Árni Páll, Byr og örorkulífeyrisþegarnir

Þetta er maðurinn sem að ætlar að lækka bætur til elli- og örorkulífeyrisþega. Já það er nefnilega það...............  

Vísir, 11. jún. 2009 16:14

Ráðherra á milljónahlut í Byr

Árni Páll Árnason. Mynd/Auðunn Níelsson

Magnús Már Guðmundsson skrifar:

Árni Páll Árnason, félags- og tryggingamálaráðherra, er hluthafi í Byr en hlutur hans samkvæmt stofnfjáreign er 5,6 milljónir króna. Þetta kemur fram þegar rýnt er í upplýsingar um hagsmunatengsl þingmanna. Hefð virðist hafa myndast fyrir því að ráðherrar sem heita Árni eigi hlut í Byr því nafni hans Mathiesen, fyrrverandi fjármálaráðherra, á einnig hlut í sparisjóðnum.

27 af 63 þingmönnum hafa upplýst um fjárhagslega hagsmuni sína og trúnaðarstörf utan þings. Reglurnar tóku gildi 1. maí en þingmenn ákveða sjálfir hvort þeir upplýsi um hagsmuni sína. Hægt er að nálgast upplýsingarnar á vef Alþingis.

Flestir þeirra þingmanna sem hafa skilað upplýsingum um fjárhagslega hagsmuni segjast ekki hafa neina hagsmuni sem reglurnar taki til. Þó eru nokkrir auk Árna Páls sem tilgreina um tengsl sín sem þeir telja að reglurnar nái til.

Eygló Harðardóttir, þingmaður Framsóknarflokksins, á 50% eignarhlut í fyrirtækinu Þorskur á þurru landi. Hún er jafnframt framkvæmdastjóri félagsins.

Magnús Orri Schram, þingmaður Samfylkingarinnar, á 25% hlut í Víngott sem einkahlutafélag í meirihlutaeigu tengdaföður hans. Fram kemur að félagið sé smátt í sniðum, með heildarveltu undir 10 milljónum króna. Engar arðgreiðslur til Magnúsar hafa átt sér stað hjá viðkomandi fyrirtæki.

Ólína Þorvarðardóttir, þingmaður Samfylkingarinnar, þiggur laun til loka júní vegna óunnins uppsagnarfrests hjá menntamálaráðuneytinu.

Sigurður Ingi Jóhannsson, þingmaður Framsóknarflokksins, á hlut í Dýralæknaþjónusta Suðurlands þar sem hann starfaði áður en hann var kjörinn á þing.

Þráinn Bertelsson, þingmaður Borgarahreyfingarinnar, á kvikmyndagerðarfyrirtækið Nýtt líf. Þá þiggur hann heiðurslaun listamanna frá Alþingi.

Þá eiga Gunnar Bragi Sveinsson, þingmaður Framsóknarflokksins, Unnur Brá Konráðsdóttir, þingmaður Sjálfstæðisflokksins, og Sigurður Ingi sæti í hinum ýmsu ráðum á nefndum vegna starfa sinna í bæjar- og sveitarstjórnum.

(leturbreyting mín)

Tengdar greinar:

• 27 þingmenn hafa upplýst um hagsmunatengsl sín

Tilefni til Kastljóssumræðu eða hvað?

Hver hefur vald til að lýsa Valtý vanhæfan? Ofan á allt saman, þá mun faðir meints fjárglæframanns að öllum líkindum koma í veg fyrir að Eva Joly haldi áfram að starfa hér.

Eva Joly sagði í viðtalinu í gær að það væri auðvelt að vísa Valtý frá. Ég trúi Evu Joly. Það eru hins vegar íslensk stjórnvöld sem að ætla að reyna að flækja og rugla málið.

Er þetta ekki tilefni til smá Kastljóssumræðu?

Eva Joly er dínamítkassi

Þóru Arnórsdóttur á að útiloka frá fréttaskýringum um Icesave- og útrásarvíkingamálið.

Þetta skrifaði ég í athugasemdardálk Láru Hönnu nú áðan, við nýjustu bloggfærslu hennar:

"Ætla ekki að ræða hér um vinnubrögð Stöðvar 2 í þessu máli, þau eru, eins og þú bendir réttilega á Lára Hanna, alveg furðuleg. Svona hefndarfrétt. Rosalega faglegt, eða þannig.

En hjá RÚV að vera sýna hana í makeuppi í kynningu á viðtalinu, átti greinilega að vera til þess að móta viðhorfið til konunnar, áður en að hún kæmi í viðtal. Það tókst held ég greinilega ekki, miðað við viðbrögð þjóðarinnar við þessu viðtali.

En, að Þóra Arnórsdóttir hafi leyft slíka kynningu á viðtali sínu, eins ágæt og hún var í viðtalinu í gær, er henni til mikillar skammar og ég tel, að það eigi ekki lengur að líðast að hún sé aðalspyrjandinn í útrásar- og Icesavemálinu. Hún fékk sitt tækifæri með Steingrími og Sigmundi á dögunum en hún klúðraði því endanlega með kynningu á Kastljóssþætti gærkvöldsins. Ekki segja mér að hún hafi engu ráðið þar um.

Til skammar!"

Bloggið hennar Láru Hönnu kemur síðan hér að  neðan, dæmi hver fyrir sig.

10.6.2009

Eva Joly, réttlætið og fimmta valdið

Stundum er sagt að allt sem þurfi sé pólitískur vilji til að eitthvað sé framkvæmt. Vel má vera að svo sé á stundum, en oft er það ekki nóg. Það þarf vilja fimmta valdsins, embættismanna í opinberum stofnunum og ráðuneytum.

Nú er staðan til dæmis þannig, að Sjálfstæðis- og Framsóknarflokkur hafa verið við völd nokkuð lengi. Þeir flokkar hafa reyndar verið við völd stóran hluta síðustu aldar og fyrstu sjö ár þessarar. Sá ósiður hefur tíðkast á Íslandi, og ekki aðeins í opinbera geiranum, að í lykilstöður eru skipuð flokkssystkin, vinir eða venslafólk. Hæfni og menntun kemur málinu yfirleitt ekkert við þótt á því séu eflaust heiðarlegar undantekningar. Líkast til á þetta við alla flokka, en það hefur reynt meira á suma en aðra.

Æ sér gjöf til gjalda. Þessir pólitískt skipuðu embættismenn, og jafnvel nánir vinir fyrri valdamanna, hafa tögl og hagldir í kerfinu. Þeim er í lófa lagið að leggja stein í götu nýrrar ríkisstjórnar þar sem þeim hugnast ekki að aðrir flokkar en þeirra séu við völd. Þannig koma nýir ráðherrar til starfa í ráðuneyti sem er kannski með pólitíska andstæðinga þeirra í lykilstöðum sem hafa allt aðrar hugmyndir en ráðherrann um menn og málefni. Þetta er afleitt kerfi sem verður að breyta. Afnema verður æviráðningar og gera ráðherrum kleift að hafa í kringum sig fólk sem þeir geta treyst.

Þessar hugsanir hafa leitað á mig undanfarna daga og hvort þetta sé ástæða þess að Evu Joly hefur ekkert orðið ágengt í störfum sínum hér. Hún virðist hafa gengið á veggi og orðið fyrir ýmsum hindrunum. Á hana hefur ekki verið hlustað. Þetta er hneisa og skömm. Ég neita að trúa því að stjórnin sem nú situr vilji ekki rannsaka hrun bankanna. Ef þingmenn hafa lagt við hlustir í dag vita þeir að það hefur allt verið brjálað vegna þeirrar stöðu sem Eva Joly er í og orða hennar. Það þarf ekki annað en stikla í gegnum athugasemdir við þessa bloggfærslu Egils Helgasonar og þessa frétt á Eyjunni. Flest annað ber að sama brunni. Nú þarf ríkisstjórnin að vanda sig. Ragna brást skjótt við og skipaði nýjan ríkissaksóknara í málum sem snýr að þessari rannsókn. Nú bíðum við eftir auknu fjármagni í rannsóknina og fleiri saksóknurum eins og Eva Joly bað um. Illugi Jökulsson skrifaði frábært bréf til ríkisstjórnarinnar á blogginu sínu - sjá hér. Ég tek undir hvert einasta orð í þessu fína bréfi Illuga. Hengi líka neðst í færsluna Spegilsviðtal við undirritaða frá því fyrr í kvöld sem á rætur í bréfi mínu til ríkisstjórnarflokkanna - sjá hér.

Ég klippti saman fréttir RÚV og Stöðvar 2 í kvöld um mál Evu Joly. Fréttin á Stöð 2 er stórfurðuleg. Þar talar "fréttakonan" um að "stjórnvöldum sé stillt upp við vegg" og að Joly vilji að "dælt sé peningum í rannsóknina". Tíundað er hver kostnaður af störfum Joly sé við rannsóknina og svo er klykkt út með  að Eva Joly hafi neitað viðtali við Stöð 2 í dag. Hljómar dálítið eins og fréttin hafi verið sett upp sem hefnd fyrir það. Hún fór reyndar heldur ekki í viðtal hjá fréttastofu RÚV - bara í Kastljós. Og myndmálið er augljós skilaboð líka. Tveir karlar sýndir ábúðarmiklir við skrifborðin sín með tölvurnar fyrir framan sig. Svo er Eva Joly sýnd í förðun og hárgreiðslu fyrir sjónvarpsupptöku eins og tildurrófa og súmmað inn á rós í vasa. Hvað ætli "fréttakonunni" hafi gengið til? Þetta fannst mér ekki faglega unnin frétt. (leturbreyting mín)

Jóhanna hrædd við Evu Joly?

Það er mikið að Jóhanna Sig. vaknar, er hún virkilega orðin hrædd um valdastólinn sinn?

Ríkisstjórn styður Joly

Rangur misskilningur heldur betur. Ragna, ekkert fjölmiðlaskúbb meir!

Ég sem hélt að það væri búið að setja Valtý endanlega af, en það virðist ekki vera. Einvörðungu í þessu máli sem er stærsta sakamál Evrópu að sögn Evu Joly.

Eva Joly hefur tekið það skýrt fram að þetta mál sé það umfangsmikið og teygi anga sína það víða, að það dugi ekki að setja ríkissaksóknarann Valtý einvörðungu af þessu máli.

Rannsóknin þarf líka aukið fjármagn og aukinn mannafla.

Ég tek mark á Evu Joly, fólk veit nákvæmlega hvað hún stendur fyrir og hún talaði til  þjóðarinnar í gærkvöldi.

Það er svo einfalt, að ef að við þjóðin hlustum ekki á hana og pressum á Alþingi að fara að kröfum hennar er hún farin, svo einfalt er það.

Viljum við Evu Joly áfram eður ei? Svarið fæst kannski á Austurvelli í kl. 15.00

Gagnrýni tekin alvarlega

Manchester United, Ronaldo, Ferguson.........?

Hvað ertu að hugsa Ferguson, þetta er maðurinn sem að gefur liðinu og lífinu lit og skorar þar að auki. Það er eitthvað miklu meira þarna í pípunum, sem að við hin vitum ekki. Vinsamlegast upplýstu okkur!

United hefur tekið tilboði frá Real Madrid í Ronaldo

Aldraðir, öryrkjar, krabbameinssjúklingar, borgið, já borgið ........

Ætlum við sem sagt bara að þegja.....?   Eftirfarandi er úr frétt RÚV kl. 18.00 í kvöld.

  

Dregið úr niðurgreiðslum lyfja

Heilbrigðisyfirvöld ætla að draga frekar úr niðurgreiðslum á lyfjum á árinu og hætta að greiða niður dýr lyf í ákveðnum lyfjaflokkum. Hundruð milljóna króna sparnaður hefur þegar náðst með slíkum ráðstöfunum segir heilbrigðisráðherra.

Þingað er um niðurskurðartillögur í ríkisfjármálum víða. Ríkisfjármálahópur skipaður fulltrúum atvinnulífs, launafólks, ríkis, sveitarfélaga og alþingismanna bæði úr stjórn og stjórnaranstöðu fóru yfir málin síðdegis í dag.

Skattahækkanir verða kynntar á föstudag og eiga þær að skila um tíu milljörðum króna í ríkissjóð á árinu. Þá á að skera niður um tíu milljarða til dæmis með breytingum á bótakerfinu.  (leturbreyting mín)

Meðal þess sem víst er talið er að vörugjald verður hækkað á sælgæti og gosdrykkjum og að hátekjuskattur verði lagður á þá sem hafa meira en 700 þúsund krónur í mánaðarlaun. Einnig er rætt um að tryggingagjald verði hækkað.

Framlög til heilbrigðiskerfisins voru skorin niður um sjö milljarða króna á fjárlögum. Síðan þá hafa allar heilbrigðisstofnanir dregið saman seglin og reynt að halda sig innan fjárlaga. Heilbrigðisráðherra segir góðan árangur hafa náðst og þá hafi breytingar á niðurgreiðslum ríkisins á háþrýsti- og blóðfitulækkandi lyfjum sparað um 200 milljónir króna frá því í marsbyrjun. Reynt verður að hlífa þjónustunni og koma í veg fyrir uppsagnir.

Athyglisverð umskipti Sigmundar Ernis.

Er ég ein um það en mér finnst þetta svolítið skrítin bloggfærsla mannsins, sem að fyrir kosningar vildi gera allt fyrir þjóðina. Við eigum sem sagt bara að borga og borga........... athyglisvert.

Sigmundur Ernir: „Icesave er gubb“

Sigmundur Ernir segir að Icesave sé gubb. Mynd DV.

Miðvikudagur 10. júní 2009 kl 17:17

Höfundur: Ritstjórn DV ([e-mail])

„Mér líður eins og fálátum föður sem þrífur upp æluna í stofunni. Ælu unglingsins sem kunni sér ekki hóf í gleðinni. Og sá hinn sami, vel að merkja, sefur úr sér dauðann, óáreittur.“ Þetta segir Sigmundur Ernir Rúnarsson, þingmaður Samfylkingarinnar, á bloggsíðu sinni á Pressunni um Icesave samkomulagið.

Sigmundur segist ekki vera sérstaklega viss um að unglingurinn sé undan sér. Og hvað þá skyldur sér. „En ég er partur af samfélaginu. Samábyrgur fyrir því hvernig það er og hvernig það lyktar. Og þó það sé djöfulli hart að borga annarra manna skuldir, sem aldrei hefur hvarflað að manni sjálfum að stofna til, þá er ég partur af samfélagi. Og það er helvítis ábyrgð. Sérstaklega þegar samfélagar manns gubba á mann,“ segir Sigmundur.

„Icesave er gubb. Það er akkúrat síðasti sjússinn í fyllerínu sem nákvæmlega engar líkur voru á að maginn þyldi. Við spyrjum okkur þess hvort annarra manna samfélög vilji taka ábyrgð á ælunni. Og innst inni vitum við hvert svarið er. Við vitum hverjir standa eftir í birtingu. Í Icesave áttum við færri kosti en tvo. Og varla einn. Dómstólaleiðin er ekki fær, ef engin vill við okkur semja. Það var reyndin. Augnlokaleiðin er ekki fær, því það þýðir útilokun úr Evrópu, innlokun landsins og týndur lykill. Hugnast mönnum að segja upp EES? Og hverfa aftur um 40 ár? Eflaust suma, en ekki fjöldann …“

Sigmundur bætir svo við í bloggfærslu sinni að mest um vert að verða aftur samfélag sem hafi einhverja reglusemi að leiðarljósi. Það megi deila um vexti, lánstíma og aðför. „En um það verður ekki deilt … að það var okkar að þrífa upp æluna. Það samfélag sem geymir sökudólganna er það samfélag sem geymir glæpinn …“    (leturbreytingar mínar)

Þjóðin á að hlusta á Evu Joly! Austurvöllur á morgun!

Það þurfti norska konu með franskan ríkisborgararétt til að koma í sjónvarpssal og tala við íslensku þjóðina, og þá meina ég TALA VIÐ ÍSLENSKU ÞJÓÐINA.

Það kom að því loksins að það væri talað við okkur af heilindum og hvað þyrfti í raun að gera. Við erum svo óvön því íslenska þjóðin að heyra í ákveðinni manneskju, manneskju með drifkraft og skoðanir að við vitum varla hvernig við eigum að bregðast við þegar það loksins birtist.

Hingað og ekki lengra segir Eva Joly, ekkert hálfkák meir. Núna þarf rannsóknin að fá það fjármagn sem að þarf til, svo að það verði almennileg rannsókn. útrásarþjófarnir eiga ekki að sleppa.

Hvað eru skilanefndir bankanna búnar að innheimta margar tugi milljóna fyrir sín "störf"?

Austurvöllur á morgun kl. 15.00!

Björn verður ríkissaksóknari

Smáþjóðin Ísland hrekur Evu Joly burt!

Hvað halda menn eiginlega að þeir séu, hér á landi. Virtasta manneskja í heimi á sviði efnahagsbrota, fær engin gögn, enga vinnuaðstöðu og svo veit hún ósköp vel að það á ekki að draga útrásarvíkingana til ábyrgðar.

Af hverju ætti hún að láta bjóða sér svona vitleysu? Hún er hvorki í vanda með vinnu né peninga, en ætli henni sé ekki aðeins misboðið framkoma manna hér við hana.

Valdhafar sem eru svo forhertir að það á ekki að leyfa Evu Joly að rannsaka málið, hafa sjálfir margt misjafn í pokahorninu. Og við þjóðin eigum að borga fyrir misgjörðir ýmissa ráðamanna hér sem að þola ekki dagsljósið.

Eva Joly íhugar að hætta