Hvar eru afinn og amman fyrir munaðarlausa þjóð?

Hverjir eru okkar nánustu aðstandendur? Það eru Jóhanna Sig. og Steingrímur J. Þau eru foreldrar Alþingis og þvi að einhverju leyti til, foreldrar okkar

Þetta segir Steingrímur J. í DV í dag. Hann og Jóhanna eru sem sagt foreldrar Alþingis. Hvað er Kristján Möller gamall ? 

Ja hérna hér, en hvað gerist þegar að Steingrímur og Jóhanna detta út af Alþingi, er þá Alþingi og þjóðin orðin munaðarlaus?

Furðulegar málefnalegar áherslur, þegar að þúsundir manna eiga ekki fyrir mat.? Hvað þarf til að fólk fari að mótmæla almennilega, eða er bara allt í lagi þegar að vinstri flokkarnir eru orðnir hluthafar í spillingunni.

Já Ögmundur, hvernig gengur með sykurskattinn? Þú getur greinilega ekki beðið eftir því að aukaskattleggja þjóðina, í stað þess að setja lög og reglur yfir tannlækna í þessu landi.

Drengskaparheit eða hitt þó heldur! - Atvinnuleysisbætur eiga að vera skattfrjálsar.

Í hverju ætli þetta blessað drengskaparheit felist? Hvað ætli standi efst, að vera hollir þjóð sinni, flokknum sínum og/eða sannfæringu sinni?

Svona í leiðinni, nú er búið að slá hugmyndinni um Stjórnlagaþing út af borðinu. Nú á það bara að vera ráðgefandi.........

Síðan tillaga til Jóhönnu Sig. Hvernig væri að láta atvinnuleysisbætur, um 150 000 kr. á mánuði vera skattfrjálsar? Ég vil engin svör á þann veg að þjóðfélagið hafi ekki efni á því.

Úr því að það var hægt að fjölga ráðuneytum, fara á ríkisstjórnarfund til Akureyrar fyrir hálfa milljón og einnig að greiða 54 milljónir á mánuði í biðlaunagreiðslur til ráðherra, þá er hægur vandinn að hafa atvinnuleysisbætur skattfrjálsar.

Það mætti kannski fækka sendiráðunum um 2 eða 3 og hætta fjárans bruðlinu.

Aldrei fyrr hafa jafnmargir nýliðar sest á þing og í dag

Biðlaunagreiðslur til fyrrverandi (og núverandi?) ráðherra. Hneyksli.

Mér finnst þetta skrítin fréttamennska. Af þessari frétt mætti skilja að tólf ráðherrar í núverandi ríkisstjórn séu einnig á biðlaunum sem fyrrverandi ráðherrar í fyrrverandi ríkisstjórn. Ég skil ekki alveg þessa fréttamennsku. Er þá Jóhanna Sig. sem sagt á biðlaunum sem fyrrverandi ráðherra og síðan á forsætisráðherralaunum?

Það er talað um biðlaunagreiðslur til fyrrverandi (og núverandi?) ráðherra upp á 54 milljónir á mánuði. Ef að þeir eru aðeins 10 sem að eru á biðlaunarétti, fær hver um sig 5.4 milljónir á mánuði. Ef að þeir eru mun fleiri, horfir dæmið að sjálfsögðu svolítið öðruvísi við.

 Það kemur fram í fréttinni að laun ráðherra slagi nú hátt í milljón á mánuði, en undanfarna daga hefur verið talað um 850 000 kr. á mánuði. Laun forsætisráðherra eru núna komin í tæpa 1.1 milljón á mánuði en voru 935 000 kr. fyrir nokkrum dögum síðan.

Ásta Ragnheiður Jóhannesdóttir er nú á biðlaunum sem ráðherra og einnig þingmaður og forseti Alþingis.

Síðan erum við einnig að borga fyrrverandi ráðherrum Sjálfstæðisflokks og Samfylkingar í þarsíðustu ríkisstjórn væna summu.

Af hverju er þessu ekki mótmælt á Austurvelli nú? Almúginn á sem sagt að taka á sig byrðarnar á meðan þingmenn og ráðherrar velta sér í milljónum króna, per mann á mánuði. Hvar eru mótmælendur nú?

22 á ráðherralaunum

Til hamingju FH-ingar. Ánægð fótboltamæðgin í Hafnarfirðinum.

Til hamingju FH- ingar með góðan leik og góðan sigur. Vondandi haldið þið svona áfram í sumar.

Svo er Manchester United komið með aðra höndina á Englandsmeistaratitilinn.

Vonandi gengur Man. Un. svo vel á móti Barcelona í úrstitaleik Meistaradeildar Evrópu, það væri nú til að toppa þetta.

Góð endurkoma FH-inga

Þreyttar og vannærðar eiginkonur í Óman.

Núna er partý í Óman. Rosa fjör og rosa gaman, eða þannig. Núverandi og fyrrverandi eiginkonur útrásarvíkinganna svokölluðu, eru greinilega komnar í mikla þörf fyrir hvíld og hressingu. 150 þúsunda króna næturgisting á flottu hóteli í Óman, plús matur, vín og annað dekur per mann, með viðeigandi viðbótarkostnaði í 5 sólarhringa. Mikið hljóta þær að hafa verið orðnar þreyttar og vannærðar.

Hvaðan koma þessir peningar? Það skyldi þó ekki vera að þetta séu peningarnir okkar sem að íslensk stjórnvöld hafa ekki fundið neina ástæðu til rukka inn í landið? Þessir menn ganga lausir og Jón Ásgeir meira að segja enn í stjórnunarstöðu í banka!

Evu Joly var vísað á dyr á meðan upp kemst um enn eitt hneykslismálið, nú hjá skilanefndum bankanna. Ég verð bara að segja að maður beið bara eftir þessu. Það var ekki spurning um  hvort, heldur hvenær.

Jóhönnu Sig. finnst engin ástæða til að gera neitt í þessu. Þetta er greinilega allt í þessu fína lagi. Fjölgar ráðuneytum og fyrsti ríkisstjórnarfundurinn norður á Akureyri kostaði hálfa milljón takk!  Var ekki einhverntímann verið að tala um sparnað?

Á meðan þjóðinni blæðir, setjast Jóhanna, Hrannar og ráðuneytisstjórinn yfir kertaljósi síðla dags og ræða í rólegheitum um árangur dagsins. Það er verst hvað er farið að birta mikið, kertaljósið virkar kannski ekki alveg á næstunni.

Hér að neðan má sjá lýsingar úr skemmtiferðinni. Smellið á letur þar til læsilegt letur fæst.

 

Ráðuneytin voru 10, urðu 12, verða 9? Voru einhverntímann 14. Er einhver að botna þetta?

Tilvísun í samhangandi frétt- niðurlag. Hvurs lags fréttamennska er þetta eiginlega? Voru ekki ráðuneytin 10 hér á Íslandi í fyrradag. Hvurs lags endemis vitleysa er þetta eiginlega.?!!: 

".......samanburði við önnur lönd eru ráðuneyti á Íslandi fremur fá. Lengst af voru ráðuneyti formlega 14 talsins og Hagstofan talin sérstakt ráðuneyti. Síðar fækkaði þeim í 12 og nú er stefnt að fækkun þeirra í níu."

Er einhver að botna vitleysuna í þessari fréttamennsku?

Boða róttæka uppstokkun ráðuneyta

Er 12 stóla stjórn Jóhönnu hæf til verka?

Barrack Obama og ríkisstjórn hans eru ákveðin í því að láta ekki stórfyrirtækin kæfa smáfyrirtækin. Samkeppnislög landsins verða efld til muna, að sögn fréttar í dag á http://www.pressan.is.

Þetta er akkúrat það sem að þarf til þess að koma atvinnlífinu aftur í gang. Hvers vegna er þetta ekki gert hér? Hvernig væri nú að 12 stóla stjórnin gerði eitthvað viðlíka hér á Fróni?

Ríkisstjórn George W Bush breytti á sínum tíma samkeppnislögum á þann veg að markaðsráðandi fyrirtæki gátu nánast óáreitt bolað smærri fyrirtækjum útaf markaðnum.

Mörg smærri Bandarísk fyrirtæki hafa þurft að flýja til Evrópu og Asíu vegna óhagstæðs viðskiptaumhverfis sem að sett var á, í tíð George W. Bush. Þessu er Barrack Obama og ríkisstjórn hans búin að breyta

Barrack Obama er maður sem að kann að vinna verkin. Hefur 12 stóla stjórn Jóhönnu hæfni til að gera slíkt hið sama?

Má ég fá Panodil, ég er með tannpínu?

Núna í mörg ár hafa tannlæknar getað haldið úti frjálsri verðskrá og getað haft þar frítt spil.  Þeir skera sig algerlega úr að þessu leyti til, borið saman við aðra læknisþjónustu og þurfa sem sagt ekkert að fara eftir neinum verðskrám. 

Samningur þeirra við Tryggingarstofnun ríkisins hefur verið opinn í mörg ár og tannlæknar ekki viljað fallast á nýjan samning. Eru tennur ekki hluti af likamanum?

 Hvar í veröldinni yrði þetta liðið nema hjá bananalýðveldum?  Jú nota bene, við erum víst á hraðri þróun til bananalýðveldis en þangað til að við lendum þar endanlega, væri þá ekki þjóðráð fyrir Jóhönnu Sig. að beina augum sínum aðeins að þessu?

Það er jú ekki gott og/eða hollt að þurfa að dæla Panodil í barnið sitt kvöld eftir kvöld, enda af hverju eiga saklaus börn að þurfa að líða fyrir skilningsleysi yfirvalda og peningagræðgi tannlækna?

Sofna ekki án verkjalyfja

Væri Obama ekki bara lausnin?

Það væri kannski þjóðráð að biðja Barack Obama að koma í "sumarfrí" til Íslands og nota þá 27 daga sem að hann ætti eftir af 100 dögunum, til þess að taka eitthvað til hér á þessu skeri?

Honum yrði ábyggilega ekki skotaskuld úr því, enda klár maður. Það er bara verst, hann yrði að fá leyfi til að uppræta spillingu í leiðinni. Ætli það yrði leyft?

Gæti klárað næstu 100 daga á 72 dögum

Ógleði, ælur og meiri uppköst.

Jóhanna ætlar að hafa utanflokksmennina Gylfa Magnússon og Rögnu Árnadóttur með í þeirri ríkisstjórn,sem að nú er búið að mynda. Þar sem að ráðherraræði er mjög mikið á Íslandi skiptir þetta mjög miklu máli.

Ég hefði því viljað vita þetta, áður en ég gekk til kosninga. Það skiptir í raun engu máli hverjir sitja á þingi, heldur þeir sem að sitja á ráðherrastólum. Hvernig hefur Gylfi Magnúson talað við íslenska þjóð síðustu vikurnar?

Framkvæmdarvaldið tekur löggjafarvaldið yfir í flestum málefnum, sem að koma til afgreiðslu þingsins. Þingmannafrumvörpum er hiklaust hent út af borðinu, ef að álíka ráðherrafrumvarp er innan seilingar. Þetta er nú allt lýðræðið.

 Í þessum skrifuðum orðum er Jóhanna Vigdís á Ríkissjónvarpinu að lesa upp útdrátt úr stjórnarsáttmála verðandi ríkisstjórnarinnar. Jóhanna Sig. og Steingrímur eru nú að ganga í salinn............ mér verður óglatt.

 Talað er nú um þjóðarsamstöðu og stöðugleika, þetta á að taka nokkur ár. Fyrst einhver 100 daga áætlun.... er þetta fólk ekki í sambandi? Höfðu þau ekki tækifæri í 80 daga til að gera eitthvað af viti? Enn og aftur plástur á blæðandi magasár.

Steingrímur segir nú, að nú sé í fyrsta skipti orðin til fyrsta hreina Vinstri græna rikisstjórnin, hva er Samfylkingin ekki með?

Og núna segir Steingrímur að ESB skipti engu máli, en Jóhanna segir allt annað. Viðræður í síðasta lagi í júli. Fjölgun á ráðuneytum, en svo á að fækka þeim á næstunni. Var einhver að tala um valdafíkn?

p.s. Ásta Ragnheiður fékk sína sporslu........forseti Alþingis. Nú kasta ég upp.

Óbreytt stjórnskipan