vera Reykvíkingur í dag ......

Ég hef áður sagt að byltingin myndi éta börnin sín. Í fyrra skiptið reyndist ég sannspá með þessari skelfilegu ríkisstjórn sem að við sitjum nú uppi með. Og kannski nú með úrslit kosninganna í Reyjavík? Ég er ekki Sjálfstæðmanneskja og andvíg fjórflokkakerfinu, en hversvegna í ósköpunum hefur fólk ekki risið upp fyrr en nú gegn ástandinu í landsmálunum síðustu misserin? Já mér er spurn?

Mér finnst það í raun og veru grátlegt að þegar upp er staðið, þurfi grínframboð í Reykjavík til þess að mótmæla ástandinu í landsmálunum. Hefur Austurvöllur ekki verið á sínum stað undanfarna mánuði? Ég vona svo sannarlega fyrir hönd Reykvíkinga að Besti flokkurinn muni standa sig.

En hversvegna í ósköpunum ekki að mótmæla núverandi spillingu á Austurvelli eins og gert var forðum? Einhvernveginn leggjast hlutirnir þannig í mig nú að hlutirnir munu haldast óbreyttir. Byltingin muni éta börnin sín og spillingin halda áfram. Vill ekki Jón Gnarr annars einkabílstjóra? Hvað mun það kosta borgarbúa?

 Þarna er mjög hæfur tækifærissinni á ferð sem að tókst að plata borgarbúa upp úr skónum. Breyting á lýðræði verður með allt öðrum hætti en með gríni.


mbl.is Viðræður halda áfram á morgun
Tilkynna um óviðeigandi tengingu við frétt

Alveg furðuleg tilviljun.

Alveg furðuleg tilviljun að þjóðaratkvæðagreiðslan hér á landi skyldi koma upp á sama tíma og Íslendingar voru í þann veginn að komast að samkomulagi við Breta og Hollendinga, samkvæmt þessari frétt.. Er virkilega ætlast til þess að maður trúi svona lygum?


mbl.is „Vorum nálægt samkomulagi“
Tilkynna um óviðeigandi tengingu við frétt

Þetta eiga að heita vinaþjóðir!

Við erum þjóð í skuldafangelsi. Allar Norðurlandaþjóðirnar leggjast gegn okkur. Já þetta eiga að heita vinaþjóðir! Ég á í bókstaflegri merkingu ekki til orð!


mbl.is Lán frá Finnum háð Icesave
Tilkynna um óviðeigandi tengingu við frétt

Höfum ekki þroska til að vera þjóð með fullveldi.

Þetta er með hreinum ólíkindum. Loksins þegar að við fáum tækifæri til þjóðaratkvæðagreiðslu í einu af mikilvægustu málum sem að upp hafa komið síðustu áratugina situr fjöldinn allur heima og tekur ekki afstöðu. Hvað er eiginlega að.?

Ég hélt að stór hluti þjóðarinnar væri að fara á hausinn og við ættum að borga Icesave skuld í þokkabót. Samt tekur fólk ekki afstöðu. Við fáum hérna lýðræðislegan rétt en notum hann ekki. Hvað er eiginlega að íslenskri þjóð.? Er það virkilega komið á það stig að við höfum ekki þroska til að vera fullvelda þjóð þegar allt kemur til alls? Ég er farin að halda það.


mbl.is Um 50% kjörsókn í Reykjavík
Tilkynna um óviðeigandi tengingu við frétt

Kostulegur Steingrímur og furðuleg Jóhanna. Er þetta virkilega fólkið sem að stjórnar landinu?

Eftir Kastljósviðtal kvöldsins við Steingrím, fær maður enn sterkari tilfinningu fyrir því að kosningarnar á morgun eigi bara að fara fram til þess að friða almenning og niðurstaðan muni ekki skipta nokkru einasta máli. Það er grafalvarlegt mál þegar leikið er með lýðræðislegan rétt almennings enn einu sinni. Þegar maður hugsar til þess hvernig komið var í veg fyrir að við fengjum að greiða atkvæði um fjölmiðlalögin forðum daga, er manni nóg boðið.

Jóhanna ætlar ekki að mæta á kjörstað og Steingrímur ekki heldur. Þau eru að sýna lýðræðislegum vinnubrögðum þvílíka vanvirðingu að það er leitun að öðru eins.  Taka skal fram að heimsbyggðin fylgist með framvindu mála hér Íslandi. Þessi atkvæðagreiðsla hefur mikið að segja varðandi framvindu svipaðra mála í heiminum. Hún skapar fordæmi.  Ennfremur er líka litið til þess að þarna eru 2 stórríki að ráðast á lítið eyland. Þetta hefði aldrei gerst ef að við værum stórþjóð, svo einfalt er það. Ætlum við að borga skuldir óreiðumanna? Ég segi NEI!


mbl.is Tilbúnir til frekari viðræðna
Tilkynna um óviðeigandi tengingu við frétt

Samtryggingin verri en ítalska mafían.

Því miður verður maður að segja að þessar fyrirhuguðu kosningar á laugardaginn eru að verða eins og hver annar skrípaleikur, hvort sem að þær fara fram eður ei. Það mun aldrei verða farið eftir niðurstöðu kosninga.

 Stjórnvöld með Jóhönnu í broddi fylkingar, eru orðin skíthrædd um valdastöðu sína og vilja að sjálfsögðu ekki að almenningur geti bolað þeim frá völdum vegna þessa máls. Sú umræða sem að upp er komin að fresta kosningunum til föstdagskvölds í næstu viku, sýnir best hræðsluna og valdhrokann í valdamönnum hér.

Ég hef ekki mikla trú á því að kosningarnar fari fram á laugardaginn. Vonandi reynist ég ekki sannspá. Og  þó svo að kosningarnar munu fara fram verður ekker farið eftir þeim. Jóhanna og co. munu sjá til þess að þessi vesæla ríkisstjórn geti kjaftað sig út úr vitleysunni.

Skjaldborg um heimilin, já það er nefnilega það. Líterinn af bensíni kostar 200 kall í sjálfsafgreiðslu. Stóð einhverntímann til að útrásarvíkingar borguðu brúsann, var það nokkurntímann afstaða núverandi og fyrrverandi ríkisstjórnar?

Samtryggingin hér á Íslandi er orðin verri en ítalska mafían og þá er nú mikið sagt.


mbl.is Kosningarnar blasa við
Tilkynna um óviðeigandi tengingu við frétt

Kommúnískur aumingjaskapur eða íhaldið?

Þetta er með skondnari fréttum síðustu vikna. Þjóðaratkvæðagreiðslan skiptir sem sagt engu máli, eða hvað? Ekkert verið að tala um að lýðræðisleg vinnubrögð skulu höfð í heiðri. Einhverntímann hefði Steingrímur karlinn heimtað slíkt, en auðvitað ekki þegar að hann er kominn í feitt embætti, þá hlýðir hann frú Jóhönnu.

Það er mottóið hér á Íslandi að almenningur skuli aldrei hafa síðasta orðið í nokkrum sköpuðum hlut. Nei þetta er víst vitleysa í mér. Við kusum yfir okkur þessa ömurlegu ríkisstjórn eftir þessa svokölluðu uppreisn á Austurvelli gegn íhaldinu. Já hvort er betra kommúnískur aumingjaskapur sem að Steingrímur J. er í forsvari fyrir eða íhaldið, já ég bara spyr?


mbl.is Viðræður geta haldið áfram
Tilkynna um óviðeigandi tengingu við frétt

Næsta síða »

Um bloggið

Stjórnmál, lífsmáti, heilsa

Höfundur

Þórkatla Snæbjörnsdóttir
Þórkatla Snæbjörnsdóttir
Er kona á besta aldri sem hefur áhuga á öllu skemmtilegu, bókum, tónlist o.fl. o.fl.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband