"Á kaupmannsins tröppum með tárvota kinn...."

Nei, ekki er ég hagfræðingur, nei ekki er ég viðskiptafræðingur, en það þarf víst ekki margar heilafrumur til að sjá að það á ekki að draga glæpamenn Íslands, útrásarvíkingana, fyrir dóm?

Er þetta nokkuð flókið, þurfum við að skrifa margar blaðsíður um þetta? Held ekki.

Eða erindi úr ágætis kvæði eftir Nils Ferlin:

"Þú misstir á leiðinni miðann þinn,

þú mannsbarn, sem einhver sendi.

Á kaupmannsins tröppum með tárvota kinn

þú titrar með skilding í hendi."

Kvæðið heitir Mannsbarn í þýðingu Magnúsar Ásgeirssonar.

Síðan í lokin: Hvað skyldu margir aðstandendur detta í lukkupott Fjölskylduhjálparinnar í dag sem að getur úthlutað ókeypis 100 skólatöskum til þeirra sem að hafa ekki efni á slíkum "lúxus" í "velferðarstjórn" Jóhönnu Sig í dag?

Fengum langmesta höggið

Áskrift og bílar í ýmsu ástandi.

Lífið heldur áfram til hvers? Já til hvers? Sem sagt að þurfa hlusta áfram á ósköpin. S.l. fimmtudag gat Sigmundur Ernir ekki munað sáraeinfalda spurningu frá Vigdísi Hauksdóttur sem að hún þurfti að tvítaka til þess að fá einhver "svör".

Ragnheiður Ríkharðsdóttir þurfti líka að tvítaka sínar spurningar sem að áðurnefndur þingmaður virtist eiga erfitt með að meðtaka, hvað þá að svara.

Maður talar nú ekki um ósköpin þegar að Sigmundur gersamlega tryllist í lokin, missir algerlega stjórn á sér.

Fyrir nokkrum vikum síðan sagðist Sigmundur einungis hafa notað sinn eiginn bíl í kosningabaráttunni.

Sannleikurinn kom síðar í ljós: Hann eyðilagði fyrri bílinn sem að hann var með til afnota á uppsagnarfresti hjá Stöð 2 og skilaði síðan hinum síðari, sem að hann hafði til afnota í baráttunni, óökufærum.

Þetta sýnir að Sigmundur lýgur þegar að honum geðjast svo.

Forstjóri Stöðvar 2 segir að þetta komi almenningi ekki við, þetta sé á milli hans og Sigmundar. En í hvað fara mín áskriftargjöld Stöðvar 2, mig langar að fá að vita það?

Ragnheiður: Ekki þinginu sæmandi

Já, útrásarvíkingar munu sleppa létt. Þakka ykkur fyrir Jóhanna og Árni Páll.

Nú, fór Eva Joly ekki fram á það um daginn að það yrði settur inn meiri peningur til rannsóknar á þessu máli öllu saman? Fór hún ekki líka fram á það að störfum varðandi þessi mál yrði fjölgað?

Þarf hún reglulega að koma hér til Íslands og vera í barnapössun á mönnum sem að svífast einskist og ætla að sjá til þess að skúrkarnir sleppi?

 Það sem að Eva Joly fór fram á, fór fyrir rikisstjórn sem að samþykkti það. Hvar eru þessir peningar? Er eitthvað að? Við ætlum sem sagt að láta bjóða okkur þetta?

Útrásarvíkingar gætu sloppið létt

Hannes Smárason, fyrrverandi forstjóri FL Group, er meðal þeirra sem eru til rannsóknar hjá efnahagsbrotadeild ríkislögreglustjóra og skattrannsóknarstjóra.

Þriðjudagur 25. ágúst 2009 kl 07:00

Höfundur: Ritstjórn DV ([e-mail])

Nánar um málið í DV í dag.

• 

  Fjallað er um málið í DV í dag.

Fjárskortur veldur nú töfum á rannsókn á meintum efnahagsbrotum útrásarvíkinga. Skorið hefur verið niður hjá embætti skattrannsóknarstjóra á þessu ári og efnahagsbrotadeildin glímir við manneklu. Þessi frestun á rannsókn málanna getur haft í för með sér að refsing verði vægari en ella, ef til hennar kemur yfirleitt.

„Við stöndum frammi fyrir því að það voru skertar fjárheimildir fyrir þetta ár sem nú er að líða. Það er staðan,“ segir Bryndís Kristjánsdóttir skattrannsóknarstjóri.

Helgi Magnús Gunnarsson, saksóknari efnahagsbrotadeildar ríkislögreglustjóra, er í svipaðri stöðu. „Starfsfólki hjá okkur hefur frá áramótum verið fækkað um þrjár stöður.“

Á síðustu árum hefur það nokkuð oft komið upp að sakborningar hafa hlotið mildari dóma vegna þess að mál hafa tafist við rannsókn. Töfin hefur haft þau áhrif að sakborningar sem hefðu fengið fangelsisdóma sluppu eða dómar yfir þeim voru mildaðir.

 

• Athugasemdir
• Tengt - Innlent
• Senda á Facebook

Auglýst eftir greindarvísitölu stjórnmálamanna.

Það er eitt upp af öðru hjá þessari voluðu ríkisstjórn, ef ríkisstjórn skyldi kalla. Ég held að það hafi aldrei verið eins miklir aukvisar við völd á sama tíma og það skiptir þjóðina nú höfuðmáli að hafa almennilegt fólk við stjórnvölinn.

Nú á sem sagt að rústera fyrirtækjunum í landinu formlega með því að sniðganga íslenska vöru?. Ég fer bráðum kannski að auglýsa eftir ráðherra með aðeins hærri greindarvísitölu en 100?

Sementsverksmiðjan gengur út október

Icesave, sipp og hoj og úrræði KatrínarJakobsdóttur

Alveg merkilegt að hlusta á Katrínu Jakobsdóttur nú áðan að vera að tala um að ríkisstjórnin "sæi nú til lands" með Icesavemálið og "sæu nú sömuleiðis til lands" með afkomu bankanna. Nú væri sko kominn tími til að styðja við fjölskyldur í þessu landi.

Þúsundir manna hér á landi eiga ekki fyrir mat. Viðkomandi þarf að leita til hjálparstofnana. Ekki er ég að gera lítið úr þeirri starfsemi sem að er stórkostleg. En fyrir hvað erum við að borga með sköttunum okkar?

Það á hver einstaklingur fæddur hér á byggðu bóli rétt á því að hafa i sig og á, geta haft fyrir sínum mat og borgað prívat og persónulega.

En ríkisstjórnin er of upptekin við að bjarga fjárglæfra - og glæpamönnum.

Margar fjölskyldur gátu ekki borgað fyrir námsbækur og stílabækur barna sinna í dag.

Hvað ætlar þú að gera í þessu Katrín mín?

Einhverntímann fór maður í sipp og hoj, kíló og yfir eftir góðan skóladag. Hvað gera skólabörn í dag  --- gráta?

Orðalag fremur en stór ágreiningsefni

Sjónarspil, sýndarmennska og lygar.

Það er víst að bera í bakkafullan lækinn að fjalla um Icesave en meðferð málsins og þeirra, sem að því koma, kalla kannski á það, að maður fjalli um það einu sinni enn.

Með hjálp Sjálfstæðisflokks og  síðan Borgarahreyfingar, sem að barðist gegn þessu hér í den, átti að koma í veg fyrir að þessi ósköp yrðu að veruleika. Já var það ekki í kosningabaráttu Þórs Saari og co.?

 En nú mun þetta" óskabarn" Ríkisstjórnar Íslands verða að veruleika fljótlega eftir helgi með hjálp "dyggra"stuðningsaðila.

"Þökk" sé ofargreindum flokkum sem að sjá fram á enn meiri frama í pólitíkinni hlýði þeir járnfrúnni.

Fyrirvarar eða ekki fyrirvarar, jú, jú þetta verður allt í þessu fínasta lagi, fyrirvararnir munu halda, við látum sko ekki plata okkur........ segir utanríkisáðherra.

Við höfum forsætisráðherrra sem að heitir Jóhanna Sigurðardóttir, fjármálaráðherra sem að heitir Steingrímur J. Sigfússon og utanríkisráðherra sem að heitir Össur Skarphéðinsson.

Af einhverjum ástæðum líður mér ekki vel með þetta, undur og stórmerki

En hvernig væri að Alþingismenn afnymdu sínar föstu greiðslur til sín upp á rúmar 60 000 kr. á mánuði, fyrir það eitt að þurfa að keyra á milli staða, eða er það alveg rosalega erfitt?

Svei mér þá ef að ég kýs ekki Framsókn næst......... en þetta næst, er kannski langt framundan og það getur víst ýmislegt gerst þangað til.

Funda um Icesave um helgina

Hvar er Eva Joly á listanum?

 Hverra hagsmuna er tímaritið Forbes að þjóna?

Þeir þar á ritstjórn ættu að kynna sér betur, hvað Jóhanna telur sig hafið staðið fyrir síðustu 30 árin, sem sagt að tala máli þeirra sem að minnst mættu sín i samfélaginu hér á Íslandi.

Talar nú síðan máli bankamanna en ekki íslenskrar alþýðu sem að er nú skuldsett upp fyrir haus, Iceavemálið verður samþykkt í vikunni.

Síðan stöðugar skattahækkanir á íslenskan almenning á einn eða annan veg.

Árni Páll gerir ekkert annað en að hundelta fólk í meintum bótasvikum, með leyfi Jóhönnu Sig. en skattasvindlarar, m.a. útrásarvíkingar og meintir fjárglæframenn sleppa með skrekkinn og við þjóðin borgum þeirra skattasvindl, ofan á öll hin ósköpin. Allt með leyfi Jóhönnu og co.

Maður talar nú ekki um öll ósköpin sem að ganga á hjá skilanefndum bankanna, menn skammta sér þar sjálfir laun og eru síðan endurráðinir í enn æðri stöðu viðkomandi banka sé þeim vikið úr skilanefnd.

Hvað kostar þetta íslenska þjóð?

Valtýr Sig. situr enn í sínu embætti og fjárglæframaður er ráðuneytisstjóri  Katrínar Jakobsdóttur.

Alveg stórkostlegt ekki satt?

Jóhanna meðal áhrifamestu kvenna

Klækjabrögðin margvísleg.

Hvers vegna í ósköpunum var ekki hægt að halda þingfund fyrr en kl. 18.00 í dag?

Svona alveg rosalega mikið uppteknir eða hvað?

Vita kannski að á þessum tíma eru venjulegar fjölskyldur í innkaupum og að hlúa að sjálfum sér og öðrum í kvöldmat og háttatíma ungviðanna.

Já, þau sýna á sér margar hliðar klækjabrögðin.

Gætum við ekki sagt að Icesavemálið gefi skotgrafahernaði, í myndlíkingu, nýja merkingu?

----------------------------------------------------------------

Læt hér fylgja 1. erindi úr kvæði eftir Ilya Ehrenburg í þýðingu Magnúsar Ásgeirssonar.

Kvæðið heitir Barnabörnin okkar:

Þau munu undrast barnabörnin okkar,

sem blaða í söguriti um liðna tíð:

,,1914 . . . '17 . . . '19 . . .

Að nokkur skyldi lifa þvílíkt af!''

Börn nýrra tíma læra um orustuúrslit

og herforingja og mælskumanna nöfn,

um tölu hinna drepnu,

daga og ártöl.

En ekki um hitt: hve undarlega milt

gat angað rós á skotgrafanna barmi,

hve ljúft var múrsölunnar káta kvak

á milli stórskotanna þrumuþyta,

hve fagurt var þá lífið liðnu daga.

Lífið.

 

 

Þingfundur boðaður í dag

Leppríkisstjórn AGS.

Já Steingrímur hefur sem sagt áhyggjur. Undur og stórmerki. Hefur hann áhyggjur af afkomu komandi kynslóða eða sínum ráðherrastól?

 Hvernig væri að mæta á Austurvöll á morgun, eða ætlum við að láta mestu svikararíkisstjórn allra tíma setja okkur í fátæktrargildru líkt og AGS gerði við Argentínu forðum. Er að afsala okkur sjálfstæði okkar og fullveldi sem að tók margar kynslóðir að berjast fyrir

 Þessi ríkisstjórn er leppur AGS, af hverju var ekki samþykkt að þiggja lán frá Rússum fyrir nokkrum mánuðum síðan, án skilyrða? Jú var það ekki til þess að fjárglæframennirnir sleppi við að borga og Samfylkingin styggi nú ekki bestu vini sína, Baugsfeðgana og fjárglæframennina.

Þessi ríkisstjórn er jú besti vinur bankanna.

Það var nokkuð vitað mál að AGS myndi krefjast borgunar á Icesaveskuld, og því auðvitað alveg prýðilegt að demba því á íslenskan almenning? Fjárglæframennirnir eiga að sleppa.

Býst ekki við gagntilboði

Grátur og gnístan tanna, ....... eða einhver sjálfsvirðing?

Er ekki þess virði að eyða smá tíma í að lesa greinar Financial Times, eða hvað? Það finnst mér allavega.

Jæja þá, ætlar fólk virkilega ekki að fara niður á Austurvöll að mótmæla á næstu dögum? VG og Sjálfstæðisflokkur með allt niður um sig í Icesavemálinu. Maður talar nú ekki um Borgarahreyfinguna ógrátandi.

Djúpt vantraust