Hvar er Hörður Torfa og búsáhaldabyltingin núna!?

Það var eins og ég sagði í gær, það var verið að hafa fólk að fíflum laugardaginn s.l. Valdhrokinn sem að skín út úr þessu fólki er með endemum. Ef að þeir/þau ætla að halda áfram að láta svona er Jóhanna og co. endanlega búin að spila rassinn úr buxunum. Búsáhaldabylting, er ekki kominn tími á aðra slíka, eða er nóg að koma hér á vinstri stjórn sem að lætur svo svona.............? Ja hérna maður á hreinlega ekki til orð! Vinstri flokkar fá aldrei framar mitt atkvæði. Hvað skyldi hún verða kölluð ef að hún kemst þá á koppinn: "Þolinmæðisstjórnin"?

Ekkert liggur á stjórnarsáttmála

Steingrímur J. og elítan.

VG eru enn og aftur við sama heygarðshornið, halda áfram að vera á móti öllu. Það væri fínt ef að VG færi að átta sig á því að þeir eru komnir í meirahlutastjórn og verða að fara að haga sér aðeins öðruvísi en að þeir hafa hingað til gert.

Þegar að Steingrímur J. kemur fram í sjónvarpsþætti á RÚV í fyrraköld og sagði að það væri bara elítan í þessu landi sem að vildi ESB, varð nú Jóhönnu illa brugðið og sagði að þetta væri alrangt. Sem það er. Síðan kemur Atli Gíslas. og setur allt í uppnám. Hvernig ætla þessir flokkar eiginlega að starfa saman? Ekki veit ég til að ég tilheyri þessari elítu en er fylgjandi ESB.

Enn ósætti um ESB-málið

Hvurs er valið yfirhöfuð? Við erum engin "herraþjóð" lengur.

Að sjálfsögðu á að setja ESB málin í forgang. Vextir munu hér stórlækka í kjölfarið og viðskiptaumhverfi okkar gerbreytast til betri vegar.

Einhvernveginn finnst mér sumir tala hér um, að við höfum eitthvert val í þessu. Nei, við höfum það ekki. Eða, vill einhver benda mér á aðra lausn? Við erum með handónýtan gjaldmiðil, mikla verðbólgu, himinháa stýrivexti og gjaldeyrishöft sem að verka þannig að viðskipti milli Íslands og annarra landa, þurfa að ganga í gegn með staðgreiðslu, þar sem að Íslandi er hvergi treyst lengur á alþjóðavettvangi í viðskiptum. Stóraukið atvinnuleysi og fjöldi fyrirtækja fara á hausinn á degi hverjum. 75% fyrirtækja í þessu landi eru tæknilega gjaldþrota.

En einhvernveginn hef ég það á tilfinningunni að hik, hikst og hjakk muni einkenna umræðuna um þetta mál og látið daga uppi, án þess þó að flokkarnir þurfi að skammast sín. Einhverskonar nefndarvesen um umræður um aðildarviðræður. Nú hef ég orðið fyrir virkilegum vonbrigðum Jóhanna. Guð hjálpi íslenskri þjóð.(vísvitandi segi ég ekki Guð blessi Ísland, það gæti misskilist).

Evrópumálið sett í forgang

Stjórnarkreppa?

Það er hægt að orða hlutina margvíslega. Myndi þetta ekki, án málalenginga, kallast stjórnarkreppa? Vonandi er ég ekki sannspá.

Ekki víst að langt sé í land

Skiptir tíminn sem sagt engu máli?

Höfum við kjósendur ekki rétt á því að fá að vita mjög fljótlega hvort að hefja eigi aðildaviðræður að ESB? Jóhanna segir að ESB málið hafi forgang fram yfir allt annað. Hvenær á því að snúa sér að þeim málum sem að koma á eftir ESB?

Engin tímamörk á viðræðum

Datt manni ekki í hug?! Kosningarnar voru skrípaleikur.

 Hver er alvaran, var verið að hafa kjósendur ESB aðildar að fíflum? Það virðist vera svo, miðað við yfirlýsingar Atla Gíslasonar þingmanns VG og Róberts Marshalls þingmanns Samfylkingar. Eru þeir að tala í nafni sinna flokka? Fyrir kosningar fullyrtu formenn Samfylkingar og VG að lending myndi nást milli flokkana um ESB aðild. Þeir ættu að takast aðeins fastar í hendur, Össur og Steingrímur J.!

Mér finnst skrítið að lítið skuli hafa verið talað um það, að þessi tveir þingflokkar, Samfylking og VG, ná ekki 50% greiddra atkvæða. Ég er búin að hlusta á alla fréttatíma og fréttaskýringaþætti og þetta kemur hvergi fram. Er einhver þöggun í gangi hjá ljósvakamiðlunum? Ég er Samfylkingarkona og er ekki sátt, rétt skal vera rétt.

Ástþór Magnússon nefndi það í fréttaskýringaþætti hjá RÚV í gær, að Sigmar Guðmundsson hefði meinað honum um aðild að Kastljóssþætti fyrir kosningar. Ef rétt er, er þetta alvarlegt mál. Hvort sem að hann heitir Ástþór eða eitthvað annað, var hann kominn með tilskilinn rétt til framboðs og fréttastofa RÚV átti að haga sér í samræmi við það.

Atli Gísla: Samfylking ætti að leita annað

Atli Gíslason, þingmaður VG, hefur sínar persónulegu skoðanir á ESB-þunga Samfylkingarinnar.

Mánudagur 27. apríl 2009 kl 09:21

Höfundur: Ritstjórn DV ([e-mail])

Atli Gíslason, þingmaður Vinstri grænna í Suðurkjördæmi, segir að sín persónulega skoðun sé sú að miðað við áherslu Samfylkingarinnar á ESB-umsókn ætti flokkurinn frekar að kanna möguleika á stjórnarsamstarfi við aðra en VG.

Þetta kemur fram í viðtali við Atla í Morgunblaðinu í dag.

„Miðað við þá þungu áherslu sem hún lagði á þetta í [fyrri-]nótt... þá ætti hún frekar að leita eftir samstarfi við Framsóknarflokkinn og Borgarahreyfinguna, það er mín persónulega skoðun,“ er haft eftir Atla.

Atli ítrekar andstöðu sína við aðild Íslands að ESB og vill ekki að Ísland sæki um nema að undangenginni þjóðaratkvæðagreiðslu um aðildarumsókn.

Á sama vettvangi segir Róbert Marshall, nýr þingmaður Samfylkingarinnar, að flokkurinn ætti frekar að setjast í stjórnarandstöðu en að gefa eftir í ESB-málunum.

Sjarminn er farinn.

Mig langar að rifja upp sögu úr fortíðinni. Ekki svo mikilli fortíð samt, ef að maður getur orðað það svo. En allavega fortíð fyrir tíma ADSL háhraðatengingar internetsins, sem að veita manni upplýsingar, einn, tveir og þrír. Á kosningakvöldum sátum við, ég, pabbi minn og þá ungur sonur minn, sveitt við það að skrifa niður í kosningablaðið, nýjustu tölur.

Oft þurfti að bíða fram yfir miðnætti til þess að bíða eftir ábyggilegum tölum. Iðulega var maður reiður, pirraður og svekktur vegna þess hve tölur bárust seint. Til þess að stytta tímann, var hámað í sig flögur, súkkulaði, brjóstsykur og fleiru misheilsusamlegu. Yfirleitt komu engar tölur fyrr en eftir miðnætti, sumir búnir að gefast upp og farnir að sofa, en aðrir enn við skjáinn á barmi taugaáfalls af spenningi.

Í minningunni er sjarmi yfir þessu, sjarmi sem er búið að taka frá okkur

Borgar/bæjarstjórn, nefndarstörf og ráðherralaun!

Hluti af þeim alþingismönnum sem að verða kosnir til Alþingis í dag (samkvæmt skoðanakönnunum), eru borgarstjórnar- eða bæjarstjórnarfulltrúar. Ég spyr í þessu tilviki, finnst ykkur þetta í lagi, þ.e. að menn sitji beggja vegna borðsins?

 Rósa Guðbjartsdóttir hefur gert þetta undanfarin misseri. Ef að Svandís Svavarsdóttir nær inn, sem að hún gerir að öllum líkindum, er þetta manneskja sem að verður með um 3 000 000 á mánuði.

Þar er inniffalið, þingfararkaup 520 000, ráðherralaun um 800 000 þús. (sögur segja sterklega að hún sé búin að stimpla sig inn sem ráðherra), plús nokkrir hundruð þúsund kallar fyrir nefndarstörf, ásamt öllum fríðindunum, þarf ekki að borga blaðaáskfrift, símakostnað og áskrift að Ríkissjónvarpinu.

Já, ekki má svo gleyna laununum fyrir borgarstjórnarsetu, hálf milljón þar eða svo. Þetta fólk ætlar að vinna af hugsjón einni saman við það að bjarga Íslandi!

Hvar er Eva Joly, átti hún ekki að koma til að fletta ofan af subbuskapnum. Nei ríkisstjórnin er búin að losa sig við hana, til þess var hún of heiðarleg!

Kjörfundur hafinn

Styrkjaleyndarmál og kynjakvóti hjá "verðandi ráðherrum"?

Eiga Árni Páll og Össur skilið ráðherrastóla á sama tíma, og þeir neita að veita upplýsingar um sín styrkjamál?  Ég er Samfylkingakona og er ekki sátt! Ennfremur: 3 konur, 7 karlmenn, hvar er jafnréttið hjá e.t.v. verðandi ríkisstjórn?

Ráðherrar næstu stjórnar (samkvæmt eyjan.is)

Orðið á götunni er að ekki sé ósennilegt að ný ríkisstjórn Samfylkingarinnar og Vinstri grænna verði þannig skipuð:

Jóhanna Sigurðardóttir forsætisráðherra
Steingrímur J. Sigfússon fjármálaráðherra og landbúnaðarráðherra
Össur Skarphéðinsson utanríkisráðherra og iðnaðarráðherra
Katrín Jakobsdóttir menntamálaráðherra
Árni Páll Árnason viðskiptaráðherra
Ögmundur Jónasson heilbrigðisráðherra
Guðbjartur Hannesson sjávarútvegsráðherra
Svandís Svavarsdóttir umhverfisráðherra, félagsmála- og tryggingaráðherra
Kristján L. Möller samgönguráðherra
Atli Gíslason dómsmálaráðherra.

 

Já vs. nei um ESB, degi fyrir kosningar.

Um hvað í ósköpunum erum við eiginlega að kjósa? Fyrir mér birtist það þannig að það snúist um, að Íhaldið fái ærlega refsingu, sem er bara gott. Vegna þessa komast vinstri flokkarnir upp með það að vera með sitt hvora stefnuskrána um ESB málin, það er ekki gott og ekki heiðarlegt. En "það er allt betra en Íhaldið", og á það treysta þessir tveir flokkar á morgun, 25. apríl.

Ekkert samkomulag um ESB