Já, Lára Hanna, "Gangster's paradise" Húrra, húrra.......!

Vona að Lára Hanna fyrirgefi mér þetta:

Nauðsynleg hlustun:

 http://www.larahanna.blog.is/blog/larahanna/

Þessir menn ætla að senda okkur í Gulag-eyjaklasann næstu áratugina, já það er nefnilega það.

"Smáfuglarnir" kvaka með vinstri stjórn við völd.

Ég verð að segja að ég er gersamlega hætt að skilja. Menn ganga hér fram og láta greipar sópa um íslenska bankakerfið, bankakerfið hrynur og svo. frv. og svo frv., við þekkjum þessa sögu.

Fólk æsir sig á netheimum, á ekki til orð, guð minn almátttugur, svei þér Björgólfur, Jón Ásgeir, Sigurjón, Hannes og allir hinir. En hvar er þetta fólk sem að æsir sig sem mest á netheimum, þegar að til á að taka? Ekki niður á Austurvelli svo mikið er víst.

Hvert spillingarmálið kemur upp, í tengslum við Landsbankann, menn á ofurlaunum hjá skilanefndum bankanna sem að skilar engum árangri, en bara bruðl fyrir íslenskan almenning. Katrín Jakobsdóttir ræður sér fjárglæframann sem ráðuneytisstjóra.

Upphrópanir um að hér sé um nýjan Versalasamning að ræða. En hvar er fólkið með allar þessar upphrópanir? Ekki niðri á Austurvelli svo mikið er víst.

En elli - og örorkulífeyrisþegar þessa lands skulu fá að blæða svo mikið er víst. En hvar er þetta fólk sem að æsir sig sem mest á netheimum um þetta mál? Ekki niðri á Austurvelli svo mikið er víst.

Það vill svo til að Jóhanna og co. sitja ekki agndofa yfir bloggi á netmiðlum, þeim er alveg andsk..... sama um það. Það eina sem þau skilja er lífstakturinn á Austurvelli sem að á ekki að sýna þeim neina miskunn.

En það spilar víst eitthvað inn í núna að að það er vinstri stjórn við völd, hún má víst fara með fjölskyldurnar á kaldan klaka og fullveldi út í ystu myrkur. Já það er vinstri stjórn við völd og "smáfuglarnir" kvaka á netheimum.

Já, svona er Ísland í dag.

Herdís Þorgeirsdóttir: Af hverju má ekki ganga strax í einkasafn Landsbankans?

Frábær grein eftir Herdísi Þorgeirsdóttur í Fréttablaðinu dag. Skyldulesning fyrir þjóðina, ef að hún vill á annað borð halda fullveldi sínu.

Smellið á þar til læsilegt letur fæst.

Sérstaklega finnst mér athyglisverð ummæli Herdísar í niðurlagi greinarinnar, þar sem að hún spyr af hverju sé ekki strax gengið í einkasafn Landsbankans og athugað hvers virði það er.

http://vefblod.visir.is/index.php?s=3165&p=76288

Þjóð í miklum viðjum hugarfarsins..............? Mikið hlýtur Jóhanna að vera ánægð núna!

Hvar er allt fólkið? Við ætlum sem sagt að borga Icesave, láta Jóhönnu og co. svíkja okkur, lækka bætur og minnka réttindi örorku - og ellilífeyrisþega og lækka barnabætur.

Fyrst og fremst kemst þetta fólk upp með að láta forréttindastéttina og útrásarglæsimennin maka krókann og lifa í vellystingum praktuglega á meðan við hin missum húsnæði, bíla og getum varla tekið út lyfin okkar.

Það vaknar kannski einhver um næstu mánaðarmót....... kannski.....?

Mikið hlýtur Jóhanna að vera ánægð núna. Það eru engin óánægja í gangi, það mæta svo fáir á Austurvöll.

Um 100 manns á Austurvelli

Um 100 manns eru nú á Austurvelli á útifundi Radda fólksins. Allt hefur farið vel fram og enginn verið til vandræða. Mynd Róbert Reynisson.

Laugardagur 20. júní 2009 kl 15:20

Höfundur: Ritstjórn DV ([e-mail])

Um 100 manns eru nú á Austurvelli þar sem Raddir fólksins halda útifund. Að sögn lögreglu hefur allt gengið vel og enginn verið til vandræða. Fundurinn í dag er þrítugasti útifundur Radda fólksins en sá síðasti var haldinn þann 14. mars.

Kröfur Radda fólksins eru eftirfarandi:

1. Stöðvum ICESAVE- samninginn
2. Mótmælum sinnuleysi stjórnvalda í málefnum heimila og fyrirtækja
3. Krefjumst þess að dómskerfið taki á hvítflibbaglæpamönnum

Ræðumenn dagsins eru þau Andrea Ólafsdóttir, stjórnarkona í Hagsmunasamtökum Heimilanna og Jóhannes Þ. Skúlason, sagnfræðingur og grunnskólakennari. Fundarstjóri er sem fyrr Hörður Torfason.

Biblían, Júdas og farísearnir?

Hversu lengi ætlum við að láta þetta yfir okkur ganga? Jóhanna er búin að þiggja laun frá okkur, fólkinu í landinu, áratugum saman á þeim forsendum að hún bæri hag hinna verst settu fyrir brjósti.

Og nú eiga elli - og örorkulífeyrsþegar að borga brúsann sem að hin 30 útrásarglæsimenni stofnuðu til. Útrásarglæsimenninn eru nefnilega að stórum hluta til í einkavinafélagi við Samfylkinguna og því má ekki snerta við þeim. Ó nei.

Að maður tali nú ekki um skattaskjólin. Er virkilega engan pening að finna þar heldur Jóhanna?

Ef Biblían væri endurskrifuð til nútímans, ja hver veit þó að þetta sé heilög bók, hverjir væru farísearnir og hver væri Júdas?

 

Funda með forkólfum vinnumarkaðar

Michael Hudson: „Þetta er ótrúlegt afsal á fullveldi"

Michael Hudson er alfari á móti Icesave-samkomulaginu. Hann telur Íslendinga færa ónauðsynlegar fórnir sem bitnar illa á fjölskyldunum í landinu. DV/Heiða Helgadóttir.

Föstudagur 19. júní 2009 kl 13:29

Höfundur: ([e-mail])

"Þetta er ótrúlegt afsal á fullveldi," segir Michael Hudson, rannsóknarprófessor í hagfræði við Missouri-háskóla, um Icesave-samkomulag íslenskra stjórnvalda við bresk og hollensk yfirvöld. Hann gengur svo langt að segja að breskir samningamenn hafi haft þá íslensku að fífli og hefur áhyggjur af sjálfstæði Íslands í framhaldinu.

„Það eru engin lög innan Evrópusambandsins sem kveða á um að Ísland þurfi að gera þetta. Bresku samningamennirnir höfðu þá íslensku einfaldlega að fífli með því að gera ríkið ábyrgt fyrir skuldum í einkageiranum, ábyrgð sem Íslendingar geta engan veginn staðið undir. Mögulega þyrftu fimmtíu þúsund fjölskyldur að flytja úr landi til að ná því svokallaða jafnvægi sem bresk og hollensk yfirvöld krefjast,“ segir Hudson í samtali við DV.

Hann telur að gífurlegur niðurskurður ríkisútgjalda hér á landi þurfi að koma til á næstunni. Hudson nefnir Lettland sem dæmi í þessu sambandi en Lettar tilkynntu nýverið um gríðarlegan sparnað í ríkisfjármálum til að forðast þjóðargjaldþrot, auk þess sem þeir tryggðu sér neyðarlán frá Alþjóðagjaldeyrissjóðnum og Evrópusambandinu.

„Fjölmargar fjölskyldur munu þurfa að eyða öllum sínum sparnaði og loks missa heimili sín. Fjöldi starfa tapast. Allt til einskis. Þessar fórnir eru ekki nauðsynlegar. Ísland þarf færan sérfræðing í alþjóðalögum, eða einfaldlega einhvern sem er vel að sér í því hvernig samningaviðræður í viðskiptum á alþjóðavettvangi ganga fyrir sig. Spurningin er, verður Ísland sjálfstætt eður ei?“

Hudson er Íslendingum að góðu kunnur en hann kom fram í Silfri Egils í apríl þar sem hann hvatti landsmenn til að borga ekki þær erlendu skuldir sem útrásarvíkingarnir komu landinu í. Það kemur því kannski ekki á óvart að honum mislíki Icesave-samkomulagið.

Ályktun Öryrkjabandalags Íslands í dag. Lágtekjuskattur.

Ályktun ÖBÍ 19. júní 2009

19.6.2009

Öryrkjabandalag Íslands mótmælir þeim kjaraskerðingum sem koma fram í frumvarpi til laga um ráðstafanir í ríkisfjármálum, þar sem lagðar eru auknar álögur á öryrkja í formi „lágtekjuskatts“, sem taki gildi 1. júlí næstkomandi.

Ríkisstjórn sem ætlar að slá skjaldborg um heimilin í landinu verður að gera sér grein fyrir að öryrkjar reka heimili líkt og þorri landsmanna og þurfa að taka á sig auknar byrðar vegna vaxandi kostnaðar við heimilishald. Öryrkjar eru þar að auki með aukinn lyfja- og lækniskostnað ásamt öðrum aukakostnaði sem hlýst af fötluninni eða langvarandi veikindum.

Það er ólíðandi að höggva stöðugt í sama knérunn með „lágtekjusköttum“, sem í sumum tilfellum er hærri í prósentum en væntanlegur hátekjuskattur. Minnt er á að elli- og örorkulífeyrisþegar urðu fyrir allt að 10% skerðingu á bótum almannatrygginga í janúar sl. Svo virðist sem að lífeyrisþegar verði að taka á sig hlutfallslega meiri fjárhagslegar álögur en aðrir landsmenn. Hvað varð um yfirlýsinguna um að snerta ekki tekjur undir 400 þús. kr. á mánuði? Gilda önnur lögmál um öryrkja og ellilífeyrisþega?

Bág staða þeirra sem treysta verða á hið opinbera til framfærslu er nógu erfið fyrir og því má ekki auka á þann vanda með lægri ráðstöfunartekjum. Slíkar aðgerðir leiða ekki til sparnaðar fyrir ríkið heldur verður til aukinn kostnaður í heilbrigðiskerfinu og félagsmálakerfi sveitafélaganna.

Jafnframt er það hreint siðleysi að lækka mánaðartekjur lífeyrisþega með 10 daga fyrirvara eins og nú er lagt til.

Öryrkjabandalag Íslands krefst þess að ríkisstjórnin dragi til baka þessi áform sín og leiti annarra leiða til að ná fram sparnaði í ríkisfjármálunum.

Öryrkjabandalag Íslands

Er Jónas í hvalnum?

Áður hefur Jónas sýnt af sér svo miklar þversagnir í sambandi við Jón Kaldal og Evu Joly í bloggi sínu að það er með endemum og svo bætist þetta við. Jónas Kristjánsson er sem sagt núna í pínulitlum vandræðum:

 http://www.jonas.is

Jónas Kristjánsson í gær ...............

18.06.2009
"Hóflegar skattahækkanir
Skattahækkanir ríkisstjórnarinnar eru hóflegar og sanngjarnar. Beztur er 15% fjármagnstekjuskatturinn, sem var alltof lágur, 10%, lægri en annars staðar. Raunar hefði mátt hækka hann enn frekar. Næstbezt er tryggingagjaldið, því að það fer í atvinnuleysisbætur og vangreiðslur launa. Hálaunaskatturinn er fyrst og fremst táknrænn, réttmætur sem slíkur, en gefur lítið af sér. Hann miðast við 700.000 krónur, sem er skynsamari viðmiðum en lægri tölur, er áður voru nefndar. Ástandið í samfélaginu krefst skattahækkana. Þær ná þó tæpast því marki að vernda beinagrindina af velferðarkerfinu. Eru of litlar."

 ................. og í dag:

19.06.2009
"Öfugi endinn
Auðvitað þarf að skera niður hjá öldruðum og öryrkjum eins og öðrum. En að byrja á þeim hlýtur að teljast öfugur endir. Fyrst á að hefja markvissar og sýnilegar aðgerðir gegn hagsmunum Björgólfs Thor Björgólfssonar og Björgólfs Guðmundssonar, eigendum IceSave, svo og útrásarvíkinga, sem hafa komið fé undan til skattaparadísa. Stjórnin hefur ekki sýnt einbeittan áhuga á að koma lögum og réttlæti yfir þá, sem ollu tjóninu. Áhugaleysið sker í augu og eyru, þegar við sjáum og heyrum aðgerðir hennar gegn fátæklingum. Linnulaust blaður um samstöðu þjóðarinnar er til lítils meðan skúrkarnir njóta verndar."

KastljóssSigmar á furðulegum nótum.

Hlustið á Kastljós Sigmars Guðmundsson í kvöld. Hvers konar vitleysa er þetta? Árni félagsmálaráðherra sleppur þarna ansi vel frá þáttastjórnandanum.

Sigmar, hvers vegna spurðir þú ekki Árna að því, hvort að ekki ætti að sækja eitthvað af góssi útrásarvíkinga og þannig þyrfti ekki að herpa enn frekar að þeim fjölskyldum, sem að eru þegar hrundar?

Já hvers vegna Sigmar?

Árni Páll og Guðlaugur Þór fá að mala þarna endalaust tóma vitleysu.

Á maður að hlæja, gráta, hengja sig eða skjóta? Hvurs lags fólk er þetta eiginlega?

Vænti þess að ég muni taka til þess ráðs að gráta kröftuglega, ætli það komi ekki bara af sjálfu sér.

Sigmar sýndi smá lit á því að vera þáttastjórnandi svona rétt í lokin en svo fengu Árni Páll og Guðlaugur Þór að mala áfram......................

Það á sem sagt að reyna að láta okkur gleyma Icesave. Ef að við borgum ekki Icesve, sem að við þurfum ekki að gera, þarf til lítils niðurskurðar að koma, svo einfalt er það.

http://dagskra.ruv.is/sjonvarpid/4431410/2009/06/19/0/

Fálm, fát og klíkuskapur. Hvað hafa stjórnarliðar á samviskunni í tengslum við Jón Ásgeir og co.?

Er Valtýr Sigurðsson búnn að segja af sér?  Hef ekki orðið var við það, það hefði nú varla farið fram hjá manni.

 Eva Joly fór fram á það að hann hætti en hann ætlar ekki að gera það. Ragna er að reyna að friðþægja þjóðina en ég held að hún þekki hana ekki nógu vel til þess að vita, að þetta nægir ekki.

Valtýr kemur til með að vera með fingrunar í þessu allan tímann. Sonur hans, meintur fjárglæframaður, mun sleppa og Eva Joly gefast upp að lokum ef að við mótmælum ekki kröftugleika.

Útrásarvíkingar eiga að sleppa, já sleppa.......... í sínum lúxusheitum og fólk hefur ekki fyrir lyfjum og mat.

Raddir fólksins. Austurvöllur kl. 15.00 á morgun.

 

Setji sérstakan ríkissaksóknara