Strengjabrúður, sjómennska og kínverskar gluggauppsetningar. Steingrímur J. og co.

Ný heiti, sömu sjónarmið, sama taktíkin. Var ekki til flokkur hér "í den" sem að hét Kommúnistaflokkur Íslands (leiðréttið mig ef að ég fer ekki með rétt mál), einnig Alþýðubandalagið, en sá flokkur var svo tengdur Moskvukommúnístum að það gekk auðvitað ekki að halda því nafni.

Kannski hafa einhver nöfn fylgt í kjölfarið til að bæta ímynd kommúnistanna en núna heitir það VG, Vinstri flokkurinn grænt framboð.

Flokkur sem að hefur í raun aldrei sagt skilið við Moskvukommúnismann, hvernig sem að hann talar og hvað sem að hann kallar sig.

Jóhanna sér sér nú leik á borði í Icesaveástandinu og veit að Steingrímur J. er að berjast fyrir pólitísku lífi sínu og hlífir honum hvergi. Icesave skal samþykkja og hún þekkir samverkamann sinn í ríkisstjórn, Steingrím J. það vel, að hann er tilbúinn að gera hvað sem er fyrir völdin. Hún þekkir nefnilega þankagang kommúnista og veit að það er hægt að kaupa þá endalaust. Og þetta nýtir hún sér að sjálfsögðu.

Búin að fá VG til að samþykkja aðildarviðræður að ESB og veit að Steingrímur mun berjast eins og ljón fyrir pólitísku lífi sínu, já jafnvel með þvi að senda menn í sjómennsku þar sem að þeir fá 100 000  kall á klst. en staðgengillinn mun samþykkja Icesave á meðan.

Katrín Jakobsdóttir með fjárglæframann sem ráðuneytisstjóra, keyrir áfram uppbyggingu á Tónlistarhúsinu, sem að byggist víst aðallega á afskaplega flókinni rándýrri gluggauppsetningu sem að engir nema Kínverjar geta unnið. Var einhverntímann verið að huga að því að minnka atvinnuleysi á Íslandi?

50% niðurskurður í fjarkennslu í Fjölbrautarskólum landsins næsta vetur og Guð má vita hvað kemur næst. Kannski Kolbrún Halldórsdóttir sem að tekur við af Tinnu Gunnlaugsdóttur?

Guðfríður Lilja í endalausu vafaástandi með afstöðu sína til ESB og Icesave. Guðfríður mín, þú blekkir ekki fólk endalaust.

En það má ekki snerta við "sjóðum" útrásarvíkinga, né leita í skattaskjólin. Það á að heita að "sérstakur" saksóknari sé að ganga í þessi mál, en þar er eingöngu verið að slá ryki í augu almennings.

Subbuskapur í launakjörum skilanefnda bankanna er svo kapítuli út af fyrir sig

Það á ekkert að gera og almenningur skal fá að borga brúsann. Öryrkjar eiga nú að fara að borga bifreiðagjöld, svona smá dropi í hafið í uppfyllingu fyrir glæpastarfsemi útrásarvíkinganna.

Sérstök slóð er nú komin inn á vef Tryggingarstofnunar ríkisins, þar sem að fólk getur nafnlaust, já nafnlaust, komið með ábendingar um tryggingarbótasvik. Smekklegt finnst ykkur það ekki?

Valtýr Sigurðsson situr enn og Eva Joly er farin, eða allavega á leiðinni burt.........

Ja hérna Steingrímur J., kommúnistar eru alltaf samir við sig.

 

Fundað um Icesave

"Bönkum skal bjargað, heimilum fórnað", já það er mottóið.

"Bönkum skal bjargað en heimilum fórnað" ætti að vera slagorð þessarar ríkisstjórnar. Icesavemálið er aðeins einn angi þess máls. Gerendunum, þeim sem að fóru út í Icesavegjörninginn skal hlíft en heimilin skulu veskú fá að blæða fyrir.

Með gjaldeyrishöft nokkur ár í viðbót, er óvíst hversu mörg fyrirtæki verða lifandi í landinu að þeim tíma liðnum, hvað þá, í framhaldi af því, hvaða ástand verður í atvinnumálum og á heimilum þessa lands.

Gífurlegt atvinnuleysi blasir við með áframhaldandi gjaldeyrishöft, nóg er nú samt. Heimilin munu halda áfram að hrynja og þá er nú ekki mikið eftir. Eru það ekki heimilin í landinu sem að halda þessu þjóðfélagi gangandi?

Ef þessi ríkisstjórn fær að starfa áfram í friði, mun hún skilja eftir sig sviðna jörð, og já, þá meina ég sviðna jörð.............

Það er sem sagt "Icesavegjörningur" og enn blóðugri niðurskurður en orðið er, í boði núverandi landsfeðra.

Hvers vegna mótmælir enginn á Austurvelli nú?

Gjaldeyrishöft hugsanlega nokkur ár í viðbót

Spillingin og súkkulaðið.......

Í tengslum við Vinstri græn, vil ég bara segja : Kommúnistar eru og verða kommúnistar, þeir reyna að blekkja fólk með ýmsum nöfnum en innrætið er það sama.

Meira að segja Halldór Laxness reyndi, áður en hann gerði upp við kommúnismann, að afsaka það sem hann sá með eigin augum í Moskvu á sínum tíma.

Einræðistilburðir Jóhönnu Sig. valda mér aftur á móti meiri furðu. Á blaðamannafundi í gær, var greinilegt, þar sem að hún sat á milli Gylfa Magnússonar og Steingríms J. að hún réð í raun öllu sem að var sagt þarna.

Þrátt fyrir ábendingar margra vel menntaðra manna hérlendis og erlendis, situr Jóhanna fast við sinn keip og segir að við, þjóðin, eigum að borga sukk og svínarí 7 manna skúrkaraliðs hjá "fyrrum" Landsbanka eða hvað menn kjósa að kalla þá "fyrrum stofnun". Er það kannski Gamli Landsbanki?

Manneskja sem að hefur gefið sig út fyrir það undanfarna áratugi að berjast fyrir lítilmagnanum. Kannski er hægt að telja henni trú um ýmislegt, þar sem að hún skilur ekki ensku og verður að treysta á enskumælandi menn í sínum röðum. En nei, varla, og þó...... hvað veit maður?

Ekki má svo gleyma þeirri skuldaslóð sem að Jón Ásgeir, Bjarni Ármanns og um 20 aðrir meintir forhertir fjárglæframenn hafa kallað yfir þessa þjóð og finnst allt í lagi að þjóðin borgi brúsann.

Spillingin nær til innstu raða stjórnmálaflokkana og þolir ekki dagsljósið. Þess vegna átti í raun aldrei að greina okkur frá því  hvað Icesave snerist um í raun og veru.

Sagðist Björgólfur Thor ekki ætla að koma og hjálpa til. Hvar er hann?

Og síðan er Bjarni Ármanns bráðum aftur mættur á svæðið, sem hluthafi í súkkulaðiverksmiðju.

Sem betur fer finnst mér súkkulaði vont, annars væri ég í vondum málum.

60-70 milljarða árleg greiðsla

Áfallahjálp óskast strax! Jesús minn, hvar er Eva Joly?

Tilfærsluútgjöld......................???

http://dagskra.ruv.is/ras1/4463410/2009/06/28/2/

 Hvar eru peningar útrásarvíkinga og hvar er Eva Joly?

Riddarakross fyrir vel unnin störf, eða hvað? Ólafur forseti, Svavar og Steingrímur....

Steingrímur J. leggur sig á fórnaraltari VG og segir: "Það er annaðhvort ég eða framtíð íslensku þjóðarinnar". Já, hvorki meira né minna. Hefði hann ekki átt að hugsa aðeins meira út í þennan þátt málsins áður en að hann gerði Svavar Gestsson að yfirafgreiðslumanni Icesvesamningsins eða taldi hann alþingismenn og Íslendinga yfirleitt, svo mikil fífl að við myndum samþykkja þetta orðalaust?

Ætlar "háttvirt" Alþingi Íslendinga að veita Steingrími J. og Svavari Gestssyni riddarakrossinn fyrir vel unnin störf eða hvað, eða mun það kannski koma í hlut flokksfélagans hins háæruverðuga forseta vors Ólafs Ragnars Grímssonar?

Algjör þöggun fjölmiðla. Förum við ekki bara rúntinn í sumar og samþykkjum Icesave?

Ég sem að hélt í heimsku minni að fólk væri að sligast undan síhækkandi bensínkostnaði?  Ég sem að hélt líka að fjölskyldur mættu ekki við svo miklu í þessu landi. Kannski misskilningur, eða ekki?

Ég býst allavega ekki við því að skjólstæðingar Fjölskylduhjálparinnar hafi verið mikið á faraldsfæti þessa helgina. Fjölskylduhjálpin þarf nefnilega að loka nokkrar vikur ( 1 eða 2) í sumar vegna starfsmannaeklu, allt starf unnið í sjálfboðavinnu. Stofnun sem að hingað til hefur ekki haft undan matarbeiðnum frá fólki.

 Mæðrastyrksnefnd er víst á mörkunum að hafa nógu mikið fyrir skjólstæðinga sína og það sama má segja um Hjálparstofnun kirkjunnar. Rauði krossinn hefur ekki heldur undan beiðnum frá fólki sem að á ekki fyrir mat.

Algjör þöggun fjölmiðla um þetta ástand er skandall.

Mikil umferð til Reykjavíkur

Kastljós gærkvöldsins á RÚV vefnum allt í klúðri. Væri hægt að laga þetta?

Hef ítrekað verið að reyna að spila Kastljósþátt gærkvöldsins sem að var í senn bæði fróðlegur og skemmtilegur.

 En eitthvað hefur klúðrast þar, því að þar koma einungis um 5 til 10 mín um Michael Jackson, en ekkert af því sem á undan var komið. Meira að segja umfjöllunin um hann hefur ekkert upphaf, útsending byrjar í miðri frásögn.

Væruð þið ekki til í að laga þetta?

Jóhanna Sigurðardóttir = Margaret Thatcher

Hva, var hún að taka stúdentspróf..... er ég að missa af einhverju Agnes mín?

Hvernig er annars með Icesave fær hún 10.00 í einkunn þar líka?

 

Jóhanna glansaði á prófinu

Ábyrgðin og skynsemin. Einbýlishús og bílalán.

Ekki vil ég virka kaldlynd, hef reynslu af fjárhagsáhyggjum, en kemur samt ekki að því að einstaklingar verða að bera ábyrgð á sjálfum sér?

Hefði aldrei nokkurn tímann tekið myntkörfulán þó að mér hefði verið borgað fyrir það.

Hefði líka getað í bjartsýniskasti tekið bílalán, af því að aðrir hefðu talið mér trú um það, að það væri bara allt í lagi. Nei takk kærlega.

Stundum verður maður bara að nota heilbrigða skynsemi, ekkert flóknara en það. Fjórtán ára gamla Toyotan mín dugar mér bara alveg ágætlega...... og maður þarf ekki einbýlishús til þess að vera hamingjusamur eða hvað........?

Fjölskylda á hringekjunni

Jóhanna Vigdís Hjaltadóttir fréttamaður nátengd Exista.

22. júní 2009

Stund sannleikans rennur upp

Jóhann Hauksson

Í viðtalsþáttum sínum við Davið Frost viðurkenndi Richard Nixon að hann hefði ekki farið að lögum, að hann hefði stundað yfirhylmingar. Hann hefði haft alla á móti sér og barist á mörgum vígstöðvum í einu; í Víetnam, í þinginu, við fjölmiðlana...

Nixon sagði af sér sem bandaríkjaforseti í kjölfar Watergate hneykslisins. Frost taldi hann á að ræða við sig í sjónvarpsþáttum sem sýndir voru nokkrum mánuðum síðar.

Nýleg kvikmynd um Nixon v. Frost færir okkur heim sanninn um það, hversu mikilvægt það er fyrir blaðamenn að styðja málflutning sinn með sannreynanlegum og haldbærum gögnum. Frost og aðstoðarmenn hans sýndu fram á að að Nixon vissi fyrr en ætlað var að menn hefðu brotist inn og snuðrað í höfuðstöðvum demókrata.

Frost náði taki á honum.

Spurningin er nú hver verður í sæti Nixons þegar íslenska bankahneyklsið verður upplýst.

Aðalatriðið er að upplýsingar eigi greiða leið að borgurunum, því hættan sem að þeim steðjar í nútímanum er fólgin í slagorðum, fullmatreiddum hugsanabrautum og hópskoðunum. Gegn þeim teflum við gagnsæinu. Með upplýsingar að vopni og nokkurri þjálfun hefur sérhver maður forsendur til þess að greina á milli þess sem unnt er að sannreyna og hins sem aldrei verður sannað. Þannig getur hann metið, andæft og gagnrýnt. Upplýstur maður metur sjálfur sannleiksgildi þess efnis sem borið er fram í fjölmiðlum og hvort það sé haldbært, nothæft eða gagnslaust.

Athugasemdir

 

• Birgir Sæmundsson 1 dagur, 14 klukkutímar

  Íslenska aðferin verður ofan á. Jóhanna Vigdís ræðir við Davíð Oddson, á meðan drukkið verður kaffi og vöfflur með rjóma og BLÁ berja sultu.

  Rex 2 klukkutímar, 15 mínútur

• Fyrir þá sem ekki vita er rétt að upplýsa, að Jóhanna Vigdís er systir Erlends Hjaltasonar hjá Exista. Fyrir utan hvað hún er annars slappur spyrill gerir þetta hana vanhæfa sem fyrirspyrjanda í öllu sem lýtur að hruninu og bankakreppunni.

  Þórkatla Snæbjörnsdóttir 0 mínútur

• Þetta hefur sem sagt verið látið óátalið hingað til að vanhæfur fréttamaður sé í "drottningarviðtölum" inni á Alþingi! Heyr, heyr, RÚV, alltaf batnar það!