Vonarneisti betri en enginn neisti.

Vonarneisti er betri en enginn neisti. Okkur vantar hér mann sem að kann að blása kjarki í fólk líkt og þessi maður gerir. En þess verður langt að bíða.

Hér fer tíminn endalaust í  tal um hvað eigi að gera (næstum 6 mán. eftir fall) og við eigum að treysta þessu fólki í kosningum?

Obama sér vonarneista

Einhvernveginn finnst mér þetta ekki við hæfi......

Einhvernveginn finnst mér ekki við hæfi  að menn séu alþingismenn og/eða ráðherra ásamt nefndarstörfum og séu jafnframt formenn stéttarfélaga og formenn stjórna hjá lífeyrissjóðum.

Einhvernveginn finnst mér ekki við hæfi  að menn séu alþingismenn og/eða ráðherrar og vera jafnframt í einkabusiness og geti þannig fengið sérstaka fyrirgreiðslu á Alþingi.

Þetta kallast spilling, sem viðgengst ennþá á Alþingi að mínu mati. 

En þetta er jú bara mín skoðun.

Formannsslagur og formannsþráhyggja!

Það er alveg á hreinu að ef að Kristján nær ekki formannsslagnum núna og er búinn að tapa varaformannsslagnum áður gegn Þorgerði Katrínu, þá er hans pólitíska framtíð í flokknum ansi tvíræð að mínu viti.

Líkt og með Lúðvík Geirsson hér í Hafnarfirð sem að hafnaði í 3. sæti í Kraganum en stefndi að því 1.  Var áður talinn einn af þeim efnilegri sem Samfylkingarformanni framtíðarinnar.

 Allt er í heiminum hverfult og þarf lítið til að málin breytist. Hefði sjálf viljað sjá Lúðvík í 1.sæti og síðar í formanninn. Jóhanna Sig. gerði stórpólitísk mistök með því að svara ekki fyrr en um seint og um síðir kallinu um formannsstöðuna.

Ég missti álitið á henni, hún gerði þarna lítið úr fólkinu í Samfylkingunni sem að beið í ofvæni eftir svari frá henni og gerði líka lítið úr kjósendum Samfylkingarinnar. Hún gaf engum öðrum færi á að bjóða sig fram og beindi (neikvæðri) athygli að sjálfri sér.

Hefur síðan ekki enn gefið upp hve lengi hún ætli sér formannsstólinn. Er þetta ekki "pínu" hroki hjá verðandi formanni í "fínum og flottum flokki" eins og hún orðaði það sjálf?

Kristján Þór tilkynnir um framboðsáform

Spillingin endalausa hjá fjórflokkunum. Það fær enginn atkvæðið mitt!

Væri ekki við hæfi að hún dragi sér í hlé frá Fjármálaeftirlitinu eða er þetta bara allt í lagi? 

Mér er orðið ofboðið. Ætla að skila auðu 25. apríl. 

  

Dóttir Ögmundar í stjórn FME

 

Dóttir Ögmundar Jónassonar situr í varastjórn FME.

Sunnudagur 22. mars 2009 kl 09:49

Höfundur: Ritstjórn DV ([e-mail])

Nokkra athygli hefur vakið að Guðrún Ögmundsdóttir, hagfræðingur og dóttir Ögmundar Jónassonar heilbrigðisráðherra, hafi nýverið verið skipuð í varastjórn Fjármálaeftirlitsins.

Guðrún varð nú nýlega þrítug og hefur bæði starfað í Seðlabankanum sem og hjá greiningardeild Kaupþings.

Samkvæmt frétt á pressan.is var Guðrún skipuð í stjórn Fjármálaeftirlitsins samkvæmt tilnefningu frá Seðlabanka Íslands. Mun tilnefningin hafa verið gerð í tíð fyrrverandi bankastjórnar, undir forystu Davíðs Oddssonar formanns bankastjórnarinnar.

 

Lyf fyrir M.S sjúklinga.

Það er með ólíkindum að hlusta á kostnað vegna nýs lyfs sem að gæti gerbreytt lífi fólks. Hvað kostar að halda uppi þeim skrípaleik sem að heitir víst embætti Forseta Íslands?

Lyfið sem að gæti gerbreytt lífi M.S. sjúklinga kostar um 5 000 000 kr. ári fyrir hvern sjúkling.

Það kostar fleiri hundruð milljónir á ári að haldi uppi þessu "embætti" sem að er helsi á þjóðinni og verður okkur meir og meir til skammar.

Katrín og rjómaterturnar.

Katrín Jakobsdóttir upplýsti landsmenn í Sjálfstæðu fólki s.l. sunnudag að hún hefði lengi verið búin að hlakka til að komast í ríkisstjórn, til þess að geta borðað dýrindis rjómatertur í morgunmat. Á okkar kostnað að sjálfsögðu. Þeir landsmenn sem hún telur sig vera að berjast fyrir, eiga hins vegar margir hverjir ekki fyrir mat og verða að treysta á Fjölskylduhjálpuna, Hjálparstofnun krirkjunnar og fleiri hjálparsamtök í viku hverri til að sjá sér og sínum farborða.

Steingrímur J. tjáir sig lítið um sínar matarþarfir. Hins vegar virðist hann vera orðinn skoðanalaus um AGS. Engin þörf á að skila láninu núna. Tölum nú ekki um hvalveiðarnar. Engin þörf á að gera neitt í því máli, þó svo að við séum að missa viðskiptatengsl erlendis, sem að hefur tekið mörg ár að byggja upp.

Þessar þjóðir segja: Við höfum ekki viðskipti við þjóð sem að drepur hvali. En þetta skiptir Steingrím J. engu máli lengur. Á meðan að hann hefur um 500 000 kr. í laun sem þingmaður, um 800 000 kr. í laun sem ráðherra (þessar tölur nefndi Katrín í áðurnefndu viðtali, Steingrímur er varla eftirbátur hennar?) og einhverja 100 000 kalla í viðbót í nefndarstörf þá skiptir þetta víst engu máli lengur!

 Ég tala nú ekki um, eftir að hver skoðanakönnunin á fætur annarri sýnir, að þjóðin ætlar að láta þetta sjónarspil vera ráðandi næstu árin hér á landi, þá er auðvelt að láta "sannfæringuna fallera".

Verði þér svo að góðu Katrín mín, ég er viss um að það verða rjómatertur í boði eftir kosningar.

Það er ódýrara að skemmta sér heima....?

Það er ódýrara að skemmta sér heima........er slagorð Stöðvar 2 þessa mánuðina. Dagskráin í kvöld fram að þessu hefur ekki verið beisin. Bíómynd síðan ég veit ekki hvenær, líklega 1960, er búin að vera aðaldagskrá kvöldsins. Maður ætti nú ekki að þurfa að borga fyrir svona laugardagsdagskrá.

Versti seðlabankastjóri í Evrópu.

Davíð Oddsson er talinn versti seðlabankastjóri í Evrópu. Þetta kemur fram í viðskiptakálfi sænska blaðsins Dagens Nyheter fyrir helgina.  Enginn kemur með tærnar þar sem að Davíð hefur hælana.

Um Davíð segir "að hann hafi til skamms tíma verið formaður bankastjórnar Seðlabanka Íslands. Áður hafi hann verið forsætisráðherra og arkitektinn að þeim umbótum sem bylta áttu íslenska efnahagslífinu en urðu því síðar að falli. Spáð sé níu prósenta samdrætti og gengi krónunnar hafi fallið eins og steinn. Engu að síður hafi Davíð haldið því fram að kreppan væri öllum öðrum að kenna en sjálfum sér."
 

Þetta er maðurinn sem að fékk að ráða öllu því sem að hann vildi ráða hér á landi, síðustu 25 árin og nú sjáum við afleiðingarnar. Að setja einstakling í guða tölu kann aldrei góðri lukku að stýra.

Hvað er að gerast í flokknum?

Bjarni Benediktsson formannskandidat Sjálfstæðisflokksins, segir í Fréttablaðinu í dag að aðild að ESB sé mjög brýn. Hér talar hann þvert gegn vilja um 70 % fylgismanna Sjálfstæðisflokksins. Er nokkur furða að fólk spyrji sig: Á hvaða leið er flokkurinn?

Í mörg ár á meðan að Sjálfstæðisflokkurinn var við völd, sat Bjarni beggja vegna borðsins. Annars vegar inni á þingi og í allskyns nefndarstörfum á vegum flokksins. Hins vegar sat hann m.a. í stjórn hjá N-1 og í fleiri fyrirtækjum. Það var ekki fyrr en hann var í alvöru farinn að hugsa til formannsembætttis Sjálfstæðisflokksins að hann "hætti" afskiptum af viðskiptum.

Mér finnst undarlegt að úr svo fjölmennum flokki kom aðeins einn maður til greina sem formaður. Maður sem að kastar sprengjum rétt fyrir landsfund og hefur verið á kafi í fyrirtækjarekstri samhliða þingmannsstarfinu, árum saman.

Átti ekki allt að vera "gegnsætt" og "upp á borði" eða eru það bara "yesterday news"?

USA: Þar sem verkin tala.

Fréttir af efnahagsástandi Bandaríkjann svipar mjög til Íslands á mörgum sviðum.

Í USA framkvæmir forsetinn, en hér er er ekkert gert, þar liggur munurinn.

Áherslan á efnahagsmálin