Eva Joly úr leik.

Eva Joly leyfði sér að segja það sem að margir Íslendingar hugsa, að það eigi að sækja þá fjárglæframenn sem að hreinsuðu alla banka Íslands innanfrá, og setja þá á bak við lás og slá. Nei það má greinilega ekki segja svona voðalegan hlut. Hún er allt í einu orðin vanhæf og er ekki lengur ráðgjafi ríkisstjórnarinnar.

Datt manni ekki í hug. Það stóð nefnilega aldrei til að nýta sér þessa manneskju, til þess er hún of klár og sýnt var að hún myndi láta verkin tala. En það má ekki gerast í spillingarbælinu Íslandi. Virtustu manneskju í Evrópu á sviði efnahagsbrota er ekki treyst fyrir því að ná í útrásarvíkingana og sækja peningana okkar úr vasa þeirra.

Það var talað um launin hennar um 1300 þús á mánuði en var ekki ansi líklegt að við fengjum það margfalt til baka í formi fleiri hundruð eða þúsunda milljarða, sem að útrásarvíkingarnir skulda íslenskri alþýðu?

Einhverjir voru/eru? greinilega hræddir við það sem að kæmu myndi út úr rannskókn Evu Joly. Skyldi hræðslan ná til raða íslenskra stjórnmálamanna?

15.4.2009

Dómsmálaráðherra um Evu Joly: Einkum í alþjóðlegum hluta rannsóknarinnar

Mynd: domsmalaraduneyti.is

Dómsmálaráðherra segir að Eva Joly hafi tiltekið hlutverk sem lýtur einkum að alþjóðlegum hluta rannsóknar sérstaks saksóknara. Joly sé ekki lengur ráðgjafi ríkisstjórnarinnar og sérstakur saksóknari stjórni rannsókninni og taki ákvarðanir um saksókn í einstökum málum.

Þetta kemur fram í svörum Rögnu Árnadóttur dómsmálaráðherra við fyrirspurn Pressunnar í framhaldi af aðsendri grein Brynjars Níelssonar hæstaréttarlögmanns í Morgunblaðinu í dag, þar sem hann gagnrýndi harkalega aðkomu Evu Joly að rannsók bankahrunsins og sagði hana hafa gert sig fullkomlega vanhæfa til starfa að rannsókn eða saksókn mála vegna yfirlýsinga í fjölmiðlum.

Dómsmálaráðherra kveðst ekki geta tjáð sig um atriði er lúta að rannsókn einstakra mála hjá hinum sérstaka saksóknara eða um einstaka starfsmenn eða sérfræðinga við embætti hans. Hún bendir þó á að Eva Joly hafi tiltekið hlutverk sem lýtur einkum að alþjóðlegum hluta rannsóknarinnar skv. samstarfssamningi hennar við hinn sérstaka saksóknara, svo og samræmingu milli innlendra rannsóknaraðila.

„Það er síðan í höndum hins sérstaka saksóknara að stjórna framkvæmd rannsóknar og taka ákvörðun um saksókn í einstökum málum,“ segir dómsmálaráðherra ennfremur.

Sigurður Már Jónsson, aðstoðarritstjóri Viðskiptablaðsins, gagnrýndi í fyrri viku það sem hann kallaði sirkusinn í kringum Evu Joly og sagði ríkisstjórnina hafa haft beina aðkomu að rannsókn saksóknara með ráðningu hennar.

Ragna Árnadóttir segir að ríkisstjórnin hafi ekki haft beina aðkomu að ráðningu Joly, enda sé ríkisstjórninni eða einstökum ráðherra ekki heimilt að hafa afskipti af rannsókn mála hjá ákæruvaldi eða lögreglu. Hinn sérstaki saksóknara sjái sjálfur um ráðningu síns starfsfólks og hafi Ólafur Þór Hauksson ráðið Evu Joly til sín sem ráðgjafa við embætti sérstaks saksóknara þann 28. mars 2009.

„Þar með lauk hlutverki Evu Joly sem ráðgjafa ríkisstjórnarinnar,“ segir dómsmálaráðherra.

Fram kom í kvöldfréttum Stöðvar 2, að Eva Joly hefur einungis setið tvo fundi með embætti sérstaks saksóknara og mun væntanlega lítið nýtast við beina rannsókn og saksókn á bankahruninu.

Þar tóku fleiri lögfræðingar tóku undir orð Brynjars Níelssonar, svo sem Sigurður Líndal og Björg Thorarensen, um að yfirlýsingar sem þessar, séu óheppilegar á meðan mál eru í rannsókn.

Sigurður Líndal, lagaprófessor, sagði meðal annars að ekki væri útilokað að málið eyðileggist vegna yfirlýsinga hennar.

Samkvæmt heimildum fréttastofu Stöðvar 2 úr embættismannakerfinu hefur Eva Joly einungis setið tvo fundi með embætti sérstaks saksóknara en samningur hennar tók formlega gildi 1. apríl. Þá er hún ekki komin með nein málsgögn í hendurnar sem varðar rannsóknina eða einstök atriði hennar.

Heimildamaður fréttastofu sagði að hún myndi væntanlega lítið nýtast við rannsóknina sem slíka. Ráðningasamningur hennar lýtur einungis að almennri ráðgjöf, fyrst og fremst aðstoð við gerð réttarbeiðna og samskipti við erlenda aðila. Hún hefur ekki, og mun væntanlega ekki koma beint að rannsókn einstakra mála. Sami heimildamaður segir að yfirlýsingar Evu Joly geri það að verkum að hún muni ekki getað starfað að rannsókninni með beinum hætti.

Þegar ráðning Evu Joly var kynnt kom fram að kostnaður við störf hennar og fylgdarsveina gæti numið allt að 70 milljónum króna á ársgrundvelli, til samanburðar má nefna að heildarframlög til efnahagsbrotadeildar ríkislögreglustjóra nema um 120 milljónum. Samningurinn við Joly gerir ráð fyrir að hún starfi við rannsóknina fjóra daga í mánuði. Eva Joly mun vera væntanleg til landsins á næstu dögum til þess að kynna sér stöðu mála.

Krónan (ásamt Íslandi) í frjálsu falli.

Er einangrunarstefna framtíðin? Það veltur á ýmsu. Það fer jú eftir því hvort fólk hugsar til framtíðar yfirhöfuð eður ei. Sívaxandi gjaldeyrishöft og himinháir vextir eru til þess að þúsundir manna sjá ekki til lands í fjárhagslegri afkomu sinni, persónulega og/eða gagnvart fyrirtækjum sínum.

Hvorugir stjórnarflokkana gefa skýra stefnu um það hvar séu möguleikarnir í atvinnumálum Íslendinga. Af hverju? Jú, í því samhengi er nefnilega nauðsynlegt að gefa upp skýra stefnu um ESB aðildaviðræður. Það þarf líka, í því samhengi að taka skýra afstöðu til krónunnar sem gjaldmiðils. Við sitjum uppi með hana enn um sinn en hver er áætlunin? 

Samfylkingin hefur jú talað á þann veg að aðildaviðræður að ESB sé besti kosturinn en VG vilja það ekki. Hvernig ætla þessi flokkar að starfa áfram í ríkisstjórn ef að við fáum ekki svar við þessari spurningu. Hverju ætlar Samfylking og/eða Vinsti græn að fórna í komandi ríkisstjórnarsamstarfi(væntanlegu) í þessu sambandi?

Ef flokkarnir geta ekki gefið svar við spurningunni um aðildaviðræður að ESB  mun harla fátt gerast í þessu þjóðfélagi okkar. Viljum við einangrast hér norður í ballarhafi, eða viljum við vera þjóð á meðal þjóða?

Sjálfstæðisflokkurinn og Vinstri græn eru andsnúin ESB aðild, þó svo að Katrín Jakobs. ætti erfitt með að stynja því upp úr sér á borgarafundinum í gærkvöldi í Reykjavík norður.

Það má endalaust tala um fiskinn í sjónum en hvert er vægi þess þáttar ef að við munum ekki geta haft eðlileg viðskiptasamskipti við umheiminn næstu ár og áratugi? Já ég bara spyr.

Rúmlega 27% kjósa Sjálfstæðisflokkinn! Er eitthvað að .......?

Hvað er að íslenskri þjóð? Samkvæmt nýrri skoðanakönnun fengi Sjálfstæðisflokkurinn rúmlega 27% atkvæða. Gullfiskaminnið greinilega í algleymingi hjá íslenskri þjóð.

Bjarni Ben. segist ekki ætla að skila 5 milljóna styrk frá Landsbankanum, hann væri innan hóflegra marka. Eru 5 milljónir hærri upphæð þegar að Samfylkingin á í hlut? Þetta kallast að snúa sannleikanum á hvolf.

En verði ykkur að góðu, næstum þriðjungu þjóðarinnar vill Sjallana aftur, íslensk þjóð á greinilega ekkert betra skilið en það sem að hún hefur kallað yfir sig.

Erlendar þjóðir munu sjálfsagt álykta sem svo að það sé eitthvað að í erfðamengi þessarar þjóðar.

Katrín tekur að sér stundakennslu. "Samstarf ráðuneytisins við Háskóla Íslands er orðið svo gullið" ......?

Finnst ykkur þetta í lagi? Menntmálaráðherra ætlar að taka að sér stundakennslu við H.Í í sumar. Er það bara ég, en mér finnst þetta ekki við hæfi. Það er líka alveg örugglega fullt af hæfu fólki til að taka þetta að sér, fólki sem að vantar vinnu og pening. Ég hélt að Katrín hefði nú þegar hvorttveggja.

Innlent - þriðjudagur, 14. apríl, 2009 - 15:03

Ríkisstjórnin bætir 600 milljónum í LÍN vegna sumarnáms

Ríkisstjórnin ákvað á fundi sínum í dag að auka eigið fé Lánasjóðs íslenskra námsmanna um 600 milljónir króna til þess að koma á móts við þá námsmenn sem sáu annars fram á atvinnuleysi.

Katrín Jakobsdóttir menntamálaráðherra segir í samtali við Vísi.is að það muni liggja fyrir í vikulok hvernig Háskóli Íslands muni bregðast við kröfum nemenda um sumarnám vegna erfiðleika sem eru á atvinnumarkaði. Hún segir þó ljóst að um verði að ræða blöndu af námskeiðum í sumar og svo prófum, en verið sé að vinna í þessu í ráðuneytinu og HÍ.

Katrín segir að hún ætli sjálf að kenna við Háskóla unga fólksins í sumar, “samstarf ráðuneytisins við Háskóla Íslands sé orðið svo gullið.” Hún bendir þó á að ráðuneytið eigi einnig í góðu samstarfi við aðra háskóla á landinu um það hvernig koma megi til móts við nemendur þeirra í sumar.

60 ár aftur í tímann - stöðnun, deyfð - lökust lífskjör í Evrópu.

Ég held að allir hefðu gott að lesa það sem Margeir Pétursson hefur fram að færa. Við skulum samt vona að orð hans rætist ekki, en hvað veit maður? Í þessu ástandi heldur Sjáfstæðisflokkurinn Alþingi í málþófsgíslingu..........

14.4.2009

Krónan áfram í frjálsu falli: Gengur spádómur Margeirs eftir um flóðgáttina?

Íslenska krónan virðist enn í frjálsu falli eftir páska, rétt eins og hún virtist vera síðustu dagana fyrir hátíðirnar. Velta margir fyrir sér hvort svartur spádómur Margeirs Péturssonar, stjórnarformanns MP Banka, sé nú að ganga eftir.

Gengisvísitalan stóð í  220 stigum við opnun markaða en stendur nú í 224. Lækkun krónunnar var komin yfir 2% í hádeginu í dag. Gengi krónunnar hefur nú lækkað umtalsvert frá því í marsbyrjun eða um 15-20% gagnvart helstu gjaldmiðlum, samkvæmt upplýsingum frá Greiningu Íslandsbanka. Þar kemur jafnframt fram, að gengi krónunnar hefur nú ekki verið lægra á þessu ári. Evran kostar nú tæplega 171 krónu og dollarinn tæplega 129 krónur. Pundið er á 192 krónur.

Á Alþingi í dag gagnrýndi Bjarni Benediktsson, formaður Sjálfstæðisflokksins, harðlega að Seðlabankinn beitti sér ekkert á gjaldeyrismarkaði til að verja gengi krónunnar. Steingrímur J. Sigfússon fjármálaráðherra brást hart til varnar og sagði ekki verjandi að nota dýrmætan gjaldeyrisvaraforða þjóðarinnar í slíka tilraunastarfsemi.

Fram kom í yfirlýsingu peningastefnunefndar Seðlabankans vegna vaxtaákvörðunarinnar í síðustu viku að nefndin teldi að lækkun krónunnar undanfarið megi rekja til tímabundina þátta, t.d. tiltölulega mikilla árstíðarbundinna vaxtagreiðslna af krónuskuldabréfum og innistæðum í eigu erlendra aðila. Nefndin telur ólíklegt að ákvörðun hennar um að lækka stýrivexti bankans um eina prósentu 19. mars síðastliðin hafi haft veruleg áhrif á krónuna. Nefndin telur að í ljósi langtímagrunnþátta sé líklegt að krónan nái sér á strik á ný.

Í þessu sambandi er rétt að rifja upp, að Margeir Pétursson, stjórnarformaður MB Banka, sagði í viðtali í Markaðnum með Birni Inga á Stöð 2, fimmtudagskvöldið 2. apríl sl. að stjórnvöld héldu hér uppi fölsku gengi með gjaldeyrishöftum.

„Ég bara segi: Ef það eru gjaldeyrishöft þá getum við ekki átt frjáls viðskipti. Það er þess vegna algjört skilyrði þess að íslenska þjóðin nái vopnum sínum aftur, að hún geti aftur farið að stunda það sem gekk vel að mörgu leyti og það er að eiga frjáls viðskipti,“ sagði Margeir.

Hann benti jafnframt á að Ísland væri ekki í alfaraleið og það væri alls ekki sjálfsagt að útlendir fjárfestar vildu eiga hér viðskipti eða fjárfesta í íslenskum atvinnurekstri. „Ef við búum hér áfram við gjaldeyrishöft, falskt gengi og ofurháa vexti, þá mun ríkja hér algjör stöðnun og deyfð og við verðum aftur með ein lökustu lífskjör í Evrópu, eins og var hér fyrir sextíu árum eða svo.“

Margeir nauðsynlegt að hefja nú þegar viðræður við Evrópusambandið, enda þótt ekkert val stæði um annað en búa við krónuna nú um stundir. „Við erum í mjög miklum erfiðleikum og verðum að leita aðstoðar þar sem hjálpar er að vænta. Ég held að það sé nokkuð fullreynt með krónuna og líst betur á það, ef hægt er að tengjast evrunni. En þá þarf að hafa alveg á hreinu, að við verðum að gera það á mjög lágu gengi. Krónan er enn allt of hátt skráð og við sjáum það auðvitað á tvöfalda genginu. Við höfum ekki tekið út öll höggin og verðum að gera það,“ sagði Margeir.

Aðspurður um þau heimili og fyrirtæki í landinu sem hefðu tekið lán í erlendri mynt og  horft upp á þau stórhækka á undanförnum mánuðum, sagðist Margeir hvetja til þess að þeir sem hefðu tekjur í íslenskum krónum færðu lán sín einnig í sömu mynt. „Þau ættu nú að sæta lagi og fá sínum skuldum skipt yfir í íslenskar krónur áður en þessi flóðgátt opnast,“ sagði Margeir Pétursson þann 2. apríl sl.

Gengi krónunnar hefur síðan Margeir viðhafði þessi orð fallið umtalsvert, eða um 15-20%. Pressan hefur heimildir fyrir því að töluvert hafi verið spurt í bönkum og fjármálastofnunum dagana eftir viðtalið um möguleika á því að skipta erlendum lánum yfir í íslenskar krónur. Vart þarf að taka fram, að slíkar aðgerðir gætu orðið þungt högg fyrir mörg heimili þar sem yfirfærslugengið nú er allt annað og mun óhagstæðara en þegar lánin voru tekin á árabilinu 2005-2008.

"Við höfum ekkert að fela"! Ja hérna alltaf heyrir maður eitthvað nýtt.

Það virðist gleymast að Sjálfstæðisflokkurinn var í ríkisstjórn með Samfylkingu í 4 mánuði eftir hrun. Hvað var gert? Ekkert. Hryðjuverkalög voru sett á landið og Geir var ekki mikið að leggja það á sig að rétta við orðstýr landsins út á við. "Maybe i should have"setningin er orðin frægari að endemum, en margar aðrar misviturlegar setningar sem að hafa dottið úr munni manna, eftir hrun.

Sjálfstæðisflokkurinn verður æ meiri taugahrúga eftir því sem að hækkar í spillingarhólnum hjá þeim. Það virðist gleymast að þeir hafa kallað þetta yfir sig sjálfir. 
 Framgangurinn í REI-málinu var ekki Sjálfstæðisflokknum mikið til framdráttar.

 Sigurður Kári Kristjánsson og Birgir Ármannsson aðalmálþófsmennirnir á Alþingi þessa dagana, mega ekki til þess hugsa að valdið, t.d.þjóðaratkvæðagreiðsla verði fært til þjóðarinnar.

Þorgerður Katrín er, líkt og meiri hluta Sjálfstæðismanna orðin ein taugahrúga, vegna þess að þjóðin er loksins búin að segja: Nú er nóg komið, ekki meiri frjálshyggju, þið fenguð 18 ár og landið er rústir einar.

Aldrei heyrt alvarlegri ásakanir

Það er þetta með strútinn......

Skyldi síminnkandi fylgi Flokksins liggja í alveg ótrúlegri afneitun á ástandinu innan hans? Mjög líklega ef að marka má orð Einars K. Guðfinnssonar..........

„Augljós mistök“

Vantar ekki pínu meiri endurnýjun hjá Flokknum?

Það er kannski að bera í bakkafullan lækinn að fjalla hér um styrkjamálið en bíðið við. Bjarni Ben. telur málinu lokið, punktur basta! Sem sagt við eigum að trúa sögunni um tvo góðvini Guðlaugs Þórs sem að söfnuðu "smá" pening fyrir flokkinn og löbbuðu síðan með peninginn upp í Valhöll og afhentu Geir peninginn, eða þannig.

Hvers vegna var t.d. Þorgerði Katrínu varaformanni flokksins og mörgum öðrum flokksmönnum ekki sagt frá því að fjárhag flokksins væri borgið í bili? Hún segist allavega ekkert hafa vitað um styrkina.

Við, "fólkið í landinu" eigum sem sagt að trúa svona endemis vitleysu. Fyrst er Guðlaugur margsaga um málið, Bjarni Ben. telur Kjartan hafa vitað um styrkina, en Kjartan segist bara ekkert hafa vitað um þá?! Ja hérna.

Fyrst var það landsfundarskúbbið þar sem að fyrrverandi formaður Flokksins tætir í sig starf endurreisnarnefndar Flokksins og landsfundarmenn klappa mikið. Fatta síðan eftir á fyrir hverju þeir voru að klappa.

Síðan málþófið á Alþingi og loks styrkjamálið. Maður hefði haldið að ný forysta vildi sýna úr hverju hún væri gerð og væri mikið í mun að sýna að til starfa væri komin ný forysta með nýjar áherslur.

En nei, einhvernveginn finnst manni þetta bara vera sami gamli myglaði osturinn......

Kjartan stendur við fyrri orð

"Dýr myndi Hafliði allur ef svo skyldi hver limur"

Það er sem sagt alveg ótrúlega fyndið að vera með handónýtan gjaldmiðil, sem að sendir okkur 50-60 ár aftur í tímann, nú með stórauknum gjaldeyrishöftum. Tillögur til bjargar heimilunum sem að kynntar voru í dag, voru nú ekki með mikið kjöt á beinunum. Jóhanna vill evru en Steingrímur J. ekki. Og þetta ætlar fólk að kjósa yfir sig.

Grátt leikin eða ónýt, það er efinn

Niðurstaða landsfundar: Davíð vinnur Googlekeppnina og Alzheimer óskast.......

Nú þykir aðalmálið að vera með sem flestar færslur á Google, þvílíkur barnaskapur. Stöð 2 lepur upp ræðu Davíðs eins og um tímamótaviðburð sé að ræða (þ.e. að hann sé með eilífan skæting og dónaskap).

Hvor hefur betur á Google:  Davíð eða Svein Harald Öygard? Yes that's the question! Óli Tynes alveg yfir sig hrifinn á visir.is í dag, að Davíð hafði miklu fleiri Googlefærslur en Svein Harald.

Við viljum fjölga ferðamönnum hingað til lands. Það er eitthvað sem að segir mér að Norðmenn verði ekki fjölmennir í ár, eftir umfjöllun þeirra (Norðmanna) um ummæli Davíðs um Svein Harald.

Hvað skyldi eiginlega umheimurinn halda um okkur (þ.e. mjög marga Íslendinga), að hafa hampað, dýrkað og dáð þennan mann?

En niðurstaða landsfundar Sjálfstæðisflokksins er sem sagt: "Davíð hefur fleiri Googlefærslur en Svein Harald og vonandi er Svein Harald með Alzheimer."