Er þetta við hæfi? Hann er viðskiptaráðherra þjóðarinnar!!

Dæmisaga Gylfa af Tryggva, Þór og Herberti

Gylfi Magnússon svarar hugmyndum Tryggva Þórs Herbertssonar um 20% niðurfellingu skulda með dæmisögu í Mogganum í dag.

Föstudagur 20. mars 2009 kl 08:39

Höfundur: Ritstjórn DV ([e-mail])

• 

  Tryggvi, Þór eða Herbert?

„Gefum okkur að þrír ímyndaðir menn eigi í viðskiptum. Köllum þá t.d. Tryggva, Þór og Herbert,“ skrifar Gylfi Magnússon viðskiptaráðherra í grein sem birt er í Morgunblaðinu í dag. Þar virðist Gylfi dulbúa skot á Tryggva Þór Herbertsson sem ásamt fulltrúum Framsóknarflokksins hefur mælt fyrir hugmyndum um 20 prósenta flatri niðurfellingu skulda.

Viðskiptaráðherra setur upp litla dæmisögu um hvernig hugmyndir Tryggva Þórs og framsóknar muni útleggjast ef þrír einstaklingar ættu í hlut.

„Tryggvi og Þór skulda hvor um skig Herberti 10 milljónir. Tryggvi er vel stæður, með góðar tekjur og á ekki í neinum vandræðum með að standa í skilum. Þór er hins vegar afar illa stæður og fyrirséð að hann mun ekki geta greitt neitt af láni sínu,“ skrifar viðskiptaráðherra.

„Herbert veit þetta vel, enda keypti hann skuldabréf þeirra Tryggva og Þórs á hálfu nafnverði, vitandi að helmingur skuldarinnar væri tapaður.“

„Nú bregður svo við að fyrirskipun kemur frá stjórnvöldum um að afskrifa skuli 20% allra skulda. Því fagnar Tryggvi enda fær hann tvær milljónir gefnar frá Herberti, sem hann þó hafði enga þörf fyrir . Hann fer að velta því fyrir sér hvort hann ætti frekar að kaupa sér vélsleða eða mótorhjól. Þór lætur sér fátt um finnast enda er hann í jafnslæmum málum hvort sem hann skuldar átta eða 10 milljónir sem hann getur ekki greitt. Vandi hans er áfram óleystur. Nú hefur hins vegar bæst við vanda Herberts, sem hefur tapað tveimur milljónum. Hann klórar sér í hausnum yfir því, enda skilur hann ekki hvernig hann á að nota tapaða kröfu á Þór til að finna tvær milljónir til að gefa Tryggva.“

Róbert, Róbert minn, Róbert góði bangsi .............. halló!

Jæja Róbert minn hvað á nú þessi ferðaskrifstofa að heita? Jú Pure Health. Vantar víst eitthvert samþykki fyrir því en hvað er það á milli vina? Manni hreinlega ofbýður enn og aftur!

Þegar Róbert fékk ekki businessinn á Suðurnesjum í gegnum vildarvin sinn Guðlaug Þór, þá leitar hann að sjálfsögði annarra leiða til þess að auka, laga, bæta.... o.s.frv. sína "eiginfjárstöðu". Hvenær í ósköpunum verða þessir menn eiginlega stoppaðir af?

Að hans sögn (Róberts) er aðstaða til skurðlækninga ekki nóg góð hér á landi og með þessu ætli hann að bæta hana. Maður kemur nú ekki morgunmatnum niður lengur.

Gætu orðið til 300 störf

Gagnlegar upplýsingar finnst ykkur ekki?

  Merkilegt plagg úr Landsbankanum

Landsbanki ráðlagði fyrirtækjum svíkja undan skatti árið 1999

Ósóminn

Viljum við  virkilega framhald á þessum ósóma.......? Ég held að við ættum frekar að taka mark á þessum mönnum en sjálfskipuðum stjórnmálamönnum.

Íslands sjálftökumenn hafa leikið lausum hala

Ævintýri ei gerast

Ég var ein af þeim sem að var alveg feikilega bjartsýn í búsáhaldabyltingunni svokölluðu. Nú væru nýir tímar, fólk mótmælti og nú skildu verða breytingar á stjórnarháttum hér.

En hvað skal segja? Er eitthvað að gerast? Ekkert svo ég viti til, en samt var hamrað á því í byltingunni að auka þyrfti upplýsingastreymi til almennings. Hefur það eitthvað breyst?

Um hvað skal kosið í apríl næstkomandi? Mér sýnist á öllu að fólk vilji óbreytt ástand, eina breytingin er sú að Sjálfstæðisflokkurinn mun að öllum líkindum ekki verða við völd, en hvað veit maður?

Við erum villuráfandi þjóð í eyðimörkinni í leit að hálmstrái til að lifa af. Á meðan fara margir í spakmannsspjarir og eru með lausnirnar á takteinum sem að reynast ansi haldlausar þegar á reynir.

Sérstakur saksóknari og Eva Joly koma tímabundið eins og frelsarar fyrir þessa þjóð en hvar eru þau nú?

Maður spyr sig í forundran: Er fjórflokkakerfið virkilega framtíðin eftir allt sem á undan er gengið? Ja, ég bara spyr.

Í frægu dægurlagi hljómaði laglínan: Ævintýrin enn gerast. Nei því miður, ævintýrið er á enda.

Samfylking og VG með samtals 55,8% - 38 þingmenn

"Hjálpin" frá AGS!

Já þetta er öll hjálpin til bjargar heimilum og fyrirtækjum. Það að kosningar séu á næsta leyti með sama liðið við kjötkatlana er ekki sannfærandi. Hvernig var það Steingrímur J.,  varstu ekki með þá hugmynd að skila láninu frá AGS, eða ertu búinn að gleyma henni.....?

Stýrivextir lækkaðir í 17%

Skjaldborgin um Alþingi........?

Nú nýverið var samþykkt að alþingismenn og ráðherrar bæru ekki skylda til að upplýsa fólk um fjárhag og/eða fjárfestingar viðkomandi. Það sama á að gilda um maka viðkomandi. Þannig að hagsmunatengsl eiga ekki lengur að koma almenningi við.

Viðkomandi aðilar geta sem sagt verið stórir hluthafar í fyrirtækjum sem að eru jafnvel á leið í rannsókn eða gjaldþrot.

Hvað varð um frasana "allt upp á borði", gegnsæí, "velta við hverjum steini". Þetta er í raun einn stór skrípaleikur. Það stendur ekki til að velta við nokkrum sköpuðum hlut því að það er nokkuð ljóst að rannsókn að hætti Evu Joly, gæti komið illa við kauninn á ýmsum framámönnum hér.

Ég kann að virka hér stórorð en ég held að þetta sé nokkurn veginn sannleikanum samkvæmt.

Góður fréttamaður Ingimar Karl

Ég hef skrifað hér eina bloggfærslu um lánið frá Alþjóðagj.sjóðnum. Í fréttum Stöðvar 2 í kvöld var einmitt fjallað um hvílíkur baggi þetta lán er og mun verða. Mér finnst skrítið hversu lítið hefur verið fjallað um þetta mál yfirhöfuð.

Með því að þiggja lán frá AGS, sem er ekki enn farið að nota og kostar okkur 5 MILLJÓNIR Á DAG Í VEXTI, erum við ekki lengur sjálfstæð þjóð. Gjaldeyrishöftin eru dæmi um það ásamt gífurlega háu stýrivaxtastigi, enda eru vel flest fyrirtæki komin á hausinn eða á leiðinni þangað. Þögnin um ægivald AGS finnst mér undarleg, það er allt í húfi, heimilin og fyrirtækin.

Ég ætla ekki að fara að rita hér neitt um skjaldborgina fyrir fyrirtækin og heimilin, mér verður hreinlega óglatt í hvert sinn sem að ég þarf að hlusta á þessar innihaldslausu klisjur úr munni svokallaðra stjórnmála- og áhrifamanna.

Talandi um áhrifamenn, í Íslandi í dag í kvöld, var fjallað um ris og fall Baugsveldisins. Ætli áhrif Jóns Ásgeirs Jóhannessonar eiganda 365, séu eitthvað farin að dvína, eða skildi hann bara hafa leyft þessarri sögu Baugsveldisins að fara í loftið án þess að hann hreyfði hönd né fót?

Fréttamaðurinn Ingimar Karl, sem var áður í  Markaðnum, finnst mér frábær. Setur hlutina ávallt í rétt samhengi.

Eitt svona í lokin: Hvenær skildi hún Jóhanna ákveða sig með formanninn? Ef að þetta á að heita eitthvert pólitískt trix hjá henni, þá er það mislukkað.

Einelti og geðraskanir.

Mér dettur í hug einelti. Eineltisumræða sprettur upp öðru hvoru en dettur svo niður, svo skrítið sem að það nú er. Sonur minn lenti í alvarlegu einelti árum saman í grunnskóla. Vel gefinn, myndarlegur ungur drengur fékk ekki frið fyrir skólafélögunum og skólastjórnendur "kóuðu" með eins og það er kallað.

Það er erfitt fyrir foreldri að sjá barn sitt smátt og smátt breytast úr hláturmildu og kátu barni í kvíðið og hrætt barn. Sonur minn var mjög harður af sér en þegar að eineltið tók að versna umtalsvert síðustu ár hans í grunnskóla, brotnaði hann.

Hér er ég að gera langa sögu mjög stutta. Einelti heltekur ekki bara barnið heldur alla fjölskylduna og jafnvel framtíð barnsins þíns. Sonur minn er nú, sem betur fer, 8 árum seinna að ná aftur tökum á lífinu. Það er aðallega hans dugnaði og viljastyrk að þakka.

Hann var byrjaður í Fjölmennt við Túngötu sem að var skóli fyrir fólk með geðraskanir. Mjög vel rekinn skóli, ætlaður fyrir þá sem að höfðu dottið út úr námi. Syni mínum gekk þar vel, en það var ekki mikill vilji hjá stjórnvöldum þessa lands að halda þessum skóla opnum, þannig að nú er hann ekki svipur hjá sjón.

 Þar var verið að gera virkilega góða hluti. Þarna má Þorgerður Katrín Gunnarsdóttir fyrrverandi menntamálaráðherra, skammast sín fyrir að berjast ekki fyrir þessu skólastarfi.

Hvað kostar sólarhringurinn á legudeild Landspítalans og ég tala nú ekki um fjárhæðirnar sem að fara í lyfjakostnað. Það hefði mátt spara þjóðfélaginu hundruð milljóna króna á ári með því að hjálpa fólki með geðraskanir að komast aftur út í lífið.

Hlekkir og ánauð AGS.

Það var furðulegt að heyra um lánið frá Alþjóðagj.sjóðnum sem að vísu er ekki farið að snerta á enn. Það er sem sagt með himinháum vöxtum og nokkrar millur eru víst þegar komnar á alþjóðalánið sem að átti að bjarga öllu.

Engin þjóð ætlaði að lána okkur krónu fyrr en lánið frá AGS væri tryggt, því að hin lánin áttu öll að fara í gegnum AGS með alls konar fyrirvörum. Já hreinsunareldur AGS er mikill.

En mig langar að vita, hvað varð um lánin sem okkur var lofað og í hvað voru peningarnir  settir? Átti ekki allt að vera opið og gegnsætt?

Alþjóðagjaldeyrissjóðurinn ræður orðið Íslandi. Ekki má lengur skrifa upp á eða semja um eitt eða neitt nema AGS segi já og amen. Himinháir stýrivextir og gjaldeyrishöft eru gjafir AGS til Íslands.

Blóðugast af öllu er það, að við hefðum að öllum líkindum ekki þurft að leita til AGS ef Íslandi hefði verið treyst á alþjóðavettvangi. Gífuryrði stjórnvalda hér á landi, forsetans okkar og  fyrrverandi Seðlabankastjóra urðu til þess að enginn treysti okkur lengur.

AGS mun verða Fangelsmálastjóri íslenska "lýðveldisins" næstu áratugina.