Verður ekki 18 000 króna álagna nefskattur í ágúst? Best að fara að safna...............

Just terrific.... oh jeh.

Innlent - þriðjudagur, 16. júní, 2009 - 08:54

Mánaðarlegar afborganir af jeppa útvarpsstjóra tvöfölduðust í fyrra

Greiðslubyrði vegna rekstrarleigusamnings sem RÚV ohf. greiðir af fyrir jeppa sem Páll Magnússon útvarpsstjóri hafði til afnota á síðasta ári þyngdist mikið samhliða gengisfalli krónunnar. Morgunblaðið tekur þetta saman í dag.

Í janúar í fyrra var greiðslubyrðin á mánuði tæplega 140 þúsund. Eftir að krónan féll, skömmu fyrir páska í fyrra, jókst greiðslubyrðin skarpt eða upp í tæplega 180 þúsund. Í maí voru greiðslur minni, um 30 þúsund, að líkindum vegna viðgerðar á bílnum að sögn Páls.

Greiðslubyrðin hélst í svipuðu fari yfir sumarmánuðina en þyngdist síðan mikið þegar krónan gaf enn meira eftir, á haustmánuðum í fyrra. Þá hækkuðu greiðslurnar vegna rekstrarleigusamningsins úr 174 þúsundum í ágúst í 193 þúsund í september. Þegar áföllin í efnahagslífinu dundu yfir með falli bankakerfisins í byrjun október hækkuðu mánaðargreiðslurnar um rúmlega 60 þúsund milli mánaða, úr 193 þúsundum í 255 þúsund. Í nóvember hækkaði greiðslan síðan enn meir eða um 24 þúsund. Mánaðargreiðslan hafði því tvöfaldast frá því í upphafi ársins.

Afnot útvarpsstjóra af bílnum eru reiknuð til skattskyldra hlunninda í samræmi við reglur skattstjóra þar um og var viðmiðunartalan á síðasta ári rúmlega 207 þúsund á mánuði. Afnotin af bílnum eru hluti af launakjörum Páls, samkvæmt samningi sem gerður var þegar RÚV ohf. var stofnað á vormánuðum 2007. Þá voru heildarlaun útvarpsstjóra hækkuð úr tæplega 800 þúsundum á mánuði í 1,5 milljónir.

Til baka

Senda á Facebook

28 ummæli

Rita ummæli

Gylfi
16. júní, 2009 kl.08:58

Tilkynna óviðeigandi ummæli!

Slóð

Þetta eru hlunnindi í samræmi við samning og af þeim er greiddur skattur.

Fréttir af þessum toga eru skrýtnar. Það er endalaust lögð áhersla á einstaklinga og einstök mál sem engu breyta.

Stóra samhengið er gjaldþrot heillar þjóðar og ábyrgð glæpalýðs og óhæfra stjórnmálamanna á því.

Getum við ekki fengið einhverjar fréttir af því?

Ekki þar fyrir, kjör útvarpsstjórans eru fáránleg og hneyksli. En það er ekkert nýtt. Sjálfstæðisflokkurinn stóð fyrir því og bíðið bara þegar þið fáið nefskatt Þorgerðar Katrínar í hausinn.

Best væri auðvitað að selja útvarpið en sennilega vill enginn kaupa það.

Ásta B
16. júní, 2009 kl.09:03

Tilkynna óviðeigandi ummæli!

Slóð

Verð að taka undir með Gylfa hér á undan.

Balzac
16. júní, 2009 kl.09:04

Tilkynna óviðeigandi ummæli!

Slóð

Heimskuleg launakjör forstjóra almannastofnunar.

Heimsk, montin og gráðug þjóð.

Valur
16. júní, 2009 kl.09:06

Tilkynna óviðeigandi ummæli!

Slóð

Hvað hefur þessi maður að gera með bíl frá ruv yfirleitt? hreint út hlægilegt.

Glaumur
16. júní, 2009 kl.09:06

Tilkynna óviðeigandi ummæli!

Slóð

Margt “smátt” gerir eitt stórt.
Á meðan RÚV lætur sér nægja að birta óbreyttar fréttatilkynningar bankanna þá er rekstrarkostnaður útvarpsstjórans á við ansi margar fréttaskýringar sem aldrei verða gerðar.

Runar
16. júní, 2009 kl.09:09

Tilkynna óviðeigandi ummæli!

Slóð

það geta ekki allar fréttir verið stórfréttir.

þetta er bara lítli dæmisaga úr raunveruleika íslendings í dag.

En þar sem maðurinn er opinber persóna, og þessi kjör hans hafa verið í fréttum, m.a. vegna þess að hann er/var hæstlaunaðisti Útvarpsstjóri á Norðurlöndum, þá eru þetta enn fréttir.

JJ
16. júní, 2009 kl.09:14

Tilkynna óviðeigandi ummæli!

Slóð

Fyrir hvað stendur RÚV ? Risavaxin útgjöld vanhæfra?

Gylfi
16. júní, 2009 kl.09:19

Tilkynna óviðeigandi ummæli!

Slóð

Það var samið um þessi kjör við manninn. Af þeim greiðir hann skatt.

Er þá ekki nær að tala við þann sem samdi með þessum hætti eða bar ábyrgð á þessu samkomulagi?

Hvers vegna gerir Eyjan það ekki?

Ítreka, stóra samhengið er gjaldþrot þjóðarinnar og ábyrgð glæpalýðs og óhæfra stjórnmálamanna á því.

Kannski fáum við líka einhverjar fréttir af þessu?

Eða verður það bara einhvern tíma seinna?

steina
16. júní, 2009 kl.09:22

Tilkynna óviðeigandi ummæli!

Slóð

nákvæmlega JJ, það er ekki eins og einhver horfi á óskapnaðinn, dýrasta hobbý þjóðernissinnanna.

Ósk
16. júní, 2009 kl.09:26

Tilkynna óviðeigandi ummæli!

Slóð

Mér finnst alveg mega birta svona fréttir.
Finnst þessi launakjör útvarpsstjóra út úr kortinu og hafa verið það leeeengi.

Hef ekki trú á að hann hafi aldrei sett fram neinar kröfur sjálfur en bara tekið við þvi sem að honum var rétt.

Roy
16. júní, 2009 kl.09:40

Tilkynna óviðeigandi ummæli!

Slóð

Hættið þessum smáborgarahætti. Það mun enginn fást til að vinna á þessu skeri ef stemningin verður svona. Þessi kjör hans eru bara ekkert óeðlileg, þeir sem mennta sig og reyna að komast áfram eiga skilið að fá umbun fyrir það (hér er ég ekki að meta hæfi Páls enda veit ég ekkert um það). Þeir sem sitja heima og nenna ekki eiga að fá minna. Svo einfalt er það. Ég bendi líka á að þessi laun hans upp á 1,5 milljónir eru cirka 7000 pund á mánudi. Það er sama og félagi minn sem er forritari er að fá á mánuði í Bristol.

Sóða -Gandur
16. júní, 2009 kl.09:42

Tilkynna óviðeigandi ummæli!

Slóð

Auðvitað má birta fréttir af launakjörum opinberra starfsmanna. En hvorki Páll né við hin sáum fyrir að bílalánið myndi hækka svona mikið.

Það má líka birta fráttir af leti og þekkingarleysi frétta og blaðamanna.

Ósk
16. júní, 2009 kl.09:50

Tilkynna óviðeigandi ummæli!

Slóð

Roy,

ástæðan fyrir þvi að félagi þinn er að sögn að fá svona mikið er gengi pundsins miðað við krónuna.

Af hverju heldurðu að gengið hafi breyst svona mikið???

Það er kannski vegna þeirra tíma þegar það réði sko enginn smáborgaraháttur ríkjum og gagnrýni var i algeru lágmarki....

Pía
16. júní, 2009 kl.09:53

Tilkynna óviðeigandi ummæli!

Slóð

Fyrst menn bera fyrir sig að það hafi verið samið um þetta við manninn þá segi ég að það þurfi að semja við hann aftur og að bílnum verði skilað takk !
Og það þarf að semja við fleirum um það sama geri ég fastelga ráð fyrir. Eins og einhver sagði hér að framan
“Margt smátt gerir eitt stórt”

Kitty
16. júní, 2009 kl.10:18

Tilkynna óviðeigandi ummæli!

Slóð

Hann heppinn að vera með svona flottan bíl...

En það eru þónokkrir sem þurfa að borga hann með afnotagjöldunum sínum, sem eru kannski ekki sáttir við þetta.

Svo selja bílinn og hann ætti að geta borgað bíl sjálfur ;)

IceViking
16. júní, 2009 kl.10:58

Tilkynna óviðeigandi ummæli!

Slóð

Þetta er gott dæmi um það hvað þessi þjóð er heimsk. Og sönnun þess að Páll og Þorgerður Katrín sem sömdu um þetta eru bæði meðalgreind.

JULI
16. júní, 2009 kl.11:00

Tilkynna óviðeigandi ummæli!

Slóð

Almenningur er ríkið. Við komum til með að greiða meira í skatta og skyldur til að halda svona óhófi uppi.

Maðurinn er með nógu há laun til að eiga og borga sinn eigin bíl.

Ísland hefur bara ekki efni á óhófi til útvalinna ofurlaunamanna í dag.

Vita
16. júní, 2009 kl.11:32

Tilkynna óviðeigandi ummæli!

Slóð

Ég hef bokkrum sinnum í vetur komið inná þetta með launakjör og hlunnindi Páls Magnússonar útvarpsstjórar; Þetta er einmitt dæmi þess sem á ALLS EKKI að viðgangast núna og ég spyr nú bara hversvegna er þetta látið viðgangast. Þetta gengur ekki upp í því efnahagsástandi sem nú er! Þetta er eins og blaut tuska framan í almenning. Þetta hefur ekkert með menntun og hæfni mannsins að gera. Þetta er OFVAXIÐ og OFMETIÐ og SIÐFERÐISLEGA RANGT! HVERSVEGNA JEPPA ofaná þessi ofurlaun?
Ég segi bara eins og Páll Baldvin Baldursson sagði svo ágætlega í Bakþönkum Fréttablaðsins, fyrir stuttu, að Páll nafni hans gæti bara keyrt til vinnu á SkODA nú og þá eigin bíl. ..... Enginn hlunnindi þeirra æðstu eins og hefur viðgengist hjá alræðisþjóðum!

Jótland
16. júní, 2009 kl.11:35

Tilkynna óviðeigandi ummæli!

Slóð

Af hverju þarf Palli Audi Q7 til að fara á í vinnuna?? auk ofurlauna? Það á bara að segja svona græðgisstjóra upp og auglýsa þetta starf. Það er til fullt af hæfu fólki hér á landi til að taka þetta að sér fyrir þokkaleg laun t.d. 7-800.000 á mán og engan bíl, því með slíkum launum hefur fólk alveg efni á að reka sinn eigin bíl, alla vega er til þess ætlast af okkur aumingjunum með 2-300.000 í mánaðarlaun.

Gunnar
16. júní, 2009 kl.11:38

Tilkynna óviðeigandi ummæli!

Slóð

það hlýtur að þurfa að hækka útvarpsskattinn.

HG
16. júní, 2009 kl.12:06

Tilkynna óviðeigandi ummæli!

Slóð

þessi samningur er alveg í anda kúlulánadrottningarinnar ÞKG sem gerði þennan díl við Pál.

Þessi samningur á að vera gerður ógildur STRAX, rökin eru að þjóðinnni blæðir líka fyrir svona heimskulega montsamninga á kostnað skattborgaranna.

RIFTUM HEIMSKULEGUM SAMNINGUM STRAX !

S.Á.
16. júní, 2009 kl.12:17

Tilkynna óviðeigandi ummæli!

Slóð

Eflaust myndi borga sig fyrir RÚV að greiða leigubílakostnað fyrir Útvarpsstjóra, ef hann hefur sannanlega verið á ferðinni í erindum stofununarinnar, en ekki í einkaerindum. Þessi bílahlunnindi eru hneyksli, ekkert minna. Ég vil hafa ríkisútvarp, enda Baugsútvarp/sjónvarp stöðugt rekið með gífurlegu tapi, sem greitt er óbeint með því að skattleggja þjóðina, sbr. reikning Jóns Ásgeirs uppá kr. 900 milljarða króna, sem aðrir eiga að borga. Sé ekki hvernig 320.000 manna þjóð getur haft efni á mörgum sjónvarpsstöðvum. Er ekki kominn tími til að átta sig á, að árið 2007 er liðið og kemur ekki aftur?

Diogenes
16. júní, 2009 kl.13:41

Tilkynna óviðeigandi ummæli!

Slóð

Páll er úr Hannesar-Smárasonar herdeildinni.

HG
16. júní, 2009 kl.14:18

Tilkynna óviðeigandi ummæli!

Slóð

Svo kemur nefskatturinn í ágústmánuði er það ekki 18.000 kall á per haus í fjölskyldu 16 ára og eldri ?

Arnar
16. júní, 2009 kl.14:27

Tilkynna óviðeigandi ummæli!

Slóð

Mikið eru þið bitur og leiðinleg.

Hættið þessu nöldri um launakjör samborgara ykkar og einbeitið ykkur að uppbyggilegri umræðu. Það tekur enginn mark á fólki sem talar eins og margir hér að ofan. Þetta endurspeglar bara sjúklega öfund sem skýlt er á bak við smáborgaralega stimpla eins og “ríka réttlætiskennd”.

Þessi ummæli mín eru einungis vinsamleg tilmæli og ekki meint sem móðgun eða árás á einn né neinn.

b.k.

Auður Lóa
16. júní, 2009 kl.14:45

Tilkynna óviðeigandi ummæli!

Slóð

Sammála Arnari.

Og annað - vissulega borgar hann fyrir bílinn sjálfur - þau eru hluti af hans launum sem hann semur um.
Upphæð launanna hefðu getað verið hærri og hann notað þann pening til að borga bílinn en í staðinn eru launin lægri og bíllinn sér.

Þórkatla Snæbjörnsdóttir
16. júní, 2009 kl.14:57

Tilkynna óviðeigandi ummæli!

Slóð

Við erum sem sagt að borga þessum manni eina komma sjö milljón á mánuði , með inniföldum bílakostnaði. Hva hefur hann ekki efni á því að reka sinn eiginn bíl með 1.5 000 000 á mánuði?

Fjölskylduhjálpin verður að loka í sumar vegna þess að það vantar fólk til að leysa af. Allt fólkið sem að vinnur þarna gerir það í sjálfboðavinnu.

Af þeim peningum sem að Fjölskylduhjálpin fær frá ríki og borg, þarf hún að borga himinháar upphæðir í leigu af húsnæði, sem að hafði í mörg ár þar á undan ekkert verið nýtt.

Fjölskyldur svelta en Páll Magnússon skal fá 1.7 000 000 á mánuði frá okkur landsmönnum. Ja hérna, ja hérna.

p.s. af hverju í andsk....... þarf hann endilega jeppa.....................?

Þórkatla Snæbjörnsdóttir
16. júní, 2009 kl.14:59

Tilkynna óviðeigandi ummæli!

Slóð

Hvernig í ósköpunum hefur þessi maður geð í sér til að láta sýna sig á skjánum í fréttalestri?

Eva Joly. Austurvöllur kl 15.00. Facebookstuðningshópur.

Hérna er linkur inn á Facebooksíðu stuðningshóps Evu Joly. Allir Facebooknotendur að skrá sig, og senda linkinn áfram til næsta aðila:

http://www.facebook.com/group.php?gid=111378801139&ref=nf#/group.php?gid=111378801139&ref=mf

Kristinn Sigmundsson og Renata Tebaldi

Bókmenntir og falleg tónlist er það sem að gefur lífinu gildi, sérsaklega þegar að gefur á bátinn i umhverfinu. Yndislegir píanóconcertar Chopins eru ólýsanlegir og Renata Tebaldi er besta söngkonan í heiminum í dag.

Kristinn Sigmundsson er fastráðinn við óperuhús í París, en heimsækir reglulega Scala og Metropolitan. Hefur sungið við öll stærstu óperuhús í Evrópu en er aldrei að mikla sig. Hann hefur hreinlega ekki undan eftirspurninni.

Þetta er fólkið sem glæðir lífið lit í armæðu dagsins

Kjarkleysi og letingjaháttur.

Hvernig væri í bland við allar" kommenteringarnar" hér á blogginu að fara niður á Austurvöll að mótmæla? Hvar er kjarkurinn, og já, hvar er meiningin  

Ekki ríkisábyrgð á leynisamning

Ljótu hálfvitarnir. Rás 2

Fyrir afskaplega góða frændur,skelli ég þessu inn, til hamingju!

 

Ljótu hálfvitarnir hvetja fólk til að hjálpa þeim að halda sér. Þ.e. á toppnum...

Vinsældarlisti Rásar 2

Uppruni: www.ruv.is

Veldu lag sem ekki er á listanum sem þér þykir líklegt til vinsælda (valfrjálst)

Ja hérna, ja hérna.........

Alveg stórkostleg ríkisstjórn .............. já og það á bara ekkert að mómæla? Nei sorrý, það er vinstri stjórn við völd, þá mótmælir auðvitað enginn. Mér skylst að það þurfi Borgarhreyfinguna til að það sé mótmælt á Austurvelli nú. Er eitthvað mikið að? Er Hörður Torfa fluttur af landi brott, ja bara svona pæling?

Það tekur kannski einhver við sér, þegar að hann fær launaumslagið um næstu mánaðarmót? Af einhverjum ástæðum efast ég samt um það................

„Ekki einfalt að lækka laun ríkisstarfsmanna"

Helga á Engi (færsla 2)

Og önnur minningargrein um þessa merku konu, sem að framan af ævi sinni lifði við sult, seyru og þrældóm. Stórbrotin manneskja.

Þriðjudaginn 25. apríl, 1989 - Minningargreinar

Helga Larsen Engi - Minning Fædd 14. maí 1901 Dáin 18. apríl 1989 Helga Larsen

Helga Larsen Engi - Minning Fædd 14. maí 1901 Dáin 18. apríl 1989 Helga Larsen bóndi að Engi v/Vesturlandsveg er látin áttatíu og sjö ára að aldri. Bóndatitilinn hefir hún borið með sæmd í rúm

50 ár en mjög var það óalgengt á þeim tíma að konur ræktu það starf einar. Henni varð þó ekki skotaskuld úr því fremur en öðru sem hún tók sér fyrir hendur á lífsleiðinni.

Helga var Árnesingur í ættir fram og ólst upp í Tungunum en fluttist til Reykjavíkur um tvítugsaldurinn. Þessi kafli í lífi hennarer mér ekki vel kunnur en það er rakið í bók Gísla Sig. um Helgu. Hún giftist í Danmörku og eignaðist 3 börn en missti mann sinn 1937 og eitt barna sinna seinna. Hún hóf búskap að Hjalla í Sogamýri um þetta leyti og bjó þar í 15 ár. Árið 1952 fær hún jörð og flytur að Engi í Mosfellssveit og þá var Helga glöð og hamingjusöm, því þetta hafði lengi verið hennar draumur sem nú hafði ræst. Vel fór á með henni og nágrönnum, þeim Ólafi á Reynisvatni, Þorgeiri í Gufunesi og fólkinu á Keldum og Grafarholti sem að vísu voru að lögum í um dæmi Reykjavíkur en töldi sig alla tíð Mosfellinga og voru í Lágafellssókn, í Mosfellssveit. Þetta fólk sótti ekki aðeins kirkju sína uppeftir heldur voru börnin í skóla þar og eldra fólkið sótti öll sín menningar- og félagsmál í Mosfellssveitina. Heimamenn í Mosfellssveitinni tóku Helgu fagnandi með hinum þar neðra, í suðursveitinni.

Ég kynntist þessari konu nánast um leið og hún kom að Engi, enda höfðum við sameiginleg áhugamál og ekki ósvipaðan búskap þó kannske mætti finna einhvern mun á því. Helga var hestakona sem bæði fór í stuttar ferðir heimanað og einnig í lengri ferðir með hestamönnum bæði úr Fák í Reykjavíkog Herði. Þá tók hún miklu ástfóstri við Karlakórinn Stefni í Kjósarsýslu en þeir félagar fá nú tækifæri til þess að heiðra minningu hennar með söng yfir moldum hennar við jarðarförina að Lágafelli í dag.

Hún Helga var engin meðalmanneskja en hún bjó að sínu og með sínu fólki. Framanaf með kýr og kindur, en þó aðallega hænsnin og blessaða hestana sína sem hún kallaði dýrlinga sína og vini. Skapgerð Helgu var nokkuð mótuð af misjöfnu atlæti frá æskudögum en mjög talaði hún vel um fólkið á Vatnsleysu og á Fossi í Biskupstungum. Hún sætti því erfiða hlutskipti að alast upp munaðarlaus en lýsingar hennar á vor og sumardögum í sveitinni sem ól hana var óður til hins gróandi lífs og mildi himna föðurins. Hinar björtu hliðar lýstu minningarnar, en hinar lakari firnt ust fyrr og því minna á það minnst.

Bestu hátíðisdagar Helgu voru á árunum þegar Fákskonur fóru hina árlegu hópreið til hennar þá fylltist húsið og þá fylltist hjarta hennar af gleði og hamingju. Þetta voru dýrðardagar. Ég kom einu sinni af tilviljun ríðandi í hlað í Engi er slík heimsókn stóð yfir en karlar héldu sig yfirleitt annarsstaðar þennan dag. Með mér var drengur sem vildi gjarnan gleðja húsráðanda en þettavar drengjasöngvarinn Róbertínó hinn ítalski. Drengurinn stóð við sitt og söng eitt lagið sitt í eldhúsinu fyrir Helgu og þá sem þar voru staddir við mikinn fögnuð. Hann skrifaði að lokum nafn sitt í gestabók heimilisins og þótti þessum suðræna dreng kvennafansinn og hestafjöldinn hið merkilegasta fyrirbæri.

Fyrir nokkrum árum veiktist Helga alvarlega og náði sér ekki eftir það. Hún bar sinn kross en þótti mikið á sig lagt en kvartaði ekki. Hún undi sér í skjóli barna sinna og bjó hjá Katli einkasyninum og hans ágætu konu. Dóttir hennar Ingibjörg á alnöfnu ömmu sinnar litlu Helgu sem var augasteinn hennar og eftirlæti í ellinni. Helga litla var ekki gömul er amma lét henni í té góðan hest og gladdist gamla konan yfir góðum árangri hennar í umgengni við hestinn.

Síðustu árin voru Helgu á Engi allþungbær einkum það að þurfaað hætta búskapnum því áhuginn og kappið var óbilað.

Nú þegar almættið hefir kallað Helgu til sín á annað tilverustig sem hún reyndar hafði beðið eftir, er henni þakkað fyrir samveruna og allt sem hún gerði vel samferðamönnum sínum. Helga bóndinn á Engi var hvergi smá í sniðum og henni fylgja nú góðar óskir og þakkir frá hinum fjölmörgu vinum sem hún eignaðist á lífsleiðinni.

Ástvinum og öðrum aðstandendum er vottuð samúð við fráfall hennar. Minningin lifir.

Út úr myrkrinu: Ævisaga Helgu á Engi.

Þessi er bók er ófáanleg held ég, furðulegt að hún skuli ekki hafa verið endurútgefin. Bý yfir því láni að eiga þessa bók. Faðir minn, nú að verða 95 ára, kom mér á bragðið með að meta góðar bækur og þ.a.m. góðar ævisögur og gaf hann mér þessa bók.

Lífsbarátta þessarar konu var ótrúleg. Minningargreinin sem að kemur hér að neðan segir ýmislegt um þessa konu, en er að sjálfsögðu ekki tæmandi. Maður þarf að lesa bókina til að meðtaka hversu mikil hetja var þarna á ferð. ´

Bókin: Út úr myrkrinu: Ævisaga Helgu á Engi, mæli með henni. Kannski fæst hún hjá fornbókasölum.

Laugardaginn 29. apríl, 1989 - Minningargreinar

Helga Larsen, Engi ­ Kveðjuorð Fædd 14. maí 1901 Dáin 14. apríl 1989 Hún Helga

Helga Larsen, Engi ­ Kveðjuorð Fædd 14. maí 1901 Dáin 14. apríl 1989 Hún Helga á engi er dáin. Með henni er genginn einhver athyglisverðasti einstaklingur sem á vegi mínum hefur orðið. Kynni tókust með fólkinu mínu og Helgu meðan bæði bjuggu í Sogamýrinni og héldust þau kynni æ síðan. Ég hef varla verið meiraen 9 ára þegar ég fyrst fór að Engi til sumardvalar. Eftir það átti ég alltaf von á góðu á Engi og sótti mikið þangað.

Minningarnar frá Engi eru óteljandi. Náin samskipti við dýrin á bænum og virðing fyrir jörðinni sem ól bæði menn og skepnur var meðþví fyrsta sem Helga innprentaði í huga minn. Við höfum séð í sjónvarpinu þegar páfinn kastar sér niður og kyssir jörðina þar sem hann er gestkomandi. Ég man reyndar ekki eftir því að hafa séð Helgu gera þetta, en oft strauk hún jörðina með vinnulúnum höndum sínum og blessaði hana. Ég, krakkinn, fylltist einhverri dularfullri lotningu fyrir moldinni og þessari svipsterku konu sem talaði svo fallega um hana og það sem hún gaf af sér.

Helga var landnýtingarmanneskja í bestu merkingu þess orðs. Henni var umhugað að hlúa að landinu og launa því þann ávöxt sem það gaf henni.

Þeir urðu margir pokarnir af hænsnaskít sem við Helga paufuð umst með á bakinu inn á holtið austan við hænsnahúsið á Engi. Þar dreifðum við skítnum með berum höndum milli steinanna og létum blessunarorð fylgja hverri lúku. Það var góður skóli fyrir ungling að vinna við hlið Helgu að þessu verki sem öðrum, ekki síst vegna þessað hún lagði sig fram um að út skýra fyrir mér hvers vegna þyrftiað vinna verkin og hvaða árangri þau skiluðu unnin.

Umgangur við dýrin á Engi var mjög persónulegur. Sérstaklega átti þetta við um hestana, sem Helga elskaði öðrum skepnum meir. Á hestbaki hvarf henni öll þreyta og sálin hóf sig til flugs. Helga lifði margar af ánægjulegustu stundum lífs síns á ferðalögum ríðandi um landið. Sumarið 1962 fór Helga ríðandi vestur í Borgarfjörð og Dali og kom við á Fellsenda þar semég var í sveit. Vakti ferðalag hennar talsverða athygli enda var hún komin af léttasta skeiði og þar að auki ein á ferð. Annars var Helga aldrei ein þegar hrossin hennar voru nálæg. Sex árum síðar reið Helga austur í sveitir og vitjaði átthaganna. Það sumar var ég vinnumaður í Steinsholti, Gnúpverjahreppi, og lét Helga ekki hjá líða að heilsa upp á vin sinn í þeirri ferð.

Fyrir allmörgum árum kom út ævisaga Helgu á Engi. Hún hét "Út úr myrkrinu". Titill bókarinnar segir margt um erfiða ævi þessarar konu. Mótlæti var henni hversdagslegur hlutur en persónuleiki hennar var stór og uppgjöf ekki hugstæð. Helga var aldrei rík af veraldlegum hlutum, en því vænna þótti henni um það sem henni var trúað fyrir. Hver nytjahlutur á heimilinu og búinu var persónugerður og gefið viðeigandi nafn. Útungunarvélin sem gaf búinu mestar tekjur hét Auðbjörg og eina dráttarvélin á bænum var skírð Árvakur. Kaffikannan og þvottavélin fengu einnig sín nöfn og voru aldrei nefnd sínu ópersónulega hlutaheiti.

Þær urðu margar stundirnar semvið áttum saman við Helga, og eftir að ég eltist og komst til meira vits, naut ég þess að koma að Engi, grípa í verk og njóta þess að ræða við hana um ólíkustu mál. Þá spilti það ekki fyrir hvað mér þótti alltaf maturinn góður á Engi. Helga meðhöndlaði mat með virðingu þess sem þekkir af eigin reynslu hvað það er að skorta mat. Hún naut þessað veita vel og margir fóru mettir frá borði hennar. Helga var vinmörg og komu vinir hennar úr öllum áttum og voru ólíkrar gerðar, en allir áttu það sammerkt að þeir komu til þess að njóta þess sérstaka andrúmslofts er ríkti í kringum hana.

Skoðanir Helgu á mönnum og málefnum voru aldrei hálfvolgar og þótti jafnvel sumum nóg um hreinskilni hennar. En svona var Helga. Hálfvelgja og pukur voru henni lítt að skapi. Ég vil að lokum þakka fyrir það að hafa fengið tækifæri til að kynnast þessari konu og votta börnum hennar og barnabörnum samúð mína.   (leturbreyting mín)

Steinþór Steingrímsson

Til hamingju FH-ingar!

FH-ingar eru nú að ná tveggja stiga forystu í Pepsideild karla. Eru nú að vinna Grindavík.

Grindavík - FH: 0 - 3

Til hamingju FH-ingar!

Sanngjarn sigur FH-inga

Hvað er betra en bóklestur í góðu tómi?

Ég var alin upp á heimili þar sem bókmenntir og tónlist var í hávegum haft. Það lá við að með móðurmjólkinni drykki maður í sig ljóð Einars Ben, Tómasar Guðmundunsson og Steins Steinarrs. Eins ólíkir og þeir eru að öllu leyti, þá eru þeir allir mín eftirlætisljóðskáld.

Magnús Ásgeirsson, einn besti ljóðaþýðandi sem að þjóðin hefur átt, ljóðaþýðingarnar hans eru reglulega á sófaborðinu mínu.

Ég verð að viðurkenna að frá því að ég var unglingur hefur skáldsagnalestur aldrei verið í miklu eftilæti hjá mér, en það kemur fyrir að ein og ein detti á náttborðið mitt. Sem barn og unglingur las ég svo margar skáldsögur að ég eiginlega fyllti kvótann.

Grámosinn glóir er með betri skáldsögum sem að ég hef lesið, söguleg skáldsaga. Og svo les maður eina og eina eftir Arnald svona til þess að fylgjast með...........

Bestu ævisögur sem að ég hef lesið eru bækurnar  "Bíbí" um Bíbí "okkar "Ólafsdóttur. Ótrúleg kona þar á ferð og bókin Hvað er bak við myrkur lokaðra augna - sjálfsævisaga Yoga eftir Paramhansa Yogananda.